CCÜCAKECHI 1:8 - Kemethajüh (N) (Re-editing) Bible (BSI)

⁸ Apvüwa Anyiza, khili kebenwa, kheni na ketenwa, nu ha seng wi gho ketenwa, Kekhangkedi ntsawa na khiben, “Hi Alfa nu Omega.”

CCÜCAKECHI 1:8 Iomraidhean Croise

ADECHHÜ 17:1

Abram na ma kahang achentugu nu tugu mapi wi Apvüwa na ma tuwi gho nu khi, “Hi kekhang Nyizawa. Keshüthangla ijühkina nu kemeshonwa sa tenlo.

ADECHHÜ 28:3

Kekhang ntsa Nyiza ya sawegü pi no cü nu nshicü kejon benya thsü, isanu no mizzatentithu kejon ba sayaden!

ADECHHÜ 35:11

Nu Anyiza na ma wi khi, “Hi kekhang ntsawa Nyiza. Atsanga kejon benyalo. No wina mizzatentithu shhugho ben, nu no kadimithu baqhai saben.

ADECHHÜ 43:14

Kekhang ntsawa Anyiza na anyi tsüwa sapi nthu nantizen nu Benjamin nu nthu cünyu kepawa la pi nthu cü neng kesawa salo. Ighena tsü, keujüla hi itsathu bhatagha lethu ileben güccü thia tendha.”

ADECHHÜ 48:3

Jakob na Josef wi kiza, “Kekhang ntsawa Anyiza na Kanaan yyi Luz wi itu gho nu sawegü pi hi cü.

ADECHHÜ 49:25

Ha nba Nyiza na no kiqa cüle, Kekhangwa Anyiza na tang wi atsankegho kesawegü, nu ayyi non wi atssü kesawegü pi no cü. Amesüsi nu atsangathu ghena kesawegü kejon pi cü.

BVÜKESHHU 3:14

Anyiza na khi, “Hi anuphanla hi. No mathu wi ‘Hi le khi ketenwa’ tsüna hi kesun pi nthu wi chi benle nkhithu yishü.

BVÜKESHHU 6:3

Hi Kekhang ntsawa Nyiza sala Abraham, Isak, nu Jakob tuwi gho, isala inyan kemetha Apvüwa le tsüpi mathu nchü thsü.

ISAYA 41:4

Hati sa keya thsüwa tsüna thowa nu? Thowa na ayyi kahang cüki kezhü ha kidenchi nu? Hi Apvüwa, adechhü wina den, nu hi Apvüwa Anyiza, asakhen wila ben den.

ISAYA 43:10

‘Israel nyithu, nthu na hi chüzathu le; hi nthu pi imagha sa thsüle kessiya, isanu nthu hi chüya nu hi nondiya, nu Anyiza tsüna hi ketanle kesa chüshiya thsüle kesalina. Imiwi acenpvü kepa wi nmi; hatu wi lela ben ngho nu haseng wi lela ben nben.

ISAYA 44:6

Apvüwa, Israel miwi kekhang sen, nu khweti ketenwa, Apvüwa Kekhang ntsawa na hati khiben, “Hi atuwa, asakhenwa, nu hi ketan Anyiza; acenpvü kepa wi nmi, isala hi ketan.

ISAYA 48:12

Apvüwa na khiben, “Ijühkinalo, hi ciya kesa Israel nyithu! Hi Anyiza, atuwa, asakhenwa, hi ketan Anyiza le!

ISAYA 9:6

Ghanyi kesü pvügha pi ithu cüdha! atsa kesü pi ithu cüdha! nu ma ithu miwi kekhang kesenwa saaden. Ma pi “Amankesa Kesansichüwa,” “Kekhang ntsawa Anyiza,” “Anuphan Bawa.” “Kecca Kaditsawa.” le ciden.

SHICÜSI 24:4

Ma Anyiza na mangwale khiben khe zaya mehai. Hi qancadu lela inyonkü nu amansa keben wi, Anyiza wi kemanthi kesü muya.

2 KORINTHNYI 6:18

Hi nthu Ba saden, nu nthu na itsangathu saben, Apvüwa kekhang ntsawa na khiben.”

CCÜCAKECHI 1:11

tsüna khi, “No kemuthu tsü pi lesüshen kesü wi zhüya nu pi kemehu tagü hathu cülo: Efesa, Smirna, Pergamum, Thiatira, Sardi, Filadelfia, nu Laodikea.”

CCÜCAKECHI 1:17

Hi ma mukeya wi ma ccü wi keshü ti qancadu. Isala ma ma kwen ajewa chang pi imiwi chi nu khi, “Nmessi lalo! Hi atuwa nu asakhenwa.

CCÜCAKECHI 1:4

Johan na zhü pi Asia yyi wi Kemehuthu Tagü kecü: Khili kebenwa, kheni na ketenwa, nu ha seng wi gho ketenwa, nu aghamu tagü ma kadipen tu wi ben ketenthu,

CCÜCAKECHI 11:17

nu khi, “Kekhangkediwa Apvüwa Anyiza, khili kebenwa nu kheni na kebenwa! No kekhangkedi khuya nu kekhang sen wa kesalina ithu na no nkesengcha saben!

CCÜCAKECHI 15:3

Mathu na Anyiza maghawa Mosa, nu Khaghanenizzawa khwi saben: “Apvüwa Anyiza kekhangkedi ntsawa, no kekulithu tsü khatila di nu amansa nu! Mizzatentithu miwi Kadimiwa, nlen na khatila meshon nu tsatan nu!

CCÜCAKECHI 16:14

Tsüthu na Atsaghang ghamuthu amankesathu kuliden. Aghamu ha kecheng na ayyi wi kadimithu tsüdi wi wa nu mathu ssighu sengho kekhangkedi ntsawa Anyiza tsathang wi aghisa thsüle kesalina.

CCÜCAKECHI 16:7

Tsaseng wi kekinyipen wina ahhai kesü hati khi keben zaya, “Apvüwa Anyiza kekhangkedi ntsawa! No ajühkaghaten kechithu tsüna atsentsa nu kemeshon kekuli le!”

CCÜCAKECHI 19:15

Ma pang wi njünnu kedighe kesü shhugho, nu ma tsü sen nu mizzatentithu chayaden. Ma amighe khhatssü kesü sen nu mathu miwi kekhang sen, nu ma Kemisintsawa Anyiza leben ketsu kisengtssü kimisügüpen wi kisengtssü tsü cücha cüben.

CCÜCAKECHI 19:6

Tsaseng wi hi anyitenti keti, atssüketi, nu atsankeshigü hhai ti kesa zaya. Tsüthu na hati khiben, “Halleluya! Kepaghenanye Apvüwa, ithu Nyiza Kemisintsawa tsüna Kadimiwa le!

CCÜCAKECHI 2:8

“Pi Smirna kemehu nyilowa kecü zhüya: “Hawa ha atuwa nu asakhenwa, shü nu hangnengya kesawa ketsijüh.

CCÜCAKECHI 21:22

Hi ciwi kekinyijjen kesüla nmu, kepaghenanye kekinyijjenwa tsüna Kemisintsawa Apvüwa Anyiza nu Khaghaneni zzawa tsü.

CCÜCAKECHI 21:6

Nu ma khi, “Tsü sacendha le! Hi Alfa nu Omega, atuwa nu asengwa, adechhüwa nu asakhenwa. Kesü le kesü lela dighe kebenwa hi kekila wina kahang tssü pi jjüya thsüden.

CCÜCAKECHI 22:13

Hi Alfa nu Omega, atuwa nu asengwa, adechhüwa nu asakhen ntsawa.”

CCÜCAKECHI 4:8

Hangben keten ghangsathu mejü, kesüsü wi agisha tugho na ben, nu anyon pi tsüthu pong pvüden. Tsüthu na tsathang tsajang khiela n-nganla hati khiden: “Kemetha, kemetha, kemetha, tsüna Apvüwa Anyiza kekhangkedi ntsawa, ma khili kebenwa, kheni na ketenwa, nu ha seng wi gho ketenwa.