CCÜCAKECHI 1:5 - Kemethajüh (N) (Re-editing) Bible (BSI)

⁵ nu Jisu Khrista, atsentsa chüzawa, keshü ja wi atuwa pvügha keyawa, nu ayyi wi kadimithu tsüdi miwi kekhang sen ketenwa wina nanketizen nu kecca ya nthu ssiben keyawa salo. Ithu nantizen nu ahhansha sa keshü ghena ma jjü pi ithu kesami wina ithu hangsha keyawa,

CCÜCAKECHI 1:5 Iomraidhean Croise

ZAKECI 51:2

Hi nkemehai tsüdila bhu metha, nu hi kesami wina hi sametha cülo!

ZAKECI 72:11

Kadimithu tsüdila ma tuwi kukedu; mizzatentithu tsüdila ma kekuli saden.

ZAKECI 89:27

Hi ma pila atsa tssütsewa sa thsü den, kadimithu miwi kedi ntsawa.

KEMETSAJÜH 14:5

Kenondi qo chüzawa na keshüthangla atsentsa khiden, isala nkenondi qowa tsüna milikemesa ketan.

ISAYA 55:4

Hi ma pi mizzatentithu ccüliwa nu benchüwa kesü sa thsü, nu ma miwi na hi kekhang pi mathu ccüca.

DANIEL 2:2

tsalina ma tusencüki kekhithu, kedemathu, avü kesenthu, nu atsanen kechüthu ya amanwa tsü khimetha pi ma kizalo cichi. Mathu na gho kadimiwa tuwi ngan keya wi

DANIEL 7:14

Kekhang, kenyuwakü, nu kadi kekhang pi ma cüa, isanu mizzatentithu, anyi nu ajühjja kepapa kesa nyithu tsüdila ma kekuli sa thsüle kesalina. Ma kekhang na anuphanla benden, nu ma kadinyu na asakhen sa nben.

LEVIYEN 13:58

Keujüla ma tsüpi ghasü nu ma yisü nmula lethu, ma kheneng tsüpi ghasü, nu tsüna keccüna wi metha ben.

ZEKHARIYA 13:1

Kemisintsa Apvüwa na khiben, “Tsü tsüna kegho wi atssükebvüpen kesü pfüsi chi pi David shicübvügha nu Jerusalem wi anyithu mathu kesami nu keqheza wina satemetha den.

MATHI 20:28

Anyi Tsawa na nyu ma kekuli sa thsüle kesawa nyela ma nyu kekuli sa, nu ma kahang khuchi pi anyi kejon hangshayale kesa ghena kegho tsüti.”

MATHI 28:18

Jisu na tetsaki gho nu mathu wi khi, “Tang wi nu ayyi wi la kekhang tsüdi pi hi cüdha.

JOHAN 13:1

Shhukeya Kho tsathang npi tuwi Jisu na ma ayyi ha teshi nu Abawa wi wa keten matsü na gho cudha kesa chüya. Ma ayyi ha wi ma jithu tizenghali ntsa sa, nu ma mathu tizenghali wa asakhen cu.

JOHAN 13:34

Hi ayenkhukechi ketheü kesü pi nthu cüben, nthu khokho tizenghali liyalo. Hi nthu tizenghali kesa ti nthu la khokho tizenghali li meyathu yishü.

JOHAN 15:9

Iba na hi tizenghali keten tsüti hi la nthu tizenghali den, hi tizenghali wi ben yalo.

JOHAN 18:37

Tsalina Pilat na ma keü, “Isathu, no kadimiwa kwe?” Jisu na luneng, “No hi kadimiwa le khi. Hi atsentsawa sheipi le kesa jjügi ghena ayyi hawi gho. Thowa na atsentsawa wi benten khe ijüh kina den.”

JOHAN 3:11

Hi atsentsawa no kizaden: ikhang na ikhang kechüwa tsü khiden, nu ikhang kemuwa tsü sheipiden; isala nthu na ikhang jüh nkinale!

JOHAN 3:16

Kepaghenanye Anyiza na ayyi nyi tizenghali ntsa kesalina ma Tsa ntsawa kesütan tsü lela khuchi, nu anyi thowa na ma nondiya khe dedi kesawa nyela anuphan kahang bendha.

JOHAN 3:32

Ma ma kemu nu kiza tsü sheipiden, isala thola ma sheikepi tsü ya nten.

KEKULI 20:28

Tsalina nthu ketanla nthu ghena nu Kemetha Ghamu na nthu pi hie thsü ketheng nenithu tsü nonccayalo. Anyiza kemehu, ma ma Tsawa pi ahhansha kesa wina sa kethengwa tsü hie kemehai saya.

KEKULI 26:23

tsüna Khrista na ketizen nsathu yishü nu ma keshü wina hangneng-keshagha atuwa sa nu hangshakeya kewegüwa pi Judah nyithu nu Judah nyi nkenyethu tsüdi wi kiza.”

ROMNYI 3:25

Anyiza na ma khuchi cü, nu ma ahhansha sa keshü wina anyithu na ma kenondi ghena mathu kesami teshi pi kecüwa saya thsüa. Anyiza na Khrista khukechi tsüna ma khati nu anyi pi ma tuwi meshonya thsüten khe pi ccüca kechi. Anyiza na kheni anyi kesami ghena lebensie nu mula nkemu ti saghodha.

ROMNYI 8:37

Nyele, ithu na ithu nantizen kecüwa wina hathu ha tsüdi miwi khang yadha le!

1 KORINTHNYI 6:11

Kheni nthu pahan na tsüti kesa wi hang. Isala khili tsü kesami wi nthu samethayadha; nthu satemetha pi Anyiza wi chidha; Apvüwa Jisu Khrista nu Anyiza Ghamu wina nthu pi Anyiza tuwi meshonyadha.

GALATIANYI 2:20

Tsalina khili hang kebenwa tsüna hi nyedha, isala hi wi hang kebenwa tsüna Khrista. Hi khili hang kebenwa kahang ha na hi tizen nu ighena ma kahangli khuchi kesawa Anyiza Tsawa kenondi wina hang ben.

EFESANYI 2:4

Isala Anyiza nanketizen na ji ntsa, nu ma ithu ketizen na di ntsa,

EFESANYI 5:2

Khrista na ithu tizen nu ithu ghena ma kahangli khuchi pi hankedemvu nu ahhansha sala Anyiza kenen sa kesa tsüti nthu kahang na nanketizen wi nbenthu yishü.

AYENZHÜNENG 18:2

Mathu na amizza kepathu ti ayyi ben nben; Apvüwa na khishiketheng ti Apvüwa ghena keqhaikedithu kesawa tsüna mathu shei.

AYENZHÜNENG 23:5

Isala Apvüwa nthu Nyiza na Balaam jühya nkesa; tsüti kesawa nye ma kishen-keshi pi kesawegü sacü, kepaghenanye ma nthu tizen kesalina.

AYENZHÜNENG 7:8

Isala Apvüwa na nthu tizen nu ma nthu bamyithu wi khishiketheng tsü nie mvu kesalina le. Tsalina ma ma kekhang kedi pi nthu hangshaya nu nthu na Ejipt kadimiwa nssümagha sa keben wina nthu lisha chicüa.

KOLOSSINYI 1:18

Ma ma gwo, kemehu wi tsü aliwa; ma agwo wi tsü kahang bvüwa. Ma Atsa tssütsewa, ma pi pala tsüdi wila atuwa pen wi benya thsüle kesalina Anyiza na keshü wi ma sa pi hang neng cüa.

1 TIMOTHI 6:13

Kahang pi tsüdila cü ketenwa Anyiza, nu Pontia Pilat tu wi ma kenondi zükeqhe khishi kechiwa Khrista Jisu tu wi na hi no kizaben,

1 TIMOTHI 6:15

Kemehai nu kekhangwa ma ketan, kadimithu miwi Kadimiwa, apvüthu miwi Apvüwa, Anyiza na matsü wina ma pi gho thsüaben.

IBRINYI 10:29

Isalethu, anyi Anyiza Tsawa pi ma men nkemi sa, ajjü pi Anyiza Cenkethenjüh sa nu kesami wi ma satemetha ketheng tsü pi lekete sa, nu Aghamu nanketizen then ketenwa tsü khati saben nu? Meshenchilo, ma kemeten-kemesha nkemehai khacu muya qo nu!

IBRINYI 9:14

Hawa ha ntsakhiwa, isalethu Khrista jjü pi sacen kechiwa tsü khati ma men benki nu! Ma ketanla ma pi anuphan Ghamu wina kecencu hhansha kesü sa pi Anyiza cüdha. Ma jjü na keccüna ma men nkemi wi ithu kemeshen satemetha cüben, isanu ithu yala hang kebenwa Nyiza kekuli saya thsüben.

1 PITOR 1:19

isala tsüna khaghanenizza kinaqhe nyelela nyu ghojünkeya mangla nkemi ti kesa Khrista pi ahhansha kesa jjü men kedhuwa tsü.

1 JOHAN 1:7

Isala keujüla ma kewegü, wi keben tsüti ithu la kewegü wi hang ten lethu, ithu na khokho ssinu gweghe ashukesa wi ben, nu ma Tsawa, Jisu jjü na kesami tsüdi wi ithu satemetha cüben.

1 JOHAN 4:10

Ketizen na ha: ithu na Anyiza ketizen ghena nye, isala ma ithu tizen kesalina ma Tsawa kesun pi ithu ghena kesami hhansha sa thsüa.

CCÜCAKECHI 11:15

Tsaseng wi tangnyilo tagüwa na ma tutuwa khouchi, nu tang wi ahhai misikhhali nu khi, “Ayyi miwi kekhang sen keten kekhang tsüna khili ithu Pvüwa nu ma Messiya ji sadha, nu ma anuphan nu anuphanla kekhang senben!”

CCÜCAKECHI 11:3

Hi kekhang pi hi chüza keni cü nu kesun chiden, nu manyi adhulathsü mphi nu ghanan 1260 Anyiza ketsijüh khiben.”

CCÜCAKECHI 17:14

Mathu na Khaghanenizzawa ssinu kaghashen ben, isala Khaghanenizzawa na ma ci keyathu, kessi keyathu, nu jühtsentsa sa ma nie ketenthu ssinu mathu chaya ben, kepaghenanye ma apvüwathu miwi Apvüwa nu kadimithu miwi Kadimiwa.”

CCÜCAKECHI 19:11

Tsaseng wi atssan shachi nu hi goru kemiki kesü ciwi keben mu. Tsü miwi kebenwa tsüna Jühtsentsawa nu Atsentsawa le khiden; ma ketsatan sen nu ajühkaghaten nu aghisaden.

CCÜCAKECHI 19:16

Ma gwomejuwa kaghazu nu ma phede miwi anyan pi zhüki pvü keten na: “kadimithu miwi Kadimiwa nu apvüwathu miwi Apvüwa.”

CCÜCAKECHI 2:13

No Satan kadipen keben pen wi hang keten tsü hi chüben. Satan kahang pen wi tsü isheikepi tsentsawa Antipa kepathi wi lela no no kenondi nteshila hi wi jühtsentsa sa.

CCÜCAKECHI 3:14

“Pi Laodikea kemehu nyilowa kecü zhüya: “Hawa ha Amen, atsentsa chüzawa nu jühtsentsa kesawa ketsijüh. Ma Anyiza na sahangkechi tsüdi miwi kekhang kesenwa.

CCÜCAKECHI 7:14

Hi ma luneng, “Hi nchüle, kediwa. No chüben.” Ma hi kiza, “Anyi hathu ha ketizenkesa qhethiketen kesa wina shhughoya nu ghoben. Mathu na Khaghanenizzawa jjü pi mathu thsümeni satemetha nu mikidha.