CCÜCAKECHI 1:4 - Kemethajüh (N) (Re-editing) Bible (BSI)

⁴ Johan na zhü pi Asia yyi wi Kemehuthu Tagü kecü: Khili kebenwa, kheni na ketenwa, nu ha seng wi gho ketenwa, nu aghamu tagü ma kadipen tu wi ben ketenthu,

CCÜCAKECHI 1:4 Iomraidhean Croise

ZAKECI 90:2

No ayyishiphon npi sakechi nyelela ayyi npi sakechi wi, no anuphan Anyiza le, nu anuphanla Anyiza sa den.

BVÜKESHHU 3:14

Anyiza na khi, “Hi anuphanla hi. No mathu wi ‘Hi le khi ketenwa’ tsüna hi kesun pi nthu wi chi benle nkhithu yishü.

ISAYA 11:2

Apvüwa ghamu na kemetsa, pala kechü, nu sapichü pi ma cü nu ma nyi miwi kedi sa thsü le kesalina. Ma Apvüwa kenenwa tsü chü, nu ma kinyiküden,

ISAYA 41:4

Hati sa keya thsüwa tsüna thowa nu? Thowa na ayyi kahang cüki kezhü ha kidenchi nu? Hi Apvüwa, adechhü wina den, nu hi Apvüwa Anyiza, asakhen wila ben den.

ISAYA 57:15

“Hi kemisi nu kemetha Nyiza anuphanla hangben ketenwa tsüle. Hi kemisi nu kemetha pen wi hangden, isala hi mathu kenondi nu kaghang pi cü nengle kesalina anyi mathu kahang satemeni nu leben khapeghe keyathu la ssinu hangden.

MIKA 5:2

Apvüwa na khiben, “Bethlehem Efratha, no Judah yyi wi anyuti kizza ntsa kesü, isala hi no wina ma theghishi na kheni tsü wina kegho Israel ghena kekhang kesen kesü shhugho thsüden.”

ZEKHARIYA 3:9

Hi alon kesütan matsi tagü kesa tsüpi Joshua tuwi chiben. Hi tsü miwi kezhü pi hoki, nu ghanan kesü jü ketan na hi ayyi hawa kesami sen bvüaden .

ZEKHARIYA 4:10

Mathu na keu ketan sacen keya ghena ahathana ben. Isala mathu na Zerubbabel na Kekinyijjenwa tsü sakeben muyathu mathu nonghe yaben.” Tangnyilowa na hi wi khi, “Ahula tagü tsüna Apvüwa nyon tagü, ayyi tsüdi wi mu kebenwa tsüle.”

ZEKHARIYA 6:5

Ma luneng, “Hathu ha ameghü mejü; mathu na ayyi maben wi Apvüwa tuwi na ghoben.”

JOHAN 1:1

Adechhü wina ajühwa tsüna benden, ajühwa tsüna Anyiza gwegheden, nu ajühwa tsüna Anyiza.

KEKULI 19:10

Amapi keni-u tsüti sa wa kesalina Asia yyi wi kahang Judah nyithu nu Grik nyithu la tsüdi Apvüwa jüh zaya.

KEKULI 2:9

Ikhang na Parthia, Media, nu Elam wina; Mesopotamia, Judea, nu Kappadosia wina; Ponta nu Asia,

ROMNYI 1:7

Tsalina hi ha zhü pi nthu Rom wi kebenthu Anyiza na tizen nu ci pi ma ji saya kesathu tsüdi cüben. Ithu Bawa Anyiza nu Apvüwa Jisu Khrista yala nanketizen nu kecca pi nthu kecüwa salo.

1 KORINTHNYI 1:3

Ithu Ba Anyiza nu Apvüwa Jisu Khrista ya nanketizen nu kecca pi nthu kecüwa salo.

2 KORINTHNYI 1:2

Ithu Ba Anyiza nu Apvüwa Jisu Khrista ya nanketizen nu kecca pi nthu kecüwa salo.

IBRINYI 13:8

Jisu Khrista na ghanie, nansü, nu anuphan la makesü.

JAMES 1:17

Aju kemehai nu cencu khukechi tsüdila tang wi kewegüthu Sakechiwa, tang wi kemili nketenwa nyelela kheneng bvü nu akekhwen sa nketenwa Anyiza wina kedugho.

CCÜCAKECHI 1:1

Lesüshen hana Jisu Khrista pi ccücakechi cüki zhü theng. Pala hathu ha wan sacen keten Anyiza na pi ma maghathu ccücalo pi ma cü; Khrista na tangnyilo kesun pi ma maghawa Johan wi chi nu tsü chüya thsü,

CCÜCAKECHI 1:11

tsüna khi, “No kemuthu tsü pi lesüshen kesü wi zhüya nu pi kemehu tagü hathu cülo: Efesa, Smirna, Pergamum, Thiatira, Sardi, Filadelfia, nu Laodikea.”

CCÜCAKECHI 1:17

Hi ma mukeya wi ma ccü wi keshü ti qancadu. Isala ma ma kwen ajewa chang pi imiwi chi nu khi, “Nmessi lalo! Hi atuwa nu asakhenwa.

CCÜCAKECHI 1:20

No ikwen ajewa ghotsithu tagü keben, nu suna pi kesa ahula kedonpenthu tagü kemu tsü ma jjügi na ha: ghotsithu tagü tsüna kemehu tagü nyilothu, nu ahula kedonpenthu tagü tsüna kemehuthu tagü.

CCÜCAKECHI 1:8

Apvüwa Anyiza, khili kebenwa, kheni na ketenwa, nu ha seng wi gho ketenwa, Kekhangkedi ntsawa na khiben, “Hi Alfa nu Omega.”

CCÜCAKECHI 1:9

Hi, nthu cünyuwa Johan, Jisu wina nthu gweghe kemeten-kemesha nu kadiyyi wi ben nu kethankehila kekheneng benden. Anyiza jüh nu Jisu cüki pi kekhi ghena hi ghan pi Patmos ayyi-mangkehi wi chia.

CCÜCAKECHI 16:5

Hi atssü kenoncca nyilowa na khi keben zaya, “O Kemethawa, no khili kebenwa, kheni na kebenwa! No ajühkaghaten kechithu tsüna meshon le!

CCÜCAKECHI 2:12

“Pi Pergamum kemehu nyilowa kecü zhüya: “Hawa ha njünnu yiyha ghapeli qho keben sen ketenwa ketsijüh.

CCÜCAKECHI 2:18

“Pi Thiatira kemehu nyilowa kecü zhüya: “Hawa ha Anyiza Tsawa ma nyon na anni keqhe ti nu ma ccü na lezza misi ketheng ti wegü kebenwa ketsijüh.

CCÜCAKECHI 2:8

“Pi Smirna kemehu nyilowa kecü zhüya: “Hawa ha atuwa nu asakhenwa, shü nu hangnengya kesawa ketsijüh.

CCÜCAKECHI 22:16

“Hi, Jisu, hi nyilo kesunchi pi kemehuthu wina pala hathu pi nthu kiza thsü. Hi David shicü wina gho. Hi aghanen ghotsi kewegüwa.”

CCÜCAKECHI 22:8

Hi, Johan pala hathu tsüdi zaya nu muyadha. Nu hi khathansha wi tsüthu zaya nu mu cenya khe, hi nyilo pala hathu pi hi keccücawa ccü wi khulidua, nu hi ma kinyi le sa wa.

CCÜCAKECHI 3:1

“Pi Sardi kemehu nyilowa kecü zhüya:” “Hawa ha Anyiza ghamuthu tagü nu ghotsithu tagü kebenwa ketsijüh. Hi no mangwa saben khe chüben. No shü lela hang keben cüki kemehai kekhi tsü hi chüben.

CCÜCAKECHI 3:14

“Pi Laodikea kemehu nyilowa kecü zhüya: “Hawa ha Amen, atsentsa chüzawa nu jühtsentsa kesawa ketsijüh. Ma Anyiza na sahangkechi tsüdi miwi kekhang kesenwa.

CCÜCAKECHI 3:7

“Pi Filadelfia kemehu nyilowa kecü zhüya: “Hawa ha metha nu atsentsa saben ketenwa ketsijüh. Ma David ji shakhen pi ajenka sha lethu thola khenya nketen, nu khen lethu thola shaya nketen tsü ben.

CCÜCAKECHI 4:5

Kadipenwa wina atsancwe, atsankeshigü nu atsanphagha na shhugho. Kadipenwa tu wi anni kecanki tagü na qheben, tsüthu tsüna Anyiza ghamuthu tagü.

CCÜCAKECHI 4:8

Hangben keten ghangsathu mejü, kesüsü wi agisha tugho na ben, nu anyon pi tsüthu pong pvüden. Tsüthu na tsathang tsajang khiela n-nganla hati khiden: “Kemetha, kemetha, kemetha, tsüna Apvüwa Anyiza kekhangkedi ntsawa, ma khili kebenwa, kheni na ketenwa, nu ha seng wi gho ketenwa.

CCÜCAKECHI 5:6

Tsaseng wi hi Khaghanenizzawa na kadipen mnon wi ngan, hangben keten ghangsathu mejü nu keshenpfüthu na ma vü sen keben mu. Khaghanenizzawa tsüna pathi kesa ti. Tsüna ma ghacü tagü nu anyon tagü ben, tsüthu tsüna Anyiza ghamu tagü kesun pi ayyi maben wi chi kesathu.

CCÜCAKECHI 8:2

Tsaseng wi hi tangnyilothu tagü na Anyiza tu wi ngan keben mu, nu tutuwa tagü pi mathu cü theng.