CCÜCAKECHI 1:2 - Kemethajüh (N) (Re-editing) Bible (BSI)

² Johan na ma kemu tsüdi pi kizachidha. Hana Anyiza wina kegho ketsijüh nu Jisu Khrista na pi ccücakechi atsentsawa cüki ma khi kechi.

CCÜCAKECHI 1:2 Iomraidhean Croise

JOHAN 1:32

Nu Johan kekhi na, “Hi tang wi aghamu na nkhetsü ti kesa dugho ma miwi ben wa kea muya.

JOHAN 12:17

Jisu na ashüjjen wi Lazar cichi nu keshü wi ma sa pi hangneng kecü wi anyitenti ma gweghe kebenthu na ma sheipichi.

JOHAN 19:35

(Tsü kemuwa na tsü sheipichi, nu ma sheikepi jüh tsüna atsentsa, ma atsentsawa khile kesa ma chüben; isanu nthu la nondiya thsüle kesalina.)

JOHAN 21:24

Hawa ha sansikeya nyi ma hathu khi nu tsüthu la zhüchi, nu ithu na ma sheikepi tsüna atsentsa le kesa chüben.

JOHAN 3:11

Hi atsentsawa no kizaden: ikhang na ikhang kechüwa tsü khiden, nu ikhang kemuwa tsü sheipiden; isala nthu na ikhang jüh nkinale!

KEKULI 22:15

Kepaghenanye no mangwa mu nu zayadha khe tsü pi anyi tsüdi kiza nu ma chüza saden.

KEKULI 26:16

Isala no shagha nu ngan yalo. No imaghawa saya thsüle kesalina hi no wi gho. Nu no nansü he wi mangwa muya nu hi ashiseng wi mangwa pi no ccücaten khe no tsü khi pi nyu kepa wi kizaden.

KEKULI 4:20

Kepaghenanye ishinyi na mangwa mu nu zaya khe tsü pi nkhila saya nben.”

1 KORINTHNYI 1:6

Khrista cüki ketsijüh tsüna nthu wi zükeqhe benya kesalina

1 KORINTHNYI 2:1

Icünyuthu, hi kemetsa nu ajühkhi kemehai sen nu Anyiza cüki kekuthi tsentsawa tsü khile kesa ghena nthu wi nghole!

1 JOHAN 1:1

Ikhang na adechhü wina keten kahang jüh cüki tsü zhü pi nthu cüben. Ikhang na tsü zaya nu anyon pi tsü muyadha; ikhang na tsü muya, nu akwen pi tsü payadha.

1 JOHAN 4:14

Abawa na ma Tsa kesun pi ayyi Hangshawa sa thsüle kesa ithu na muyadha nu khi pi nyu kepa kizaden.

3 JOHAN 1:12

Anyi tsüdila Demetra kemehai cüki khiben; atsentsawa ketanla ma kemehai cüki khiben. Nu ithu sheikepi pi tsü wwaben, ithu na atsentsa khiben le kesa no chüben.

CCÜCAKECHI 1:11

tsüna khi, “No kemuthu tsü pi lesüshen kesü wi zhüya nu pi kemehu tagü hathu cülo: Efesa, Smirna, Pergamum, Thiatira, Sardi, Filadelfia, nu Laodikea.”

CCÜCAKECHI 1:19

No khili pala mu keyathu tsü, khili kebenthu, nu ha seng wi sa ketenthu lela zhüyalo.

CCÜCAKECHI 1:9

Hi, nthu cünyuwa Johan, Jisu wina nthu gweghe kemeten-kemesha nu kadiyyi wi ben nu kethankehila kekheneng benden. Anyiza jüh nu Jisu cüki pi kekhi ghena hi ghan pi Patmos ayyi-mangkehi wi chia.

CCÜCAKECHI 12:11

Ithu cünyuthu na Khaghanenizzawa jjü nu mathu atsentsawa sheikepi ghena ma miwi khang yadha; nu mathu na mathu kahang khuchi nu shü mvu kesalina.

CCÜCAKECHI 12:17

Tsaseng wi kemanthisa na nzawa miwi lebentsu nu ma shicü kepathu, Anyiza yenkhukechi kina ketenthu nu Jisu na pi ccüca kechi wi jühtsentsa sa ketenthu tsüdi ssikaghashenle bvüa.

CCÜCAKECHI 20:4

Tsaseng wi kadipenthu, nu tsüthu miwi donki kebenthu ya nyu jühkaghaten ya kemehai kekhang pi cü ketheng mu. Nu hi Jisu pi ccücakechi nu Anyiza jühtsentsawa tsü pi kekhi ghena nyu mathu pathi kesa ghamuthu la mu. Mathu na aghangsawa tsü nu ma tsikezhü la nkinyi, nyelela mathu na tsü zensu tsü pi mathu tie nyelela mathu kwen wi lela njen pvü. Mathu na kahang wi gho Khrista gweghe amapi hazar kesü kadimi sala kadi sa.

CCÜCAKECHI 22:21

Apvüwa Jisu nanketizen ya anyi tsüdi ssiben ketenwa salo.

CCÜCAKECHI 6:9

Tsaseng wi Khaghanenizzawa na mechantsi mangawa tsü shachi. Ciwi hi kekinyipen kekhu wi Anyiza jüh khi nu mathu sheikepi wi atsentsa kesa ghena pathi kesa ghamuthu mu.