CCÜCAKECHI 1:1 - Kemethajüh (N) (Re-editing) Bible (BSI)

¹ Lesüshen hana Jisu Khrista pi ccücakechi cüki zhü theng. Pala hathu ha wan sacen keten Anyiza na pi ma maghathu ccücalo pi ma cü; Khrista na tangnyilo kesun pi ma maghawa Johan wi chi nu tsü chüya thsü,

CCÜCAKECHI 1:1 Iomraidhean Croise

ZAKECI 25:14

Apvüwa na ma jühkina ketenthu pvüshangwa, nu ma mathu ssinu cenkethenjüh tsü satezü den.

DANIEL 8:16

Hi ahhai kesü na Ulai Ghaku ghüsa keni jüwi khi keben zaya, “Gabriel, ma kemu jjügiwa tsü khimetha pi ma kizalo.”

DANIEL 9:21

Hi kekhie sa keben wi hi kemanthi atuwa wi mukeyawa Gabriel tsüna pighe sen hi keben pen wi dugho. Tsüna minulen ahhansha sapi kekinyi tsüwi.

DANIEL 9:23

No khathansha Anyiza wi keshükene shagha khe ma no luneng chidha. Ma no ghaliden, tsalina hi luneng kechi pi no kizale ghodha. Tsalina hi kemanthiwa tsü jjügi khimetha keben wi kina kaketsü sayalo.

AMOS 3:7

Kemisintsa Apvüwa na khiela ma kemeshen pi ma maghathu, atusenjüh-kechüthu nccücala mangla sa nten.

JOHAN 12:49

Tsüna ntsakhiwa, kepaghenanye hi ketanla hi kekhang wina nkhi, isala Abawa hi kesun kechiwa na hi nkhithu keyishü pi hi kiza.

JOHAN 15:15

Hi nthu pi amaghathu le ncidha, kepaghenanye amaghawa na ma pvüwa na mangwa saten khe chü nten. Hi nthu pi ipvüshangthu isa ciden, kepaghenanye hi iBa wi zakeya tsüdi pi nthu kizadha.

JOHAN 17:8

No ketsijüh pi hi kecüthu hi tsü pi mathu cü nu mathu tsü yayadha; mathu na hi ntsakhiwa no wina ghole kesa chüyadha, nu no hi kesun chile kesa nondiyadha.

JOHAN 3:32

Ma ma kemu nu kiza tsü sheipiden, isala thola ma sheikepi tsü ya nten.

JOHAN 8:26

Hi nthu cüki kekhi-u nu nthu kemeshensa-u kejon na ben, isala hi kesun kechiwa tsüna atsentsa saden nu hi ma wi zakeya ketan pi ayyi nyi kizaden.”

ROMNYI 16:25

Ithu anyankethang pi Anyiza cü nalo! Hi Jisu Khrista cüki Jühtheü Kemehaiwa pi nthu kesansi, nu kheni tsüwi pi kesiela kuthi kegho pi ccücakechi atsentsawa tsü kenie wina Anyiza na nthu sa pi nthu kenondi wi zükeqhe ngan thsüya mehai.

GALATIANYI 1:12

Kepaghenanye hi anyi wina tsü mu meya nyelela thola tsü pi hi nsansi. Tsüna Jisu Khrista na ma ketanla pi hi ccüca kechi.

EFESANYI 3:3

Anyiza na ma kemeshen kekuthi tsü pi hi ccüca chidha. (Hi tsü cüki melute zhüchi,

TITA 1:1

Anyiza maghawa nu Jisu Khrista apostelwa Paul na zhükechi. Anyiza na kessikeya nyithu kenondi satezü nu ithu keccüna pi kesansi wi mathu ssinu atsentsawa wi walo kesalina hi kessiya nu kesunchi,

CCÜCAKECHI 1:19

No khili pala mu keyathu tsü, khili kebenthu, nu ha seng wi sa ketenthu lela zhüyalo.

CCÜCAKECHI 1:9

Hi, nthu cünyuwa Johan, Jisu wina nthu gweghe kemeten-kemesha nu kadiyyi wi ben nu kethankehila kekheneng benden. Anyiza jüh nu Jisu cüki pi kekhi ghena hi ghan pi Patmos ayyi-mangkehi wi chia.

CCÜCAKECHI 17:1

Tsaseng wi tangnyilo tagü ja wi kesü ma kwen wi ahikhu tagü sen ketenwa hi wi gho nu khi, “Ghalo, hi aghaku kejon kete wi anyunuti sa ketheng, nza keqheza menkedsawa tsü khati meten cüten khe pi no ccücaden.

CCÜCAKECHI 19:10

Hi ma ccü wi qancadu ma kinyile sa, isala ma hi wi khi, “Tsüti nsa lalo, hi la no nu ncünyuthu, Jisu pi ccücakechi atsentsawa tsü ghansen ketenthu tsüdi ti kesa amagha kesü le. Anyiza kinyilo!” Kepaghenanye Jisu pi ccücakechi atsentsawa tsüna atusenjüh-kechüthu kechüchiden.

CCÜCAKECHI 19:9

Tsaseng wi tangnyilowa na hi kiza, “Ha zhüyalo: Khaghanenizzawa keshanyi wi qhechi kethengthu na kemihhi ntsa.” Tangnyilowa na khineng, “Hathu hana Anyiza jühtsentsa.”

CCÜCAKECHI 21:2

Nu hi Kemetha Nyunutiwa, Jerusalem ketheüwa tsüna tang wi Anyiza wina dugho keten mu, tsüna shanyili kesü na ma thsümeni kiden-kesha pvü nu ma wubawa metu le keben ti kesa.

CCÜCAKECHI 21:9

Tangnyilothu tagü ja wi kesü ahikhu tagü wi adhagha sakhenthu tagü pi chisen ketenwa na hi wi gho nu khi, “Ghalo, hi shanyiliwa, Khaghanenizzawa wubvü tsü pi no ccüca na.”

CCÜCAKECHI 22:1

Tangnyilowa na kahangtssü ghaku na Anyiza nu Khaghanenizzawa kadipen wina akhwetssü ti lle shhugho

CCÜCAKECHI 22:16

“Hi, Jisu, hi nyilo kesunchi pi kemehuthu wina pala hathu pi nthu kiza thsü. Hi David shicü wina gho. Hi aghanen ghotsi kewegüwa.”

CCÜCAKECHI 22:6

Tsaseng wi tangnyilowa na hi kiza, “Ajüh hathu ha atsentsa nu nondi qo le! Apvüwa Anyiza, ma Ghamu pi atusenjüh-kechüthu kecüwa na ma nyilo kesunchi pi pala wan sacen keten tsü pi ma maghathu ccüca thsüben.”

CCÜCAKECHI 22:8

Hi, Johan pala hathu tsüdi zaya nu muyadha. Nu hi khathansha wi tsüthu zaya nu mu cenya khe, hi nyilo pala hathu pi hi keccücawa ccü wi khulidua, nu hi ma kinyi le sa wa.

CCÜCAKECHI 22:9

Isala ma hi wi kiza, “Tsüti nsa lalo! Hi la no nu ncünyu atusenjüh-kechüthu nu lesüshen ha wi ajühthu nie ketenthu tsüdi ti kesa amagha kesü. Anyiza kinyilo!”

CCÜCAKECHI 4:1

Hi ha tsü wi kemanthi kepa wi kesü wina tang wi ajenka kesü sha ketheng muya. Hi hatu wi zakeya tutuwa kekhou hhai ti kesa tsüna hi wi khi, “He wi kugholo, hi ha seng wi kuli keten pi no ccücaden.”

CCÜCAKECHI 5:7

Khaghanenizzawa na wala kadipen miwi donki kebenwa kwen ajewa wi kezhüllu tsü khuya.