ADECHHÜ 4:2 - Kemethajüh (N) (Re-editing) Bible (BSI)

² Tsaseng wi ma atsa kesü mu nengya nu ma nyan pi Abel ciya. Abel na aneni hie isala Kain na allikeca nyi sa.

ADECHHÜ 4:2 Iomraidhean Croise

ADECHHÜ 3:23

Tsalina Apvüwa Anyiza na Eden Sanku wina ma jügüshi nu kheni pi ma zhüketheng ayyiwa tsü ceng wa thsüa.

ADECHHÜ 37:13

Jakob na Josef wi kiza, “Hi no kesun pi Shekhem wi ncünyuthu na aneni hie keten wi wa thsü mvu benle.” Josef na luneng “Hi wa tenle.”

ADECHHÜ 4:1

Tsaseng wi Adam na ma wubvü Eve manyi gweghe nu ma wubvü na atsa-npvüya. Ma atsa kesü pvüghaya nu khi, “Apvüwa kekiqa ghena hi atsa kesü muyadha.” Ma atsawa nyan pi Kain ciya.

ADECHHÜ 4:3

Matsü pahan seng wi Kain na abikehai pahan sengho Apvüwa kinyi.

ADECHHÜ 47:3

Kadimiwa na mathu wi keü, “Nthu na kekuli mangwa sa ten nu?” Mathu na luneng “Kediwa, ikhang na ikhang bamyithu kekuli ti ikhang na anenikehiethu le.

ADECHHÜ 9:20

Noah na allikeca nyi kesü, ma kemeshentsse ton pi kisheng nyi atuwa.

ZAKECI 127:3

Atsangathu tsüna Apvüwa wi aju kemihhi khukechi kesü; mathu na atsentsa kesawegü.

BVÜKESHHU 3:1

Ghanan kesü wi Mosa na ma myiwa Jethro, Midia nyi keqhaikediwa khaghaneni nu anenithu hieden, ma anenithu ssisen ayyikeshü bvüdhi sen kemetha yikha Sinai wi tsü gho.

AMOS 7:15

Isala Apvüwa na hi anenikehie nyi kesü kekuli sa keten wi hi ssiya nu hi wala ma nyi Israel wi atusenjüh-khilo ahza khuchi.

Luk Zhükechi Jühtheü Kemehaiwa 11:50

Tsalina adechhü ayyi sahangkechi wina atusenjüh-kechüthu tsüdi kepathi ghena nansü nyithu ha meten cüben,

Luk Zhükechi Jühtheü Kemehaiwa 11:51

tsüna Abel kepathi na wala kekinyipen nu Kemetha pen manyi jüwi pathi kesawa Zekhariya kecu ajukhi tsüna nansü nyithu miwi yaden. Anle, hi nthu kizaden, tsüthu jukhi tsü nansü nyithu miwi yaden!”

JOHAN 8:44

Nthu na nthu ba atsaghang tsangathu, nu nthu na nthu ba kenenwa tsü sa mvuden. Ma adechhü wina nyu kepathi nyi nu ma khiela atsentsawa tsü sa nten, kepaghenanye atsentsawa tsüna ma miwi nmi. Ma milimesa lethu tsüna ma yen kenie wi ghena khiben, kepaghenanye ma milikemesawa nu milikemesa tsüdi bawa.

1 JOHAN 3:10

Ha wina Anyiza tsangathu nu Atsaghang tsangathu chü kepapa sa yaben: anyi thowa na ketsatan kuli nten nyelela ma cünyuwa tizen nten khe ma Anyiza tsanga nye.

1 JOHAN 3:12

12 Ithu na Kain ti sa yishü; ma Atsaghang ji sa nu ma cünyuwa Abel pathia. Ma mangkesa na ma cünyuwa pathi nu? Kepaghenanye ma kekulithu tsüna sazzi, isala ma cünyuwa kekulithu na meshon.

1 JOHAN 3:15

Thowa na ma cünyuwa nanmeghü ten khe ma nyu kepathi nyi, nu nyu pathi ketenwa miwi anuphan kahang nmi kesa nthu na chüben.