ADECHHÜ 1:3 - Kemethajüh (N) (Re-editing) Bible (BSI)

³ Tsaseng wi Anyiza na khi, “Kewegü yala ciwi ben thsülo.” — Ciwi kewegü na shhugho.

ADECHHÜ 1:3 Iomraidhean Croise

ADECHHÜ 2:4

Hatinu atssan, ayyi sahangya. Apvüwa Anyiza na atssan nu ayyi sa kechi wi

Job Lesüshen 36:30

Ma atsancwe kesun pi atssan tsüdi wi chi, isala atssükedone kedhuthu tsü jang ben den.

Job Lesüshen 38:19

No kethang hana khiewa na gho, nyelela kejang keshhughopen tsü chüben ma?

ZAKECI 104:2

no ketanla kewegü pi no mejuya. No atssanthu pi anithsü ti shighe chi,

ZAKECI 118:27

Apvüwa na Anyiza le; ma ithu ghena mehai. aghang tsang khuya nu akho kidenya yilo, nu alentsen sen nu kekinyipen tsü vülo.

ZAKECI 148:5

Tsüthu tsüdi ya Apvüwa nyan seng thsülo! Ma ajüh khichi nu tsüthu saya;

ZAKECI 33:6

Apvüwa ma jühkhukechi wi atssanthu sachi, ma jüh kekhi wina aghani, asha nu ghotsithu sachi.

ZAKECI 33:9

Ma khikechi wi, ayyiwa tsüna zhüya; ma jühkhukechi wi pala tsüdila shhugho.

ZAKECI 97:11

Kewegü na ketsatanthu miwi wegü ben den, nu anonkeghe na kemehaithu miwi ben den.

ISAYA 45:7

Hi kethang nu kejang sachi; hi kesawegü nu kededi sengho. Hi Apvüwa, hi hathu tsüdi saaden.

ISAYA 60:19

“Aghanan wi aghani na no kewegüwa sa nbendha. nyelela asha na aghaja wi no kewegüwa sa nbendha; Hi Apvüwa, anuphanla no kewegüwa saaben. Inyankethang kewegü na nmiwi wegüben.

MATHI 8:3

Jisu na ma kwen chang pi ma kidhen chi nu khi, “Hi saya mehai, mehai yalo!” Tsümeyi anyi tsüwa na ma kesakinaa wina mehaiya.

JOHAN 1:5

Kewegüwa tsüna kejang wi wegüden, nu kejangwa tsüna ma miwi khang meyacha.

JOHAN 1:9

Hawa ha atsentsa kewegüwa — kewegüwa tsüna ayyi wi gho nu anyi tsüdi wegüben.

JOHAN 11:43

Ma ha kekhi seng wi ma hhai misi ntsa jisha nu cichi, “Lazar, shaghalo!”

JOHAN 3:19

Hawa hati nu ajühkekaghaten tsü saben: kewegüwa tsüna ayyi wi ghodha, isala anyithu na kewegüwa miwi kejangwa tizenki wa, kepaghenanye mathu kekuli na nmehai.

2 KORINTHNYI 4:6

Anyiza na “Kewegüwa na kejang wina wegü shhugho ben!” kekhiwa tsü makesü Nyiza na ma kewegü pi ithu leben wi wegü cü, ithu ssigho Anyiza nyankethang Khrista miwi wegü keben palakechü wi tsü chi cüben.

EFESANYI 5:14

kepaghenanye kewegü tsüna pala tsüdi pi methasi ccüca chiaben. Tsalina hati khiben, “O jen kebenwa shagha yilo, nu keshü wina shaghalo; Khrista na nthu wegü cüben.”

EFESANYI 5:8

Nthu na kejang wi hang keten, isala nthu na Apvüwa nyithu saya kesalina kewegü wi bendha. Tsalina nthu anyi kewegü wi kebenthu ti nhangthu yishü,

1 TIMOTHI 6:16

Ma ketan shü nketenwa; ma anyi thola ma tetsakiya nketen kewegü wi tsü hangben. Anyi thola ma npi mu; nu thola ma muya nben. Ma ya kinyikü nu anuphanla kekhangwa salo! Amen.

1 JOHAN 1:5

Ikhang na ma Tsawa wi ketsijüh zaya nu pi nthu kiza kebenwa na ha: Anyiza na kewegü, nu ma wi kejang nmitha.

1 JOHAN 2:8

Isala hi khili ayenkhukechi ketheü kesü zhü pi nthu cüben, kepaghenanye atsentsawa tsüna Khrista wi nu nthu wi la muyaden. Kepaghenanye kejangwa tsüna bvü tendha, nu atsentsawa kewegü, tsüna wegü bendha.