ADECHHÜ 1:1 - Kemethajüh (N) (Re-editing) Bible (BSI)

¹ Adechhü wi Anyiza na atssan nu ayyi sachi;

ADECHHÜ 1:1 Iomraidhean Croise

2 KADIMITHU 19:15

nu kekhie sa. “O Apvüwa, Israel Nyizawa, no kadipen cherubim miwi donki kebenwa, no ketan Anyiza le, ayyiwi kadiyyi tsüdi miwi kekhang sen ketenwa. No atssan nu ayyi sachi.

1 KHENICÜKI 16:26

Mizzatentithu kepa wi cenpvüthu tsüdila tsikezhü ketan, isala Apvüwa tsü atssanthu sachi.

2 KHENICÜKI 2:11

Kadimi Hiram na lesü kesü zhüpi Solomon wi kiza neng. Ma hati zhü, “Apvüwa na ma nyithu nanketizen ghena no pi mathu kadimiwa sa thsüdha.

NEHEMIYA 9:6

Tsaseng wi Israel nyithu na kekhie ha sa: “No, Apvüwa, no ketan Apvüwa le; no atssanthu nu ghotsithu sachi. No ayyi nu atssükedone nu ciwi kebenthu tsüdi sachi; no kahang pi tsüdi cü. Tang wi kekhangthu na kukedu nu no kinyi.”

Job Lesüshen 26:13

atssan sapi meladhi sa keten tsüna ma hathakeshhu, nu ma kwen na bvü kesawa ghassübvü pathia.

Job Lesüshen 38:4

Hi ayyi sa kechi tsüwi no ciwi ben kwe? Keujüla no tsü kecu chüben lethu, tsü cüki pi hi kizalo.

Job Lesüshen 9:8

Thola Anyiza kiqa pi atsanshigü nyelela atssükedone wi ghassübvü geshi cüden thsü nten.

ZAKECI 102:25

No kheni wi ayyi sachi, nu nkwen pi atssanthu la zhüchi.

ZAKECI 104:24

Apvüwa, no pala kejon sa chidha! No khatila metsa nu tsüthu tsü sachi nu! No sakechi kahanglithu na ayyi pong ben.

ZAKECI 104:30

Isala no khathansha wi ahathakekissa pi mathu cü khe mathu hang yaden; no kahang ketheü pi ayyi wi chi.

ZAKECI 115:15

Apvüwa ya sawegü pi no kecüwa sa, atssan nu ayyi kesachiwa!

ZAKECI 121:2

Hi kekiqa Apvüwa wina ghoden, ma atssan nu ayyi sakechiwa.

ZAKECI 124:8

Ithu kekiqa Apvüwa wina gho, ma atssan nu ayyi sachi.

ZAKECI 134:3

Atssan nu ayyi sakechiwa Apvüwa ya Zion wina sawegü pi no kecüwa sa!

ZAKECI 136:5

Ma kemetsa wina ma atssanthu sachi; ma kaghali na anuphan ben den;

ZAKECI 146:6

atssan, ayyi nu atssükedone nu tsüthu wi kebenthu tsüdi Sakechiwa. Ma keshüthangla ma jüh khishi kechi tsü nieden.

ZAKECI 33:6

Apvüwa ma jühkhukechi wi atssanthu sachi, ma jüh kekhi wina aghani, asha nu ghotsithu sachi.

ZAKECI 33:9

Ma khikechi wi, ayyiwa tsüna zhüya; ma jühkhukechi wi pala tsüdila shhugho.

ZAKECI 8:3

Hi khathansha wi no sa kechi atssan wi asha nu ghotsithu sapi mathu pen wi keben tsü muya khe——

ZAKECI 8:4

anyi ha mangwa le no ma meshen; no mangsale anyi mele ha noncca ten nu?

ZAKECI 90:2

No ayyishiphon npi sakechi nyelela ayyi npi sakechi wi, no anuphan Anyiza le, nu anuphanla Anyiza sa den.

ZAKECI 96:5

Mizzatenti kepathu cenpvü tsüna atsikezhü ketan, isala Apvüwa na atssanthu sachi.

BVÜKESHHU 20:11

Hi Apvüwa, ghanan tugho jüwi atssan, ayyi, atssükedone, nu ciwi kebenthu tsüdi sachi, isala tagü ghanan wi hi mnan wa. Tsalina hi Apvüwa, sawegü pi Sabbath miwi chi nu tsü sametha chitheng.

BVÜKESHHU 31:18

Anyiza na Sinai Yikha wi ajühkhi pi Mosa kiza cen kesa wi Anyiza na alonpha keni miwi ayenkhukechithu zhü ketheng tsüpi ma cü.

KEMETSAJÜH 16:4

Apvüwa na sachi ketheng tsüdila asakhen na ben; nu gheshighenathu ghena asakhenwa tsüna kededi.

KEMETSAJÜH 3:19

Apvüwa na ma kemetsa wina ayyi sachi; ma palakechü wina ma atssan pi ma pen wi chicü.

Sansichhü 12:1

Tsalina nthu pvünyi keben jüwi na nthu Sahangkechiwa meshen yalo, atsathang nu amapi nkemehai na gho nu nthu na “Hi kahang wi anonkwen meya le” tsüti npi kekhi tu wina.

ISAYA 37:16

“Apvüwa Kekhang ntsawa, Israel Nyiza, no kadipen wi Cherubim miwi donki ketenwa, no ketan Anyiza le, ayyi tsüdi wi kadiyyi tsüdila sen ketenwa le. No atssan nu ayyi sachi.

ISAYA 40:21

Nthu na nchü kwe? Matsü kesie wa kesa wi nthu kiza nsa kwe? Ayyi na khatinu sa shhugho khe nthu na za meya kwe?

ISAYA 40:26

Atssan wi ghangchi nanlo! Thowa na nthu na mukeben ghotsithu tsü sachi nu? Süpahizi kesü ti mathu ssishu ketenwa, ma tsüthu tsüna khaju ben khe chü, nu kesüsü nyan ciden! Ma kekhang na di ntsawa — tsüthu kesütanla bhatagha nden!

ISAYA 40:28

Nthu nchü kwe? Nthu za meya kwe? Apvüwa na anuphanla benketen Nyiza; ma ayyi tsüdila sachi. Ma agüccü nyelela nchala sa wa nten. Thola ma kemeshen chüshiya nben.

ISAYA 42:5

Anyiza na atssanthu sachi, nu tsüthu zankechuchi; ma ayyiwa nu ciwi hang kebenthu tsüdi tsi sachi; ma kahang nu kahang hathakissa pi ayyi wi anyi tsüdila cü. Apvüwa Anyiza na ma maghawa wi khiben,

ISAYA 44:24

‘Hi Apvüwa, no hangshawa; hi no sahangkechiwa tsüle. Hi Apvüwa, pala tsüdi sahangkechiwa. Hi ketan atssanthu zankechu chi; Hi ayyi sakechi wi thola hi nkiqa.

ISAYA 45:18

Apvüwa na atssanthu sachi, Anyiza tsü na ma le! Ma ayyi zhü nu tsü sachi, ma tsü sapi zü nu kesie benya kemehai sa. ma tsü sapi kiyisha nu kededi ji nsa, isala pi anyithu kahang pen kesü sachi. Tsüwa na khi, ‘Hi Apvüwa, nu acenpvü kepa wi nmi.

ISAYA 51:13

Nthu na Apvüwa nthu sahangkechiwa, atssanthu zanshigü kechiwa, nu ayyi giketegü kechiwa tsü malidha kwe? Mangkesa na nthu pasha ketenthu na lebentsu, nu nthu yasa le kebenthu tsü messi, nu hang benten nu? Mathu lebenketsu tsüna nthu kidhen nengya nbendha.

ISAYA 51:16

Hi atssanthu zanshigüchi nu ayyi giketegüchi; hi Jerusalem wi khi, ‘No inyi le! Hi pi nyu kesansijüh tsüpi no cüdha, nu ikwen pi no khweyaden.’ ”

ISAYA 65:17

Apvüwa na khiben, “Hi ayyi ketheü kesü nu atssan ketheü saben. Kheni kekulithu tsüdila nmitha saaben.

JEREMIYA 10:12

Apvüwa na ma kekhang wina ayyi sachi; ma kemetsa wina ma ayyiwa ha sa nu atssanthu zanshigü chi.

JEREMIYA 32:17

“Kemisintsa Apvüwa, no no kekhang keti nu kezü wi atssan nu ayyi sachi; mangla nghena dhu mtsü kesa nmi.

JEREMIYA 51:15

Apvüwa na ma kekhang wina ayyi sachi; ma kemetsa wi ayyi maben sahangchi atssanthu zankechuchi.

ZEKHARIYA 12:1

Hawa ha Apvüwa wina Israel cüki ketsijüh kesü, atssan zanshigü chi, ayyi sachi, nu kahangli pi anyi kecüwa tsüna Apvüwa. Ma khiben,

MATHI 11:25

Tsü tsüwi Jisu na khi, “IBa, atssan nu ayyi Pvüwa! Hi no sengle, kepaghenanye no pi kemetsa nu kechüthu tuwi kuthi ketheng tsü pi nkechüthu ccücachi kesalina.

MARK 13:19

Kepaghenanye tsü tsüwi ketizenkesa na adechhü Anyiza na ayyi kesachi wina ghola khili kahang kecu wi tsüti npi sa, nu ghaketen wi la tsüti sa neng nben.

KEKULI 14:15

“Ae, anyithu, nthu mangkesa na hati saben nu? Ishinyi la nthu ti anyi le! Ishinyi na nthu yala ma men nkemi hathu wina khapeghe sen nu Anyiza atssan, ayyi, atssükedone, nu ciwi kebenthu tsüdi sakechiwa wi tsü ghoya thsüle kesalina Jühtheü Kemehaiwa khi pi nthu wi thangchile ghoben.

KEKULI 17:24

Anyiza ayyi nu tsü miwi hang kebenthu tsüdila kesachiwa, ma atssan nu ayyi miwi Apvüwa ghena anyi kwen pi kesa kekinyijjen wi ha hang nten.

KEKULI 4:24

Kenondithu na tsü zakeya wi mathu tsüdila gweghe nu Anyiza wi kekhie sa: “Apvüwa, atssan, ayyi, atssükedone nu tsüthu wi kebenthu tsüdila sa kechiwa!

ROMNYI 11:36

Kepaghenanye ma pala tsüdila sachi, nu pala tsüdila ma wina nu ma ghena hangben. Anuphanla Anyiza nyanthang keyawa salo! Amen.

1 KORINTHNYI 8:6

ithu ghena tsü Anyiza kesütan, pala tsüdila Sahangkechiwa, nu ithu ma wina hang kebenwa Abawa tsüna ben; nu ciwi Apvüwa kesütan, ma wina pala tsüdila sa kechiwa, nu ithu ma wina hang kebenwa Jisu Khrista tsüna ben.

EFESANYI 3:9

nu anyi tsüdila ya Anyiza kemeshen kekuthiwa tsüna khati kuli ben khe muya thsüle kesa ghena. Anyiza, pala tsüdila sahangkechiwa na ma kemeshen tsü pi kheni abvüye tsüdi tu wi kuthi gho,

IBRINYI 1:10

Ma hati la khi: “Apvüwa, no, adechhü wina ayyi sachi, nu nkwen pi atssanthu sachi.

IBRINYI 1:2

isala asakhen tsathang hathu wi tsü ma Tsawa wina ithu ccüneng chidha. Anyiza na ma wina atssan ayyi sachi, nu ma yala asakhen wi pala tsüdi ghong keyawa saya thsüle Anyiza na ma kessiyadha.

IBRINYI 11:3

Kenondi ghena atssan ayyi ha Anyiza jüh wina sachi, isanu pala mu kebenthu tsüna mu nkebenthu wina sachi le kesa ithu na chüshiya.

IBRINYI 3:4

Ntsakhiwa ajjen tsüdila anyi pahan na sa theng, isala pala tsüdi sa kechiwa na Anyiza.

2 PITOR 3:5

Mathu na aghandu kheni Anyiza na ajühkhuchi nu atssan ayyi sa keya jjügi tsü nkechüghe saben. Ayyi ha atssü wina nu atssü sen nu sachi,

1 JOHAN 1:1

Ikhang na adechhü wina keten kahang jüh cüki tsü zhü pi nthu cüben. Ikhang na tsü zaya nu anyon pi tsü muyadha; ikhang na tsü muya, nu akwen pi tsü payadha.

CCÜCAKECHI 10:6

nu anuphan nu anuphanla hangben ketenwa Anyiza, atssan, ayyi, atssükedone, nu tsüthu wi kebenthu tsüdila sahangkechiwa nyan wina kekishen kesü sa. Tangnyilowa na khi, “Matsü kijü meyadha le!

CCÜCAKECHI 14:7

Ma ahhai misikhhali jisha, “Anyiza kinyikü yalo, nu ma kekhangkedi senglo! Kepaghenanye ma ayyi nyithu jühkaghaten keten matsü na ghodha. Ma atssan, ayyi, atssükedone, nu atssü kebvüpenthu sa kechiwa, ma kinyilo!”

CCÜCAKECHI 21:6

Nu ma khi, “Tsü sacendha le! Hi Alfa nu Omega, atuwa nu asengwa, adechhüwa nu asakhenwa. Kesü le kesü lela dighe kebenwa hi kekila wina kahang tssü pi jjüya thsüden.

CCÜCAKECHI 22:13

Hi Alfa nu Omega, atuwa nu asengwa, adechhüwa nu asakhen ntsawa.”

CCÜCAKECHI 3:14

“Pi Laodikea kemehu nyilowa kecü zhüya: “Hawa ha Amen, atsentsa chüzawa nu jühtsentsa kesawa ketsijüh. Ma Anyiza na sahangkechi tsüdi miwi kekhang kesenwa.

CCÜCAKECHI 4:11

“Ithu Pvüwa nu Anyiza! No anyankethang, kinyikü, nu kekhang muya qo le! Kepaghenanye no pala tsüdila sahangchi, nu no kemeshen kenen wina mathu ya hang nu kahang khuchi thsüden.”