1 JOHAN 5:3 - Kemethajüh (N) (Re-editing) Bible (BSI)

³ Kepaghenanye ithu na Anyiza tizen keten tsü jjügi ma ayenkhukechithu tsü nie ketenwa tsü. Nu ma yenkhukechithu na ithu ghena nkiyan,

1 JOHAN 5:3 Iomraidhean Croise

2 KADIMITHU 18:6

Ma Apvüwa wi jüh tsentsa sa nu khiela ma jüh nkinala nsa, isala kiden-kesha ntsa sa nu Apvüwa na ayenkhukechi pi Mosa kecüthu tsüdi nie.

ZAKECI 119:140

Njüh khishikechi tsüna khatila atsentsa nu! Hi khatila tsü ghali nu!

ZAKECI 119:45

Hi kekhenkeghe nmitha kesa wi hang den, kepaghenanye hi no kesansi jühthu tsü niele kiden ben.

BVÜKESHHU 20:6

Isala hi nanketizen pi hi ghali nu iyenthu nie ketenthu abvüye hazar wila ccücaden.

KEMETSAJÜH 3:17

Kemetsa na no kahang sapi anonkwen nu apvü- nsala no ssishhu den.

DANIEL 9:4

Hi Apvüwa iNyiza wi khie nu inyithu kesamithu khishü. Hi khi, “Apvüwa Anyiza, no di ntsa nu ithu na no kinyiküden. No leben tsentsa sa cenkethenjüh nie nu no ghaliki keten pi no ghali nu njühkekhi sa ketenthu ccücaden.

MIKA 6:8

Nyele, Apvüwa na mangwa mehai khe pi ithu kizadha. Ma ithu wi yamvu kebenwa na ha: mangwa meshon khe tsü kesa, ghaliki kesa pi keccüca, nu satemeni nu ithu Nyiza ssinu kahang.

MATHI 23:4

Mathu na akhhi kekiyan pvü nkeyacha bhen pi anyithu ghatsü wi chiden, isala mathu na mathu kwenzza lela pi khü nan nu mathu kiqa chi mvu nten.

JOHAN 14:15

“Keujüla nthu na hi tizenghali lethu, nthu na iyenkhuchithu nie ben.

JOHAN 15:10

Hi iBa yenkhukechithu nieya nu ma tizenghali wi ben keten tsüti keujüla nthu na iyenkhukechithu tsü nieten lethu, hi tizenghali wi benya ben.

JOHAN 15:14

Keujüla hi nthu kekizathu tsü saten lethu, nthu na ipvüshangthu.

ROMNYI 7:12

Tsalina Ayenwa tsüna metha, nu ayenkhukechi tsü la metha, meshon, nu mehai.

ROMNYI 7:22

Ileben non wi tsü Anyiza yenwa wi inonghethi benden.

AYENZHÜNENG 5:10

Isala hi nanketizen pi hi ghali nu iyenthu nie ketenthu abvüye hazar hazar wi lela ccücaden.

AYENZHÜNENG 7:9

Apvüwa nthu Nyiza tsü ketan na Anyiza nu ma jühtsentsa satenle kesa meshenyalo. Ma ma cenkethenjühwa tsü nieben, nu ma ghaliki keten pi ma tizen nu ma yenkhukechi nie ketenthu abvüye hazar wi lela ccücaden,

IBRINYI 8:10

Khili Apvüwa na khiben, atsathang gho keten wi hi Israel nyithu ssinu Cenkethenjüh sa ketenwa tsüna ha: Hi iyenthu tsü pi mathu kemeshen wi chicü nu pi mathu leben wi zhüki cüden. Hi mathu Nyiza sa, nu mathu na inyithu saden.

1 JOHAN 2:3

Keujüla ithu na Anyiza jühkhukechi tsü nieten lethu, ithu na ma chüben le kesa chüti ben.

2 JOHAN 1:6

Nu hana ketizen: ithu na ma ayenkhukechi tsü nie nu kahang. Nthu tsüdila aghatsan wina ayenkhukechi za keyawa tsüna nthu tsüdila ketizen wi hanglo.