1 JOHAN 4:4 - Kemethajüh (N) (Re-editing) Bible (BSI)

⁴ Isala itsangathu, nthu na Anyiza ji, nu nthu na milikemesa tusenjüh- kechüthu chayadha, kepaghenanye nthu wi kebenwa Aghamu tsüna ayyiwa ji kesathu wi keben ghamu miwi khangkiben.

1 JOHAN 4:4 Iomraidhean Croise

JOHAN 12:31

Khili ha ayyi nyi jühkaghaten den; khili ha ayyi hawi kekhang kesenthu jügüa tendha.

JOHAN 14:30

Hi matsü kesie nthu ccüneng benya ntendha, kepaghenanye ayyi ha wi kekhang kesenwa na gho tendha. Ma imiwi kekhang nmi,

JOHAN 16:11

nu mathu na ajühkekaghaten cüki wi sazzi ben, kepaghenanye ayyi hawi kekhang kesenwa jühkaghaten tendha.

JOHAN 17:23

Ayyi nyi yala no hi kesunchi nu hi tizenghali keten tsüti mathu la tizenghali tenle kesa chüya thsüle kesalina hi no wi ben, nu no hi wi ben, isanu mathu ya kesütan saya thsülo.

ROMNYI 8:31

Ha tsüdi miwi ithu khatile khi nu? Keujüla Anyiza tsüna ithu wiwa lethu, thowa na ithu matangya mehai nu?

ROMNYI 8:37

Nyele, ithu na ithu nantizen kecüwa wina hathu ha tsüdi miwi khang yadha le!

1 KORINTHNYI 2:12

Ithu na ayyi hawa wi ghamu mu meya, isala Anyiza na pi ithu kecü tsüdila chüya thsüle kesalina Anyiza na kesun kechi Aghamu tsü muyadha.

1 KORINTHNYI 6:13

Pahan na hati khi metsi, “Atsse tsüna apvü ghena, nu apvü tsüna atsse ghena.” Anle, isala Anyiza na tsü keni qho yasa cüben. Anyi gwo ha pi nkemetha wi kesen-u nye, isala pi Apvüwa kekuli kesa-u; nu Apvüwa na agwo ghena kiden chi cüden.

2 KORINTHNYI 4:4

Mathu na n-nondi, kepaghenanye ayyi ha wi nkemehai cenpvü na mathu leben pi kejang wi chidha. Ma mathu sa pi Jühtheü Kemehaiwa wina kegho wegü kebenwa Khrista nyankethang cüki Anyiza tsi ti kesawa tsü nmu thsüladen.

2 KORINTHNYI 6:16

Khati nu Anyiza kekinyijjen na Anyiza nkechü tsikezhüthu makesü saya mehai nu? Kepaghenanye ithu na Anyiza hangkebenwa kekinyijjen! Anyiza na ma ketanla hati khiben, “Hi inyithu pi ijjen sa nu mathu jawi hangden; hi mathu Nyiza saden, nu mathu na inyithu saben.”

EFESANYI 2:2

Tsü tsüwi nthu na ayyi wi nkemehai len tsü nie, nthu na atssan wi kekhang kedi jüh tsü kina, aghamu tsüwa tsüna khili anyi Anyiza jüh nkekinathu jawi kuliben.

EFESANYI 3:17

nu kenondi ghena Khrista ya nthu leben wi benya thsüle hi kekhie saden. Nthu yala nanketizen wi nthu aghazan cha nu agi kedegü ya,

EFESANYI 6:10

Asakhenwa, Apvüwa kezü nu ma kekhang wina zükeqhe ngan benlo.

1 JOHAN 2:1

Itsangathu, nthu ya nsami thsüle kesalina hi ha zhü pi nthu cüben; isala keujüla anyi kesü na sami lethu, ithu na meshu kesü Abawa wi ithu sheikepiwa na ben, tsüna ketsatanwa Jisu Khrista.

1 JOHAN 2:13

Abathu, nthu na adechhü wina ketenwa tsü chü kesalina hi ha zhü pi nthu cüben. Kepvünyithu, nthu na nkemehaiwa chaya kesalina hi ha zhü pi nthu cüben.

1 JOHAN 3:20

Keujüla ithu kechükeza na ithu meshensa ben lethu, Anyiza na ithu kechükeza miwi dikiben, nu ma pala tsüdila chüben.

1 JOHAN 3:24

Anyi thowa na Anyiza yenkhukechi tsü nie ten khe ma Anyiza wi hang den nu Anyiza na ma wi hang den. Nu Anyiza na Aghamu pi ithu kecü tsü ghena Anyiza na ithu wi hangben kesa chüben.

1 JOHAN 4:13

Ma ma Ghamu pi ithu cü ketheng ghena ithu na Anyiza wi hangben, nu ma ithu wi hangben kesa ithu na chütiben.

1 JOHAN 4:16

Nu ithu na Anyiza ketizen tsü ithu ghena ben kesa ithu na chü nu nondiben. Anyiza na ketizen, nu thowa na ketizen wi hangten khe Anyiza wi hangben nu Anyiza na ma wi hangben.

1 JOHAN 4:6

Isala ithu tsü Anyiza ji. Anyi kesü le kesü lela Anyiza chüben lethu, ithu jühkina den; nu thowa na Anyiza ji nye khe ithu jühkina nten. Tsalina hati nu ithu na atsentsawa Ghamu nu kesazzi ghamu chü kepapa saya mehai.

1 JOHAN 5:19

Ayyi maben na Nkemehaiwa kekhang kekhu wi ben lela ithu na Anyiza tsangathu le kesa ithu chüben.

1 JOHAN 5:4

kepaghenanye Anyiza tsanga tsüdila ayyiwa tsü chaya mehai. Nu ithu kenondi ghena ithu na ayyiwa miwi khang yaden.

CCÜCAKECHI 12:11

Ithu cünyuthu na Khaghanenizzawa jjü nu mathu atsentsawa sheikepi ghena ma miwi khang yadha; nu mathu na mathu kahang khuchi nu shü mvu kesalina.