1 JOHAN 4:2 - Kemethajüh (N) (Re-editing) Bible (BSI)

² Nthu na hati nu Anyiza Ghamu la nye khe chüya mehai: aghamu kesü le kesü lela Jisu Khrista na anyi sajjü ceng ghole kesa khishi ketenwa tsüna Anyiza wina kegho,

1 JOHAN 4:2 Iomraidhean Croise

JOHAN 1:14

Ajühwa tsüna asajjü ceng shagha nu nanketizen nu atsentsawa pi pong pvünu ithu jawi hang. Ithu na ma nyankethang muyadha, nyankethangwa tsüna Atsawa ketan Abawa wina mukeya.

1 KORINTHNYI 12:3

Tsalina hi nthu yala chüya thsü mvuben, anyi kesüla Anyiza Ghamu wina “Kishen-keshi na Jisu miwi benlo!” khi nben, nu thola Kemetha Ghamu wina nkenye tsü “Jisu na Apvüwa,” le khi nben.

1 TIMOTHI 3:16

Thola ithu keccüna ha wi kekuthi di ntsa keben tsü nmile khiya nben: Ma anyi tsi ceng sen nu gho kesa tsü Aghamu na atsentsa pi ccüca nu tangnyilothu ya muya thsü. Ma cüki pi mizzatenti jawi sansi, ayyi nyi maben wi la nondiya, nu ssi sen nu tangwi kia.

1 JOHAN 1:2

Kahang ha mutha keshhugho wi ikhang na tsü muyadha; tsalina ikhang na tsü cüki khi nu Abawa wi anuphan kahang keben pi ikhang ccüca kechi cüki tsü pi nthu kizaben.

1 JOHAN 2:23

Kepaghenanye thowa na Atsawa meya mvu saten khe Abawa la meya mvu saden; thowa na Atsawa yayaten khe Abawa la yayaden.

1 JOHAN 4:15

Keujüla anyi kesü le kesü lela Jisu na Anyiza Tsawa le khishithu ma Anyiza wi hangben, nu Anyiza na ma wi hangben.

1 JOHAN 4:3

isala aghamu Jisu cüki nkekhishiwa tsüna Anyiza wina kegho nye. Nu aghamu tsüna nthu na zaya kesa Khrista ghinyiwa ghoten le kesa tsü, nu tsüna khili he ayyi wi bendha.

1 JOHAN 5:1

Anyi thowa na Jisu na Khrista le nondi ten khe ma Anyiza tsanga kesü; nu thowa na aba kesü tizen ten khe ma tsawa la tizenden.

2 JOHAN 1:7

Kepaghenanye nyu kemechu nyi kejon na ayyi wi wadha, anyi tsüthu na Jisu Khrista na anyi sajjü ceng ghole khishü nten. Tsüti kesa nyi tsüna nyu kemechuwa nu Khrista ghinyiwa.