1 JOHAN 4:1 - Kemethajüh (N) (Re-editing) Bible (BSI)

¹ Hi ketizenthu, Aghamu pvüten le khi ketenthu tsüdi n-nondi lalo, isala Anyiza wina kegho ghamu la nye khe tsüthu ghan-nanlo. Kepaghenanye milikemesa atusenjüh-kechüthu kejonla ayyi tsüdi wi wadha.

1 JOHAN 4:1 Iomraidhean Croise

1 KADIMITHU 13:18

Tsaseng wi Bethel wina kegho atusenjüh-kechü kaghawenwa na khi, “Hi la no ti atusenjüh-kechü kesü, nu Apvüwa jüh wina tangnyilo kesü na hi no ssinu ajjen wi wha nu no ya dsajjüya thsülo kiza le.” Isala atusenjüh-kechü kaghawenwa na milimesa ben.

KEMETSAJÜH 14:15

Kejüphonwa na pala tsüdi nondiden; mejumejü ketenthu na mathu cükha ghangden.

JEREMIYA 14:14

Isala Apvüwa na luneng, “Atusenjüh-kechüthu na inyan wina milikemesa khiben; hi mathu kesun nchi, nyelela mathu ajüh kesüla khilo pi mathu ncü. Mathu na kemanthi cüki khi keben tsüna hi wina ngho; mathu na tucüki khi keben tsüna mathu ketanla meshenkeya ma men nkemithu le.

JEREMIYA 23:16

Apvüwa Kekhang ntsawa na Jerusalem nyithu wi khi, “Atusenjüh-kechüthu jüh tsü nkinala, mathu na milikemesa kahang pi nthu pong cüben. Mathu na mathu meshenshikeya tsü khe hi kekhi jüh pi nthu kiza nben.

JEREMIYA 5:31

atusenjüh-kechüthu na milikemesa khe mangla nkhi; keqhaikedithu na atusenjüh-kechüthu ti kekhang sen nu ajühkhuchi, nu inyithu na nmale nkhi. Isala khathansha wi tsüdila asakhen sagho khe mathu na mangwa saaben nu?”

MARK 13:21

“Keujüla anyi kesü na nthu wi ‘Ghangchilo, Messiya na he wi benle,’ nyelela ‘Ghangchilo, ma kawi benle,’ khi lela ma n-nondi lalo.

Luk Zhükechi Jühtheü Kemehaiwa 12:57

“Mangkesa na no ketanla nghena kemeshonwa saya nten nu?

Luk Zhükechi Jühtheü Kemehaiwa 21:8

Jisu khi, “Nyu nthu nmechu thsüle kesalina kiden-kesha yalo, kepaghenanye anyi kejon na inyan wina hati khi ghoben, ‘Hi Khrista le’ nu ‘Matsü na ghodha.’ Isala mathu nie nwala.

KEKULI 17:11

Anyi hathu na Thessalonika nyithu miwi meshonki. Mathu na lebenchi ntsa nu ketsijüh tsü kina, nu Paul kekhi tsüna ntsakhiwala nye khe chüyale kesalina keshüthangla Ntsawajüh tsü si.

KEKULI 20:29

Kepaghenanye hi kebvü seng wi adenni ma yen nkemehai ntsa na nthu jawi gho nu akhang hawa ha yasa cüben kesa hi chüben.

1 KORINTHNYI 12:10

Aghamu na amankesa kekuli kekhang pi meshu kesü cü; Anyiza ketsijüh kekhi pi kepawa cü; nu Aghamu chü kepapa saya kemehai pi kepawa cüden. Ajüh kepapa khiya kemehai kekhang pi meshu kesü cü; nu tsü jjügi khiya kemehai kekhang pi anyi kepa wi kesü cüden.

1 KORINTHNYI 14:29

Meshu keni nu kecheng na Anyiza ketsijüh khi, nu nyu kepathu na mathu jühkekhi tsü ghan-nan thsü.

1 THESSALONIKANYI 5:20

atusenjüh-kekhi tsü pi ma men nkemi nsala;

1 THESSALONIKANYI 5:21

isala tsüdi wi kemehai-keteshi ghan-nan; kemehaiwa tsü ghan senya,

2 THESSALONIKANYI 2:2

Apvüwa tsathangwa tsüna ghodha le kekhi ghena wan nthu leben dhendhe sa nu chükivvü nbenla. Tsüna ikhang atusenjüh-kekhi, nyu kesansi, nyelela lesüzhü kechi wi khishe meshen.

1 TIMOTHI 4:1

Asakhen tsüwi anyi pahan na kenondi teshiaben le kesa Aghamu na khimechan chiben; mathu na kemechu ghamuthu jühkina nu atsaghangthu kesansijüh tsü nie waben.

2 TIMOTHI 3:13

Anyi nkemehaithu nu nyu kemechuthu na nmehai pfüpfü, nyu mechu nu mathu ketanla mathu mechu isaben.

2 PITOR 2:1

Kheni tsü wi milikemesa tusenjüh- kechüthu na anyithu jawi shhugho, nu tsü makesü milikemesa kesansithu na nthu jawi shhugho ben. Mathu na keyasa, atsentsa nkenye kesansijüh sengho nu mathu khushi keyawa Apvüwa tsü meya mvu sa, isanu mathu ketanla wan keyasa sen nu mathu miwi ghoaben .

1 JOHAN 2:18

Itsangathu, asakhen tsü tetsakidha! Khrista ghinyiwa na ghoben kesa pi nthu kekiza tsüti khili tsü ha Khrista ghinyithu kejon na shhughodha, tsalina asakhen tsüna tetsakidha kesa ithu chüben.

1 JOHAN 2:7

Hi ketizenthu, hi ayenkhukechi ketheü nyela kaghawen nthu na aghatsan wina kebenwa ha zhü pi nthu cüben. Ayenkhukechi kaghawenwa ketsijüh tsü nthu na zayadha.

2 JOHAN 1:7

Kepaghenanye nyu kemechu nyi kejon na ayyi wi wadha, anyi tsüthu na Jisu Khrista na anyi sajjü ceng ghole khishü nten. Tsüti kesa nyi tsüna nyu kemechuwa nu Khrista ghinyiwa.

3 JOHAN 1:11

Hi ketizenwa, nkemehai nsala nu kemehaiwa salo. Anyi kesü le kesü lela kemehai sa ketenwa na Anyiza ji; isala thowa na nkemehai sa ten khe ma Anyiza npi muya.

CCÜCAKECHI 2:2

Hi no kuli kechithu; no khatila npiketsü sa kuli, nu khatila kethankehiya khe chüben. No nkemehai nyithu ghang pvü ben meya, nu no mathu na apostelthu nye lela apostelthu le khi ketenthu tsü ghan-nan nu mathu na milikemesathu le chüya kesa tsü hi chüben.