1 JOHAN 3:3 - Kemethajüh (N) (Re-editing) Bible (BSI)

³ Kesü le kesü lela kenondi ha ma wi kebenwa Khrista na metha kesa tsüti ma satemetha benden.

1 JOHAN 3:3 Iomraidhean Croise

2 SAMUEL 22:27

No kemethathu tuwi metha, isala gheshighenathu tuwi nmehai.

MATHI 5:48

Nthu Ba tang wi kebenwa na mehai cencu kesa tsüti nthu la mehai cencu nsathu yishü.

Luk Zhükechi Jühtheü Kemehaiwa 6:36

Nthu Ba na nyu nantizen keten ti nthu la nyu nantizen tenlo.

JOHAN 17:19

Nu mathu la atsentsa wina satemetha pi no wi chiya thsüle kesalina mathu ghena hi ketanla hi satemetha pi no wi chiben.

KEKULI 15:9

Anyiza na ikhang nu mathu nankepapa nsa, ma mathu kesami teshi pi cü, kepaghenanye mathu na nondiya.

ROMNYI 15:12

Kheneng Isa na khiben, “Jesse shicübvügha kesü na shhughoben; ma ghola Judah nyi nkenyethu miwi kekhang senben, nu mathu na mathu kenondi pi ma miwi chiben.”

2 KORINTHNYI 7:1

Hi ketizen icünyuthu, khishikechi hathu ha tsüdila ithu ghena sa. Tsalina ithu gwo nu ithu kahang sa pi nmetha thsüla ketenthu tsüdi wi ithu ketanla ithu samethaya, nu Anyiza kemessikü wi metha cencu nu hang nalo.

KOLOSSINYI 1:5

Nthu na Jühtheü Kemehaiwa atsentsa ketsijüh tsü zakeya wi nthu na ciwi kaghang keben cüki tsü zayadha. Tsalina nthu kenondi nu ketizen na tang wi nthu ghena pi tsanqai ketheng kaghangwa wi tsü ben.

2 THESSALONIKANYI 2:16

Ithu Pvüwa Jisu Khrista ma ketanla nu ithu Bawa Anyiza, ithu tizen nu nanketizen wi anuphan kempvüza nu kaghang kemehai pi ithu kecüwa ya

TITA 3:7

Tsalina ma nanketizen wina ithu Anyiza tu wi meshonya nu ithu yala ghang keten anuphan kahang tsü mukeya qo saya thsüdha.

IBRINYI 12:14

Anyi tsüdi ssi nu gweghe kemehaiwa sa nu kahang kemetha wi hang le kesa apiketsü salo, kepaghenanye thola ha nsenla Apvüwa muya nben.

IBRINYI 6:18

Isanu pala kemiliya nketen ha keni wina Anyiza na milimesa meyacha. Tsalina ithu ma wi keyazi muya kesathu kechü-kenong ntsa nu kaghang pi ithu tu wi chi kethengwa tsü zükeqhe ghansenya thsüden.

IBRINYI 7:26

Jisu na Keqhaikedi Kemisintsa ithu nsenthu keyishüthu sa cü ketenwa tsü. Ma metha; ma wi kesazzi nu kesami mangla nmi. Kesamithu jawi ma pi makepa sa nu ma zanki pi tang miwi chiyadha.

JAMES 4:8

Anyiza tetsaki gholo, isathu ma la nthu tetsaki ghoben. Nthu kesami nyithu nthu kwen metsilo! Nthu nkenyeghe kesathu nthu leben satemethalo!

1 PITOR 1:15

Tsüti kesawa nye, nthu ci keyawa Anyiza na metha kesa tsüti nthu kekuli tsüdi wi metha yalo.

1 PITOR 1:3

Ithu nkesengcha sa pi Anyiza nu ithu Pvüwa Jisu Khrista Bawa cü nalo! Ma nanketizen kedi ntsa ghena keshü wina Jisu Khrista sa pi hangneng cü nu kahang ketheü pi ithu cüdha. Hana kahang kaghang kesü pi ithu pong cü,

2 PITOR 1:4

Ma hati nu ajüh men kedhu nu kedi khishi pi ithu cüdha, isanu hathu wina nthu yala ayyi ha wi keyasa kesa mvu wina bvü shhuya, nu tang yencüki wi tsü saghuya thsüle kesalina.

2 PITOR 3:14

Tsalina ipvüshangthu, nthu na atsathang tsüwa hie keben jü wi nthu piketsü sala metha nu Anyiza tu wi kemeshensa nmi, nu ma gweghe kemehai sayalo.

1 JOHAN 2:6

Anyi thowa na ma Anyiza wi benten le khiten khe ma la Khrista kahang ti kahang-u.

1 JOHAN 4:17

Ajühkekaghaten tsathang wi ithu yala kempvüza benya thsüle kesalina ithu wi ketizen sa pi cencu cüdha, nu ithu la Khrista ti sa nu ayyi ha wi hang keben ghena tsü benya ben.