1 JOHAN 3:2 - Kemethajüh (N) (Re-editing) Bible (BSI)

² Hi ketizenthu, ithu na khili Anyiza tsangathu sayadha lela nkhe wi ithu na khati saben khe npi chüya. Isala ithu na Khrista kegho wi ma ti saben kesa ithu na chüben, kepaghenanye ithu na ma khati kesa khe ma muyaben.

1 JOHAN 3:2 Iomraidhean Croise

Job Lesüshen 19:26

Kesakinaa ghei na ihyu dsakhi lela, agwo hawa ha na ben nu hi Anyiza mu den.

ZAKECI 16:11

No kahang lenwa tsü pi hi ccüca; no keben pen wi inonkeghe nu anuphan nonkekwen tsü sengho hi cüden.

ZAKECI 17:15

Isala hi no muden, hi kesazzi nkemi lina; nu hi jencan keshagha wi no hi ssi keten tsüna anonkeghe pi hi pong cü.

ZAKECI 31:19

No nyuwakü ketenthu ghena pala kemehai pi ketheng tsüna khatila amansa nu! No khatila menhai khe anyi tsüdila chüben, no nondi ketenthu tsü no khatila tsüthu khwe ten nu!

ISAYA 56:5

hi Kekinyijjen wi nu inyithu jawi no atsa nu angathu keben miwi sieki n-nyan tsü meshen ben den, khiela no mali nben.”

MALAKHI 3:2

Isala thowa na ma kegho tsathang witsü ngan benya mehai nu? Thowa na ma gho lethu, hang benya mehai nu? Ma sapuno kekhang ti, amighe sametha keten anni kesü ti kesa.

MATHI 5:8

“Aleben kemethathu na kemihhi ntsa, kepaghenanye mathu Anyiza muyaden!

Luk Zhükechi Jühtheü Kemehaiwa 17:30

Tsü makesü Anyi Tsawa na nyu ya ma kemu thsü ghanan wi tsüti saben.

Luk Zhükechi Jühtheü Kemehaiwa 20:36

Mathu na tangnyilothu ti sa nu shü nben. Mathu na Anyiza tsangathu sadha, kepaghenanye mathu na keshü wina hangneng-shaghadha.

JOHAN 1:12

Isala ma ssiya nu ma nyan nondi keyathu tsüdila Anyiza tsangathu saya kemehai kekhang pi tsüthu cüdha.

JOHAN 11:52

nu mathu ghena ketan nyela Anyiza nyithu bvü zighe kebenthu tsüdila saghu pi agwo kesütan sayaben

JOHAN 17:24

“O, iBa, no mathu pi hi cüdha, mathu ya no pi hi kecü inyankethang tsü muya thsüle kesalina hi mathu pi hi gweghe ben thsü mvu ben, kepaghenanye no ayyi npi sakechi wina hi tizenghali den.

ROMNYI 8:16

Anyiza Ghamu na ma ketanla ithu ghamu gweghe nu ithu na Anyiza tsangathu le khishi thsüden.

ROMNYI 8:18

Hi ithu na nansü ayyi ha wi ketizen kesa ha pi anyankethang pi ithu ccüca ketenwa tsü ghapeya nbenle kesa chütiben.

ROMNYI 8:19

Ayyi ha wi sahangkechithu mabenla Anyiza na ma tsangathu pi ccücachi keten tsü nmvuthi hieben.

ROMNYI 8:29

Anyiza na kessiya nu pi ma Tsawa ti saya thsüle kesathu pi ma kepa theng, isanu Atsawa yala acünyuthu kejon jawi atssütsewa saya thsüle kesalina.

1 KORINTHNYI 13:12

Ithu khili mu keben hana ayena kesü wi aghayen mu keben ti kesa; isala tsashi wi ithu mehaitsü kemuliya den. Hi khili chükeben hana pahan ketan; isala tsashi wi Anyiza na icüki chücen keben ti tsü cenyaben.

1 KORINTHNYI 15:49

Ithu na anyi ayyi pi kezhüwa tsi ti kesa pvü keten tsüti anyi tang wi na keghowa tsi ti la pvü yaben.

1 KORINTHNYI 2:9

Isala Ntsawajüh na kekhi tsüti, “Anyi thola mu nu za nketen, nu anyi thola aleben pi meshenya nketen, ha Anyiza na ma tizen ketenthu ghena kiden ketheng tsü.”

2 KORINTHNYI 3:18

Ithu tsüdila ammi keshan npvüla Apvüwa nyankethang tsü muyaben; nu anyankethang Apvüwa wi keghowa tsüna Aghamu, ithu sa pi ma tsi ti nu anuphan nyanthang kayi cüden.

2 KORINTHNYI 4:17

Kepaghenanye matsü keu ketan wi ketizen kesa keu hana ikhang ghena anuphan nyankethang mangla pi ghape nkeyawa tsü ghena kiden ben.

GALATIANYI 3:26

Kenondi ghena nthu tsüdila Jisu Khrista wina Anyiza tsangathu sayadha.

GALATIANYI 4:6

Nthu na ma tsangathu le kesa pi ccücale kesalina Anyiza na ma Tsawa Ghamu kesun pi ithu leben wi chicü, nu Aghamu na, “Aba, iBa.” isa ci shagha den.

FILIPPINYI 3:21

Ma pala tsüdi pi ma kadikesa kekhu wi chiya keten kekhangwa tsü sen nu ithu gwo nkekhangthu ha kemili pi ma nyankethang gwowa tsüti sa cüaben.

KOLOSSINYI 3:4

Nthu kahangwa tsüna Khrista, nu ma khathansha wi gho khe ciwi nthu la ma gweghe ma nyankethang wi benya ben le!

IBRINYI 9:28

Tsü makesü Khrista la anyi kejon kesami sen bvüale kesalina kutitan na ma pi ahhansha sa chidha. Ma keni tughuwa gho keten tsüna kesami pvüyale kesa ghena nye, isala ma hie kebenthu tsü hangshayale kesa ghena ghoden.

2 PITOR 1:4

Ma hati nu ajüh men kedhu nu kedi khishi pi ithu cüdha, isanu hathu wina nthu yala ayyi ha wi keyasa kesa mvu wina bvü shhuya, nu tang yencüki wi tsü saghuya thsüle kesalina.

1 JOHAN 2:28

Itsangathu, ma kegho tsathang wi ithu na kejüghe yala kuthi nbenla kempvüza saben le kesalina ma wi benyalo.

1 JOHAN 2:7

Hi ketizenthu, hi ayenkhukechi ketheü nyela kaghawen nthu na aghatsan wina kebenwa ha zhü pi nthu cüben. Ayenkhukechi kaghawenwa ketsijüh tsü nthu na zayadha.

1 JOHAN 3:1

Ae, Abawa na khatila ithu tizen chidha nu! Ma ketizen na di ntsa kesalina ithu pi Anyiza tsangathu le ciyadha — nu ntsakhiwa ithu na tsüti saben. Tsalina ayyiwa na ithu nchü, ma jjügi tsüna Anyiza nchü.

1 JOHAN 3:10

Ha wina Anyiza tsangathu nu Atsaghang tsangathu chü kepapa sa yaben: anyi thowa na ketsatan kuli nten nyelela ma cünyuwa tizen nten khe ma Anyiza tsanga nye.

1 JOHAN 3:21

Tsalina ipvüshangthu, keujüla ithu kechükeza tsüna ithu nmeshensa lethu, ithu na Anyiza tu wi kempvüza ben.

1 JOHAN 5:1

Anyi thowa na Jisu na Khrista le nondi ten khe ma Anyiza tsanga kesü; nu thowa na aba kesü tizen ten khe ma tsawa la tizenden.

CCÜCAKECHI 22:4

Mathu na ma mmi muyaben, nu ma nyan pi mathu tie wi zhüki pvüben.