1 JOHAN 3:1 - Kemethajüh (N) (Re-editing) Bible (BSI)

¹ Ae, Abawa na khatila ithu tizen chidha nu! Ma ketizen na di ntsa kesalina ithu pi Anyiza tsangathu le ciyadha — nu ntsakhiwa ithu na tsüti saben. Tsalina ayyiwa na ithu nchü, ma jjügi tsüna Anyiza nchü.

1 JOHAN 3:1 Iomraidhean Croise

2 SAMUEL 7:19

Isala no tsümiwi la saben, Kemisintsa Apvüwa; no ghaketen mapithu wi ishicübvüghathu ghena khishichidha. Nu no anyi kesü yala ha muya thsüdha. Kemisintsa Apvüwa!

ZAKECI 31:19

No nyuwakü ketenthu ghena pala kemehai pi ketheng tsüna khatila amansa nu! No khatila menhai khe anyi tsüdila chüben, no nondi ketenthu tsü no khatila tsüthu khwe ten nu!

JEREMIYA 3:19

Apvüwa na khiben, “Israel, hi no pi itsa ti sa nu ssiya, nu ccanonkwen yyi kesü, ayyi tsüdi miwi kemehai ntsa pi no cü mvu sale. No ya hi pi iba isa ci nu hi wina khiela bvü neng nsa thsü mvu sa.

HOSEYA 1:10

Israel nyi na ji pi atssükedone wi ahachan ti sa nu si nkeyakhi nyelela ketegü nkeyakhi saaden. Khili Anyiza na mathu wi khiben, “Nthu na inyi nye,” isala atsathang kesü na ghothu ma hati mathu wi khiden, “Nthu na hangkebenwa Nyiza tsangathu le!”

Luk Zhükechi Jühtheü Kemehaiwa 20:36

Mathu na tangnyilothu ti sa nu shü nben. Mathu na Anyiza tsangathu sadha, kepaghenanye mathu na keshü wina hangneng-shaghadha.

JOHAN 1:12

Isala ma ssiya nu ma nyan nondi keyathu tsüdila Anyiza tsangathu saya kemehai kekhang pi tsüthu cüdha.

JOHAN 11:52

nu mathu ghena ketan nyela Anyiza nyithu bvü zighe kebenthu tsüdila saghu pi agwo kesütan sayaben

JOHAN 15:21

Isala nthu na iji ghena mathu na ha tsüdi nthu miwi sachi ben; kepaghenanye mathu na hi kesun kechiwa tsü nchü.

JOHAN 16:3

Anyithu na nthu miwi hathu ha saben, kepaghenanye mathu na Abawa nyelela hi la nchü.

JOHAN 17:25

O, Ketsatan Bawa! Ayyi nyi na no nchü, isala hi tsü no chü, nu hathu ha no hi kesun chile kesa chüben.

JOHAN 3:16

Kepaghenanye Anyiza na ayyi nyi tizenghali ntsa kesalina ma Tsa ntsawa kesütan tsü lela khuchi, nu anyi thowa na ma nondiya khe dedi kesawa nyela anuphan kahang bendha.

ROMNYI 5:8

Isala Anyiza na ma nanketizen pi ithu ccüca chidha, tsüna ithu na kesami sa keben wi Khrista na ithu ghena shü.

ROMNYI 8:19

Ayyi ha wi sahangkechithu mabenla Anyiza na ma tsangathu pi ccücachi keten tsü nmvuthi hieben.

ROMNYI 8:21

sahangkechithu tsü ghanan kesü bighea keten tssüzü sa keben wina lishachi nu Anyiza tsangathu nyankethang kekhenkeghe nkemi wi tsü gweghe yaben.

ROMNYI 8:32

Anyiza na ma Tsa ntsawa tsü ccüla ntepaghala pi ithu tsüdi ghena khuchidha le! Ma ma Tsawa ccüla khuchi lethu, ma pala tsüdila ithu ghena kekila wi khuchi cü nben kwe?

2 KORINTHNYI 6:18

Hi nthu Ba saden, nu nthu na itsangathu saben, Apvüwa kekhang ntsawa na khiben.”

GALATIANYI 3:26

Kenondi ghena nthu tsüdila Jisu Khrista wina Anyiza tsangathu sayadha.

GALATIANYI 3:29

Keujüla nthu na Khrista ji saya lethu, nthu na Abraham shicübvüghathu sayadha nu Anyiza jühkhukechi tsü muyaben.

AYENZHÜNENG 14:1

“Nthu na Apvüwa nthu Nyiza nyithu. Tsalina nthu na nyu keshü wi anongü lethu, anyi kepathu na sa keten ti, nthu gwo handhi nyelela ali atu wiwa whi tsüti nsala.

KOLOSSINYI 3:3

Kepaghenanye nthu na shüdha, nu nthu kahang pi Khrista gweghe Anyiza wi kuthiben.

1 JOHAN 3:10

Ha wina Anyiza tsangathu nu Atsaghang tsangathu chü kepapa sa yaben: anyi thowa na ketsatan kuli nten nyelela ma cünyuwa tizen nten khe ma Anyiza tsanga nye.

1 JOHAN 3:2

Hi ketizenthu, ithu na khili Anyiza tsangathu sayadha lela nkhe wi ithu na khati saben khe npi chüya. Isala ithu na Khrista kegho wi ma ti saben kesa ithu na chüben, kepaghenanye ithu na ma khati kesa khe ma muyaben.

1 JOHAN 4:17

Ajühkekaghaten tsathang wi ithu yala kempvüza benya thsüle kesalina ithu wi ketizen sa pi cencu cüdha, nu ithu la Khrista ti sa nu ayyi ha wi hang keben ghena tsü benya ben.

CCÜCAKECHI 21:7

Anyi kesü le kesü lela khangkeyawa hi wi ha muyaben: Hi ma Nyiza saben, nu ma itsa saben.