1 JOHAN 2:3 - Kemethajüh (N) (Re-editing) Bible (BSI)

³ Keujüla ithu na Anyiza jühkhukechi tsü nieten lethu, ithu na ma chüben le kesa chüti ben.

1 JOHAN 2:3 Iomraidhean Croise

ZAKECI 119:32

Hi ileben chi ntsa nu njühkhukechithu tsü nie den; kepaghenanye no meshenshikeya tsüpi hi cüden.

ZAKECI 119:6

Keujüla hi no ajühkhukechithu kina lethu, hi kejüghekeya tsü mu meya.

ISAYA 53:11

Ketizenkesa kahang kesü sengwi, ma anonkeghe mu neng yaben; ma kaghacang wi ketizen nsale kesa chü yaben. Hi kenen saki keten, hi ma miwi hi kenen ben keten imaghawa, ma anyi kejon kemetenwa tsü pvü yaben, nu ma ghena hi mathu kesami teshi pi cüden.

Luk Zhükechi Jühtheü Kemehaiwa 6:46

“Nthu mangkesa na, ‘Apvüwa, Apvüwa,’ hi ci nu hi salo pi nthu kekiza tsü sa nten nu?

JOHAN 14:15

“Keujüla nthu na hi tizenghali lethu, nthu na iyenkhuchithu nie ben.

JOHAN 15:10

Hi iBa yenkhukechithu nieya nu ma tizenghali wi ben keten tsüti keujüla nthu na iyenkhukechithu tsü nieten lethu, hi tizenghali wi benya ben.

JOHAN 15:14

Keujüla hi nthu kekizathu tsü saten lethu, nthu na ipvüshangthu.

JOHAN 17:3

Nu anuphan kahang ma jjügi no atsentsawa Nyiza, nu no kesun kechiwa Jisu Khrista tsü chüya thsüle kesalina.

2 KORINTHNYI 4:6

Anyiza na “Kewegüwa na kejang wina wegü shhugho ben!” kekhiwa tsü makesü Nyiza na ma kewegü pi ithu leben wi wegü cü, ithu ssigho Anyiza nyankethang Khrista miwi wegü keben palakechü wi tsü chi cüben.

IBRINYI 5:9

Ma sa pi haicencu kecü wi ma ma jühkina ketenthu tsüdi ghena anuphan hangshakeya bvüwa tsü saya,

1 JOHAN 2:13

Abathu, nthu na adechhü wina ketenwa tsü chü kesalina hi ha zhü pi nthu cüben. Kepvünyithu, nthu na nkemehaiwa chaya kesalina hi ha zhü pi nthu cüben.

1 JOHAN 3:14

Ithu na ithu cünyuthu tizen keten ghena keshü wina kahang wi shhugho yadha kesa chüben. Thowa na nyu tizen nten khe khili la keshü wi ben.

1 JOHAN 3:19

Tsalina ha wina ithu atsentsawa wi ben le kesa chüyaben; nu hati nu ithu na Anyiza tu wi kempvüza sa yaben.

1 JOHAN 3:6

Tsalina anyi kesü le kesü lela Khrista wi hang ketenwa kesami sa meyacha; isala thowa na kesami saten khe khiela ma npi muya nyelela npi chüya.

1 JOHAN 4:13

Ma ma Ghamu pi ithu cü ketheng ghena ithu na Anyiza wi hangben, nu ma ithu wi hangben kesa ithu na chütiben.

1 JOHAN 4:7

Hi ketizenthu, ithu khokho ketizenliya nalo, kepaghenanye ketizen tsüna Anyiza wina gho. Anyi thowa na nyu tizen ten khe ma Anyiza tsanga nu Anyiza chüben.

1 JOHAN 5:19

Ayyi maben na Nkemehaiwa kekhang kekhu wi ben lela ithu na Anyiza tsangathu le kesa ithu chüben.

1 JOHAN 5:2

Ha wina ithu khati nu ithu na Anyiza tsangathu tizen ten khe chüyaben: tsüna ma ayenkhukechithu tsü kenie wina Anyiza tizenben.

1 JOHAN 5:3

Kepaghenanye ithu na Anyiza tizen keten tsü jjügi ma ayenkhukechithu tsü nie ketenwa tsü. Nu ma yenkhukechithu na ithu ghena nkiyan,

CCÜCAKECHI 12:17

Tsaseng wi kemanthisa na nzawa miwi lebentsu nu ma shicü kepathu, Anyiza yenkhukechi kina ketenthu nu Jisu na pi ccüca kechi wi jühtsentsa sa ketenthu tsüdi ssikaghashenle bvüa.

CCÜCAKECHI 14:12

Hawa ha Anyiza nyithu, Anyiza yenkhukechithu nie nu Jisu wi jühtsentsa sa ketenthu na kethankehi yalo ciben.

CCÜCAKECHI 22:14

Anyi mathu thsümeni satemethaya kesathu na kemihhi ntsa, kepaghenanye mathu na anyunutiwa jenkathu wi dushhuya nu kahang chan bi tsü dsaya kemehai ben.