1 JOHAN 1:3 - Kemethajüh (N) (Re-editing) Bible (BSI)

³ Ikhang na Abawa nu ma Tsawa Jisu Khrista gweghe ashukesa wi tsü nthu la ithu gwegheya thsüle kesalina ikhang na ikhang mukeya nu zakeya tsü pi nthu la kizadha.

1 JOHAN 1:3 Iomraidhean Croise

Job Lesüshen 13:1

Nthu khi kebenthu tsüdila hi npi wina zadha. Hi tsüthu tsüdila chüben, hi nthu kechü ju chüben. Hi nmiwi nzzaki le.

ZAKECI 2:7

Kadimiwa na khi, “Hi Apvüwa na khi kechithu tsü pi jisha chiden. Ma hi wi kiza, ‘No itsa sayadha nu nansü nten na hi nba sadha;

ZAKECI 22:22

No kulikechi tsüpi inyithu kizaden; hi mathu saghu keben wi tsü no seng den:

ISAYA 66:19

nu hi kemeten pi mathu cüle kesa chü yaben. “Isala hi mathu pahan heishaya nu kesun pi mizzatentithu nu kelensie wi keben yyithu inyankethang npi kiza nyelela hi kedi nu kekhang npi kemuthu Spain, Libia, nu Lidia, mathu lakusü kepiechüthu ssisen, nu Tubal nu Gris wi chiaben . Mizzatenti hathu jawi mathu na hi kedi cüki pi thangchi ben.

SHICÜSI 10:32

No ithu gweghe wa lethu ithu na Apvüwa wi mukeya kemihhi tsüdi pi ithu gweghe gishü yaben na.”

JOHAN 17:11

Hi khili no wi gha tendha; hi khilitsü ayyi ha wi nbendha, isala mathu tsü ha wi benden. O, Kemetha Bawa! No pi hi kecüthu tsü n-nyan kekhang wina mathu noncca ben tenlo, isanu mathu la ishinyi ti kesütan saben thsülo.

JOHAN 17:21

Mathu tsüdila kesütan saya thsülo khieben. O, iBa, no hi kesun chile kesa ayyi nyi ya nondiya thsüle kesalina no hi wi ben nu hi la no wi ben keten tsüti mathu la ishinyi wi benya thsülo.

JOHAN 17:25

O, Ketsatan Bawa! Ayyi nyi na no nchü, isala hi tsü no chü, nu hathu ha no hi kesun chile kesa chüben.

JOHAN 17:3

Nu anuphan kahang ma jjügi no atsentsawa Nyiza, nu no kesun kechiwa Jisu Khrista tsü chüya thsüle kesalina.

JOHAN 19:35

(Tsü kemuwa na tsü sheipichi, nu ma sheikepi jüh tsüna atsentsa, ma atsentsawa khile kesa ma chüben; isanu nthu la nondiya thsüle kesalina.)

KEKULI 13:32

Nu ikhang na he wi Jühtheü Kemehaiwa sengho nthu cüben: Anyiza na ithu bamyithu wi ma mangwa sale khishichi khe tsüdila khili Jisu sa pi hangneng kecü wina mathu shicübvügha ithu ha ghena sa cendha. Tsüna Zakeci keniwa wi zhü ketheng ti, ‘No iTsa; hi nansü nten nBa sadha.’

KEKULI 13:41

‘Ghangchilo, nthu nyu nankeqhe ketenthu! Amansa nu shülo! Kepaghenanye hi nansü kuli kebenwa ha nthu na nondi nben, nyu na khimetha pi nthu kiza lela!’ ”

KEKULI 2:42

Mathu na matsü tsüdi pi apostelthu kesansijüh kina, isanu gweghe ashusala kekhie la saben wa.

KEKULI 20:27

Kepaghenanye hi mangla nkekhenengla Anyiza kemeshen tsüdi pi nthu kiza chidha.

KEKULI 4:20

Kepaghenanye ishinyi na mangwa mu nu zaya khe tsü pi nkhila saya nben.”

ROMNYI 15:27

Mathu ketanla hati sale kesa südheya, isala ntsakhiwa mathu na kehhatuthu kekiqa-ule. Kepaghenanye Judah nyithu na aghamulen wi kemihhi pi Judah nyi nkenyethu gweghe gishü keya ghena Judah nyi nkenyethu la ayyi wi kemihhi mukeya tsü pi Judah nyithu gweghe gishü keya-ule.

1 KORINTHNYI 1:30

Isala Anyiza na nthu sa pi Jisu Khrista wi benya thsü, nu Anyiza na Khrista sa pi ithu ghena kemetsawa, ketsatanwa, satekemethawa, nu khushikeyawa sa thsüdha.

1 KORINTHNYI 1:9

Kenondi qowa Anyiza na nthu ci pi ma Tsawa Jisu Khrista ithu Pvüwa wi chiyadha.

1 KORINTHNYI 15:1

Icünyuthu, hi khili Jühtheü Kemehaiwa hi pi nthu sansi nu nthu na tsü yaya nu tsü miwi na nthu kenondi zükeqhe kebenwa tsü pi nthu kiza neng chi mvu ben.

EFESANYI 3:6

Kekuthi hana Judah nyi nkenyethu na ajühkemehaiwa ghena Anyiza kesawegü wi Judah nyithu gwegheya kesawa tsü; mathu gweghe agwo kesütan nu Jisu Khrista wina Anyiza jüh khishikechi tsü muya ben.

FILIPPINYI 1:7

Nthu na keshüthangla ileben wi benten le! Tsalina hi nthu ghena meshen keten tsüti hi hati kesa-u. Kepaghenanye nthu tsüdila Anyiza pi hi kecü nanketizen wi ha hi gweghe ben, tsüna hi khili atssüzü sa keben wi le kekhen mangla nmila ajühkemehaiwa khi nu tsü satezü keben wi lela.

FILIPPINYI 2:1

Nthu Khrista wi kahang tsüna nthu satezü, nu ma ketizen na nthu noncca cüben. Nthu na Aghamu ssinu ashusa nu nthu khokho tu wi kecca- ketssü nu ketizenli benyadha.

FILIPPINYI 3:10

Hi kenmvu maben lethu Khrista chüya nu ma hangneng-keshagha kekhang wi tsü sanan, ma ketizen kesa wi gwegheya, nu ma keshü wi tsü ma ti saya,

KOLOSSINYI 1:13

Ma kejang kekhang wina ithu khushiya nu ithu ssigho ma ketizen Tsawa kadiyyi wi chicüdha,

1 THESSALONIKANYI 1:10

nu ma Tsawa Jisu, ma keshü wi sa pi hangneng kecüwa nu Anyiza leben kekha gho keten wi ithu khushi kecüwa tsü tang wi na gho keten tsü hieben.

1 TIMOTHI 6:2

Nssümaghathu, mathu pvüthu na Khristanyi sa kebenthu tsü nkinyikü sa yishü, kepaghenanye mathu na acünyuthu. Tsüti kesawa nye, mathu na tsü miwi mehaiki mathu kekuli salo, kepaghenanye mathu kekuli miwi kekiyi muya ketenthu tsüna mathu tizen keten kenondithu. No hathu ha pi khi nu nyu nsansithu yishü.

IBRINYI 2:12

Ma Anyiza wi khiben, “No mangwa sachi theng khe hi tsü pi icünyuthu kizaden; nu hi mathu jawi no seng den.”

IBRINYI 3:1

Hi Khristanyi cünyuthu, Anyiza na ciya kesathu! Anyiza na kesunchi pi ithu kenondi wi khishi keten Keqhaikedi Kemisintsa kesa thsüwa Jisu cüki tsü meshen chilo.

IBRINYI 3:14

Kepaghenanye keujüla ithu na aghatsan wina ithu kenondi tsü zükeqhe ghansen wala asakhen cuya lethu, ithu tsüdila Khrista kegweghe nyi sayaden.

1 PITOR 5:1

Hi keshenpfü nyi kesü, ajüh pi nthu jawi kemehu keshenpfüthu kizaben. Hi Khrista ketizen kesa chüza kesü, nu nkhe wi anyankethang pi ccüca keten wi ishei la ben. Hi nthu wi khiben,

2 PITOR 1:16

Ithu Pvüwa Jisu Khrista na khang ntsa gho keten cüki pi nthu kekiza tsüna ikhang cho kemehai wi kekhi cüki nye, isala ikhang nyon pi ma kedi kemehai tsü muyadha.

1 JOHAN 1:1

Ikhang na adechhü wina keten kahang jüh cüki tsü zhü pi nthu cüben. Ikhang na tsü zaya nu anyon pi tsü muyadha; ikhang na tsü muya, nu akwen pi tsü payadha.

1 JOHAN 1:5

Ikhang na ma Tsawa wi ketsijüh zaya nu pi nthu kiza kebenwa na ha: Anyiza na kewegü, nu ma wi kejang nmitha.

1 JOHAN 1:7

Isala keujüla ma kewegü, wi keben tsüti ithu la kewegü wi hang ten lethu, ithu na khokho ssinu gweghe ashukesa wi ben, nu ma Tsawa, Jisu jjü na kesami tsüdi wi ithu satemetha cüben.