1 JOHAN 1:2 - Kemethajüh (N) (Re-editing) Bible (BSI)

² Kahang ha mutha keshhugho wi ikhang na tsü muyadha; tsalina ikhang na tsü cüki khi nu Abawa wi anuphan kahang keben pi ikhang ccüca kechi cüki tsü pi nthu kizaben.

1 JOHAN 1:2 Iomraidhean Croise

JOHAN 1:18

Anyi kesütanla Anyiza npi muya, Atsawa, Abawa kete wi kebenwa tsü ketan na ma sa pi chüya thsüdha.

JOHAN 1:4

Ajühwa tsüna kahang bvüwa, nu kahang tsüna anyi tsüdi kewegüwa.

JOHAN 10:28

Hi anuphan kahang pi mathu cüden, nu mathu na khiela shü meyacha. Thola ikwen wina mathu khusen bvüya nben.

JOHAN 14:6

Jisu na ma luneng, “Hi alenwa, atsentsawa, nu kahangwa; anyi thola hi wina nkenye tsü Abawa wi waya nben.

JOHAN 15:27

Nu nthu la isheipi ben, kepaghenanye nthu aghatsan wina hi gweghe den.

JOHAN 16:28

Hi Abawa wina ayyi wi gho, nu khili ayyi teshi nu Abawa wi wa tendha.”

JOHAN 17:3

Nu anuphan kahang ma jjügi no atsentsawa Nyiza, nu no kesun kechiwa Jisu Khrista tsü chüya thsüle kesalina.

JOHAN 17:5

O, iBa, kheni ayyi npi sakechi wi hi no gweghe keben wi nyankethang tsü makesü khili no inyanthang chi cülo.

JOHAN 19:35

(Tsü kemuwa na tsü sheipichi, nu ma sheikepi jüh tsüna atsentsa, ma atsentsawa khile kesa ma chüben; isanu nthu la nondiya thsüle kesalina.)

JOHAN 21:14

Ha khili kecheng tughuwa Jisu na ma keshü wina hangneng-keshagha seng wi sansikeyathu tuwi gho bendha.

JOHAN 3:13

Anyi thola tang wi npi ki, isala tang wina kedugho Anyi Tsawa tsü ketan le!”

JOHAN 7:29

Hi ma chüben, kepaghenanye hi ma wina gho, nu ma hi kesunchi.”

JOHAN 8:38

Hi iBa pi hi keccücathu tsü khiden, isala nthu na nthu ba na pi nthu kekiza tsü khiden.

KEKULI 10:41

Anyi tsüdi ma nmu, isala Anyiza na ajüh ha khilo nu kessikeyathu ikhang ketan na ma mu. Anyiza na keshü wina ma sa pi hangneng kecü seng wi ikhang na ma gweghe dsajjü.

KEKULI 2:32

Anyiza na Jisu ha sa pi keshü wina shagha nengya thsüa nu ikhang na ha chüzathu.

KEKULI 3:15

Nthu na ma wina kahang keghowa tsü pathia; isala Anyiza na keshü wina ma sa pi hangnengya thsüa— nu ikhang na ha ghena chüzathu.

KEKULI 5:32

Nu ikhang na hathu chüzathu— tsüna ikhang nu Anyiza na ma ju khuchi pi ma jühkina ketenthu kecü Kemetha Ghamuwa tsü.”

ROMNYI 8:3

Anyi sajjü ha nkekhang ghena Ayenwa na sa nkeyawa tsü Anyiza na sa cüdha. Kesami meshensa thsüale kesalina Anyiza na ma Tsawa kesun pi ayyi nyi kesami sajjü ti gho thsü, ma gho ayyi nyi kesami sajjü ti sa nu kesami ghena ahhansha sa .

GALATIANYI 4:4

Isala khathansha wi matsü centhaya khe Anyiza na ma Tsawa kesunchi. Ma nza kesü gwo wina pvüghaya nu Judah nyi Yenwa kekhu wi hang,

1 TIMOTHI 3:16

Thola ithu keccüna ha wi kekuthi di ntsa keben tsü nmile khiya nben: Ma anyi tsi ceng sen nu gho kesa tsü Aghamu na atsentsa pi ccüca nu tangnyilothu ya muya thsü. Ma cüki pi mizzatenti jawi sansi, ayyi nyi maben wi la nondiya, nu ssi sen nu tangwi kia.

2 TIMOTHI 1:10

isala khilitsü ithu Hangshawa, Khrista Jisu kegho wina pi ithu ccücachi cüdha. Ma keshü kekhangwa tsü pi asakhen sa nu ajühkemehaiwa wina shü nketenwa kahang tsü pi ithu ccüca chidha.

TITA 1:2

tsüna anuphan kahang ghena kaghang miwi keben. Milimesa nketenwa Anyiza na aghatsan wina kahang ha pi ithu cüle khichidha,

1 PITOR 5:1

Hi keshenpfü nyi kesü, ajüh pi nthu jawi kemehu keshenpfüthu kizaben. Hi Khrista ketizen kesa chüza kesü, nu nkhe wi anyankethang pi ccüca keten wi ishei la ben. Hi nthu wi khiben,

1 JOHAN 1:1

Ikhang na adechhü wina keten kahang jüh cüki tsü zhü pi nthu cüben. Ikhang na tsü zaya nu anyon pi tsü muyadha; ikhang na tsü muya, nu akwen pi tsü payadha.

1 JOHAN 2:25

Nu hawa ha Khrista na anuphan kahang pi ithu cüle khishichi kethengwa tsü.

1 JOHAN 3:5

Khrista na kesamithu tsü sen bvüale kesalina gho, nu ma wi kesami nmi kesa tsü nthu na chüben.

1 JOHAN 3:8

Thowa na kesami saben ten khe ma Atsaghang ji, kepaghenanye Atsaghang na aghatsan wina samidha. Anyiza Tsawa hang kegho ma jjügi Atsaghang na kuli ketheng tsü yasa cüle kesa ghena.

1 JOHAN 4:14

Abawa na ma Tsa kesun pi ayyi Hangshawa sa thsüle kesa ithu na muyadha nu khi pi nyu kepa kizaden.

1 JOHAN 4:2

Nthu na hati nu Anyiza Ghamu la nye khe chüya mehai: aghamu kesü le kesü lela Jisu Khrista na anyi sajjü ceng ghole kesa khishi ketenwa tsüna Anyiza wina kegho,

1 JOHAN 5:11

Asheikepi tsüna ha: Anyiza na anuphan kahang pi ithu cüdha, nu anuphan kahang ha na ma Tsawa wi ben.

1 JOHAN 5:13

Nthu Anyiza Tsawa nondi ketenthu na anuphan kahang benle kesa pi nthu chüya thsüle kesalina hi ha zhü pi nthu cüben.

1 JOHAN 5:20

Anyiza Tsawa na ghodha nu ithu ya atsentsawa Nyiza tsü chüya thsüle kesalina chüshikeya pi ithu cüle kesa ithu chüben. Ithu na ma Tsawa Jisu Khrista wi hang keben ghena atsentsawa Nyiza wi hangben. Hawa ha atsentsa Nyiza, nu anuphan kahang.