Marko 8:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Ulla urur amur ibahche orrommiche. Makaateyyohi teebee khaate, Waakh kalaꞌd ilaabe jejjebche, abattitiis ididdiibe, “Baꞌh gisa,” iyidah. Iche la baꞌh gisse.

Marko 8:6 Iomraidhean Croise

Mattaayo 26:26

Golossataani Yeesso makaate khaate Waakh kalaꞌd ilaabe, jejjebche abattitiis ididdiibe, wihi us yidah, “Khaata, amha waha a sartaayaa.”

Marko 8:20

“Maanti an makaate teeba mejeli alif affare ijejjebche enjel geeddoh buuhto makaateti sooꞌhadde kijirto soosuunteen?” toro worsate. Wihi iche ilaabte, “Enjel teeba.”

Marko 8:5

Yeesso la, “Makaate geeddoh khabtaan?” worsate. Wihi icho ilaabeen, “Makaate teeba.”

Marko 8:7

Bahaggi rurrucchul laka wohoor a khabte. Yeesso wahaas laka iweeste, “Waha laka gisa,” iyidah.

Luuka 12:37

Chirri kamuricho ichohi iurꞌdine fiddiyo on sooeleele, hamaadi buurenye khabaan. Rume atin icheeka, eta kamure gaaddi ilbooyye gessata, ilbooyye komborti ballaaddane lakagolossati garabiche ka dikkille kareecha ulla yamiite icho goollicha.

Luuka 24:30

Chirra us komborti ballaaddane lakagolossati ka meessiis koorronte ka, makaate khaate Waakh kalaꞌd ilaabe, jejjebche, icho gisin sookhabte.

Yoohana 2:5

Abartiis wihi iche ilbooyye itidah, “Walahbaaw us yeela atin iidah, yeela.”

Yoohana 6:23

Koobanohoo anki ilkerengeetti Tibeeriya kayimiy la yimaateene, inti chele inkoo Kamur Waakh kalaꞌd ilaabe urur fiddiye makaate kayuhum yimaateen.

Rooma 14:6

Eti tuummane seeroo munyaacho, iꞌdane yeela ꞌdee Kamur inkaanyita. Eti jid yaham la iꞌdane yeela ꞌdee Kamur inkaanyita. A mehe ullaka gololaas ka Waakhe kalaꞌd ilaaba. Eti gololletoo bujo laka iꞌdane yeela, ꞌdee Kamur inkaanyita, toro la Waakh kalaꞌd ilaaba.

Kolossaay 3:17

Walahbaaw atin yeessaan ka, harrabiin ommos wihi atin haaggissaan eheetteey ka ba, jeenteti atin koo Yeessohi Kamure itahiin iyeela, toro la Yeesso ka Waakkhi Aabbaheene kalaꞌd ilaaba.