Marko 6:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Seeri Lanaso ka, minki weysiite Yaꞌhuud ka enenyet Yeedi Waakh abin sookhabte, enenyeti buurenye usu daage weyti girmeeste. Wihi icho worsateen, “Us eta waha tuumman inta us kaabte a intoh? Kharata deeddeenye lasiiche a toh? Saggoh waha weeli enenyet yeelin iubaaꞌdan iyabuuꞌd?

Marko 6:2 Iomraidhean Croise

Mattaayo 4:23

Yeesso boroofenhi Gaalilaaya tuumman goya tabe, minassichoki weysiite Yaꞌhuud ka Wori Haaggane dakhi Waakh miinsan cheeke, ꞌdooꞌdi khakkhannane khannaattetiis fil dakkhan tahe laka samaache.

Mattaayo 7:28

Inkoo Yeesso waha tuumman cheeke ka, urur saggi us ꞌdooꞌd walah iabcho kagirmeeste.

Marko 1:39

ꞌDeerka boroofenhi Gaalilaaya tuumman goya kasohte, Yeedi Waakh minassichoki weysiite Yaꞌhuud ka cheeke, ꞌdooꞌdi ginnayyo dakhtaan la ginnayyo kabahche.

Marko 10:1

Yeesso ꞌdeerka intaas kakahe, anki boroofenhi Yaꞌhuudiya ichoow hawti Yoordane ꞌdusso berihiche irte. Urur toro isootabe, ulla iꞌdiiski orrankateet u wahanyeyyohi Waakh abche.

Luuka 2:47

ꞌDooꞌdi wihi laworsate us soolaabe daage tuumman la kharatiis weyti kagirmeeste.

Luuka 4:15

Ulla minassi weysiite Yaꞌhuud ka ꞌdooꞌd wori Waakh abche, ꞌdooꞌdi daage tuumman la Yeesso saaꞌde.

Yoohana 6:42

Wihi icho yidaaheen, “Eta Yeessohi ínam Yuussufe menya? Aabbahiis ichoow abartiis inno ma garanni? Saggoh toolla goobi Waakhe kiimiy iessa?”

Yoohana 7:15

Weynaanti Yaꞌhuud, chiꞌche saggi us ꞌdooꞌd walah iabcho daagte ka, weyti girmeysatte, wihi iche worsatte, “Eta injire sukkuul iiran, intoh kharata geeddee kaꞌhele?”