Marko 6:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Abatti bahte, Yeedi Waakh cheekte, enenyet tuumman la, “Uskeeliin kasoonokhda,” itidah.

Marko 6:12 Iomraidhean Croise

Mattaayo 11:1

Inkoo Yeesso abattiisti tomon ichoow lammee wihi iche yeesso icheeke ka, intaas katabe, ilkerengeetohi addan irte enenyet wori Waakh abche, toro la Yeedi Waakh icheeke.

Mattaayo 11:20

ꞌDooꞌdi ilkerengeetohi us wihi weeli enenyet yeelin iubaaꞌdan buurche kayeele uskeelicho ma kasoonokhan. ꞌDeerka Yeesso icho uskeel kacheekan sookhabte.

Mattaayo 3:2

Wihi us yidah, “Uskeeliin kasoonokhda, iꞌdi tahe dakhi goobi Waakh a soodowwaatee.”

Mattaayo 3:8

Taba gurnaanki saggi rumanka atin uskeel ikasoonokhatteen tuso dela.

Mattaayo 4:17

Uus maantaas Yeesso Yeedi Waakh ꞌdooꞌd icheeke, wihi us iyidah, “Uskeeliin kasoonokhda, a mehe dakhi goobi Waakh a soodowwaatee.”

Mattaayo 9:13

Iꞌdaasenyi taba wihi yeeda essi wihiis abda, ‘An soorriyoti at ibihisso menye, atihi ꞌdooꞌdi addan uur inugleysatti iche ꞌdoona.’ A mehe ꞌdooꞌdi an iimiyye an waho, ki ꞌdooꞌdi fiffissan isiekkaacho menye, iꞌdaasenyi a ki uskeel leh.”

Marko 1:15

Wihi us yidah, “Il kola a yitah! Dakhi Waakh kola a soodowwaate! Uskeeliin kasoonokhda, Wora Haaggane ani atin idowo rummeesda!”

Marko 1:3

Ergattita la hidaade karirriirta, ‘Kamur jit imujjummoocha, jiti us leeyamiit ficcha,’ iche elatta.”

Luuka 11:32

Ibeenki Waakh ꞌdooꞌd hukkumo, ꞌdooꞌdi ili Ninaawi a tolossata ꞌdooꞌdi iꞌdee cheekta. Iꞌdi tahe icho maanti Yoona Yeedi Waakh icheeke, uskeelicho a kasoonokhteene, toro la etoo Yoona kaween kalla atin leejira.

Luuka 13:3

Iꞌdaas mee. Iꞌdaasenyi atin laka chirri atin uskeeliin ikasoonokhan, atin tuumman laka a tuuntaan.

Luuka 13:5

Mele! Wihi an atin icheeko, atin laka chirri atin uskeeliin ikasoonokhan, atin tuumman laka a tuuntaan.”

Luuka 15:10

Wihi an atin icheeko, saggaase herti Waakh ihamaadda chirri etoo kalday uskeeliis kasoonokhte.”

Luuka 15:7

Wihi an atin iadeeh, saggaas on u, goobi Waakh ka hamaadi buurenye jira jeenteti etoo kaldaye uskeeliis kasoonokhtuu. Hamaadi eta khabo hamaadi et tomon saagaal ichoow et saagaal fiffissane uskeelicho ikasoonokhan weyti kussanyahe.

Luuka 24:47

Ilkerengeetti weene Yeerusaleeme lakasookhabta, antohiis ka wori uskeeli lakasoonokhti ichoow uskeeli Waakh enenyet ikakuto miinsan ꞌdooꞌdi harra tuumman liicheeka.

Luuka 9:6

Ergaano ꞌdeerka kolba gooboo iratte Wori Haaggan cheekte, ꞌdooꞌdi khakkhannan laka meelal tuumman ka samaasse.

Hilassi Ergaano 11:18

Chirri icho waha daageen ka wihi Beetero yeele ꞌdiiꞌdin katabeene Waakh saaꞌdeen. Wihi icho yidaaheen, “Kola ꞌdeerka Waakh yaafohi Yaꞌhuud ieheynan laka uskeel a kasoolaabe, ꞌdee jiro ꞌhelaan.”

Hilassi Ergaano 2:38

Beetero la wihi us ilaabe, “Etiimba uskeeliis a kasoonokhti, antohi magah Yeesso Kiriisto ka a atin labaattissiyo, ꞌdee Waakh uskeeliin a atin ikakuto. Waakh la ꞌdee siinti Rubeyti Munyee a atin siicho.

Hilassi Ergaano 20:21

Wihi an ꞌdooꞌdi Yaꞌhuud ichoow ki Yaꞌhuud ieheynan icheeke a ichohi uskeel kasoonokhti ꞌdee Waakh urgiyicho toro Yeessohi Kamureene kakhuufo.

Hilassi Ergaano 26:20

Anna kolooraat ilkerengeetti Damaasko Yeedi Waakh kacheeke. Yomboka ilkerengeetti weene Yeerusaleem ichoow ili Yaꞌhuudiya tuumman ichoow ꞌdooꞌdi Waakh igaranne Yeedi Waakh icheeke. Wihi an cheeke la a saggi icho uskeelicho ikasoonokhtaane icho Waakh ikuurgiyaane, fiddihicho ka saggi icho rumanka uskeel ikasoonokhteen tusaan.

Hilassi Ergaano 3:19

Uskeeliin kasoonokhda, Waakh iurgiya, ꞌdee uskeeliin a lahiyyaayo, ꞌdee Kamur a atin imaalo,