Marko 4:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ ꞌDooꞌd gaasoo la, a iꞌdi ilmohi ilassi ngꞌaajjeenye harrati rucchul khabto lakachibe. Yeedi Waakh uun icho daagaan, hamaadi buure ka khaattaan.

Marko 4:16 Iomraidhean Croise

Mattaayo 13:5

Gaasoo la ilassi ngꞌaajjeenye harrati rucchul khabto kadiheen. Wahaas dowwa on soobaheen, a mehe harra rucchulee.

Marko 4:15

ꞌDooꞌd gaasoo a iꞌdi ilmohi jit lakachibe. Waha a inti Yeedi Waakh lakataaꞌhicho. Uus icho Yeedi Waakh daagaan, Seytaan chirraas on yamiite, yeedaas icho daageen kakhaata.

Marko 4:17

Iꞌdaasenyi hiiyyay icho khabaan mele, mujjum ma tolossataan. Maanti jeenteti Yeedi Waakh u sinatoo isoobahte ommos sina loomhiche, dowwa on soodihaan.

Marko 6:20

a mehe ꞌHerood Yoohana karoora, saggi us etoo fissane toro munyee iyahe iche garta. A toorriba laka. Kolbaaw us Yoohana dagansate, mal la gela. Iꞌdaasenyi toro, weyti dagansan ꞌdoona.

Luuka 8:13

Ilmohi daddaab sarche kadihe a ꞌdooꞌdi chuꞌus Yeedi Waakh daage hamaadi buure ka khaatti. Iꞌdaasenyi hiiyyay icho khabaan mele. Geeddoo rucchul on yeeda rummeestaane iꞌdaasenyi chirri kajmeti uskeel kaluguꞌddo timiy dowwa on soodihaan.

Yoohana 5:35

Yoohana a iꞌdi taahi bolkho, banay ꞌdooꞌd tuso. Atin la geeddoor yeedi us atin idowo atin kahamaadicho a ꞌdoonteen. Yeeda us atin idowo la, a iꞌdi banay.

Hilassi Ergaano 26:28

Agiribba ꞌdeerka wihi us Baawulo iyidah, “Kol at geedda rucchul on ka et Kiriisto ikayeesso koogtahe?”

Hilassi Ergaano 8:13

Siimon laka awtiis u Yeesso rummeeste, inkoo labaattissiye ka Fiilif meel tuumman leeirte. Wahanyeyyohi miigti Waakh tuso ichoow wihi ittaawenye weeli enenyet yeelin iubaaꞌdane us arge kagirmeeste.