Marko 3:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Chiiy Yeesso too intaas goya kijirta, wohoo icho Yeesso kacheektaane yowtaane, ꞌdeerka usu Yeesso Seeri Lanaso ka etaas samaacho ꞌdeyꞌdoocheen.

Marko 3:2 Iomraidhean Croise

Mattaayo 12:10

Etoo dahane hanjaawte la intaas a kijire. Farissaayotoo la intaas goya kijirta, wohoo icho Yeesso kacheektaane yowtaane, ꞌdeerka wihi icho Yeesso worsateen, “Amurre ichoow eti Seeri Lanaso ka lasamaacho a israahaan?”

Marko 3:3

Yeesso wihi us eti dahane hanjaawte iyidah, “Enenyet tuumman ortiis tolosso!”

Luuka 14:1

Maantoo Yeesso a irte Seeri Lanaso ka minki etoo weene Farissaayee kagolossate, mujjume lafiiriche.

Luuka 20:20

Weynaanti Yaꞌhuud weyti Yeesso fiirisse. ꞌDooꞌdoo ꞌdegeyenye ꞌdooꞌdi fiffissan iskaayyeelo ergateen, ichohi Yeesso yeediis ka angey gessaane ꞌdoonaane, ꞌdee miig ichoow antohi gaafana idiibaan.

Luuka 6:7

Farissaayo ichoow tagaammeti amurre wohoo icho Yeesso kacheektaane yowtaane, ꞌdeerka usu Yeesso Seeri Lanaso ka etaas samaacho mujjum fiiricheen.

Yoohana 8:6

Icho la jeenteti icho wahaas iworsateen, Yeesso angey gelin ꞌdoonaane ꞌdee jitoo icho usu kacheektaan khabaan. Iꞌdaasenyi Yeesso gulguubsate farriis ka il chirchiire.

Yoohana 9:16

Farissaayotoo la wihi iche tidah, “Eti waha yeele Waakh ma kiimaatan, iꞌdi tahe amuri Seeri Lanaso ma raaho.” Iꞌdaasenyi gaasoo wihi icho worsateen, “Saggoh eti uskeel leh, wahanyeyyoha miigti Waakh tuso iyeela?” ꞌDeerka seley goote.