Marko 3:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ A mehe enenyeti buurenye samaache, ꞌdeerka ꞌdooꞌdi khakkhannan tuumman a issootakha, Yeesso ꞌdaarin ꞌdoonaa.

Marko 3:10 Iomraidhean Croise

Mattaayo 12:15

Yeesso saggi Farissaayo ogoos iyowatti garta, intaas katabe. Ururoo buure la raahe, Yeesso la ꞌdooꞌdichoki khakkhannan tuumman samaache.

Mattaayo 14:14

Chirri beyti Gaalilaaya afiche ka Yeesso kooban kasooyage ka, urura buure arge, weyti uur inugleeste, toro ꞌdooꞌdichoki khakkhannan laka samaache.

Mattaayo 14:36

Hawwaasteene, ꞌdee ꞌdooꞌdi khakkhannan laddi kabuuꞌdiis kalday laka a ꞌdaaro. Eti tuummane ꞌdaare la samaate.

Mattaayo 4:23

Yeesso boroofenhi Gaalilaaya tuumman goya tabe, minassichoki weysiite Yaꞌhuud ka Wori Haaggane dakhi Waakh miinsan cheeke, ꞌdooꞌdi khakkhannane khannaattetiis fil dakkhan tahe laka samaache.

Marko 5:34

Ulla wihi us iyidah, “Inantaay, kakhuufnaanki at ikakhuufte a kisamaache gone, tab giꞌde nebey leeiro, sinati sugeer kikeene a lakasamaachee.”

Marko 6:56

Meelbaaw Yeesso irte ka, ilkerengeeto eheetteey, goobab eheetteey ommos gosas eheetteey ka ba, ꞌdooꞌdichoki khakkhannan siriiro kasoosiꞌdaane, sokkoti ꞌdee us yamiit, geecheen. Hawwaasteene, “Alley bal laddi kabuuꞌdaah kalday laka a ꞌdaareen,” iyidaaheen. Eti tuummane ꞌdaare la samaate.

Marko 8:22

Ilkerengeetti Bessaayda yimaateene, ꞌdooꞌdoo la etoo indo laa Yeesso ikeene, hawwaasteene, ꞌdee dahan a kaꞌdaaro.

Luuka 5:3

Yeesso koobanhoo kore. Koobanha la eti leh a etoo Siimon layadeeh. Yeesso la leeyeede ꞌdee kooban a leetakho bey afiche iꞌdaaru a kaseehicho. Yeesso ꞌdeerka kooban goya orronte, Yeedi Waakh ꞌdooꞌd abche.

Luuka 6:19

ꞌDooꞌd tuumman ebba Yeesso ꞌdaarin ꞌdoona, iꞌdi tahe miige usu kasoobahta icho tuumman samaassa.

Luuka 7:2

Etoo koobbintoo iskareet itoollo la ilbooyiiskoo us weyti ꞌdoono weyti khannanyahe, a omoottanyahe.

Luuka 7:21

Yeesso la chirraakka ꞌdooꞌdi ittaawenye khakkhannan ichoow ki bolokh khabo ichoow ki ginnayyo dakhtaan samaache. ꞌDooꞌdi ittaawenye indo laa la indo fure.

Hilassi Ergaano 5:15

Jeenteti wihi ergaano haaggissuu, enenyet ꞌdooꞌdichoki khakkhannan jitate keene, siriiro ichoow ilaalle kareeche. Iꞌdane yeeleene, ꞌdee kolossoo chirri Beetero sohti oosintiis ꞌdooꞌdoo khakkhannan oosimmoosse, samaataan.

Ibiraaniya 12:6

Iꞌdi tahe Kamur eti us ꞌdoono tuumman a soohossa, toro la iꞌdi weeliis u, sirbi gessa.”