Marko 13:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Chirra Yeesso Hali Geeyohi Oolife minki Waakhe buure yeyo koorronte ka Beetero ichoow Yaakoobo ichoow Yoohana ichoow Andereeya la iyimaateene dagsi ka usu wohoo worsateen,

Marko 13:3 Iomraidhean Croise

Mattaayo 13:10

Abatti Yeesso itimiyye, wihi iche usu worsatte, “At a iꞌdoh chirri at ꞌdooꞌd walah abisso mammaho ikaayyeedda?”

Mattaayo 13:36

Yeesso ꞌdeerka urur katabe min gele, abattitiis la itimiyye wihi iche itidah, “Wihi mammahti haraameet miinsantahe nah isoocheek.”

Mattaayo 17:1

Inkoo ibeen lihe kutte ka, Yeesso Beetero ichoow Yaakoobo ichoow Yoohanahi walaal Yaakoobee khaatte, woye, haloo deer koreen ichohaas on.

Mattaayo 21:1

Chirra icho ilkerengeetti weene Yeerusaleem isoodowwaateene, ilkerengeetti Beꞌdifaage Hali Geeyohi Oolif haggee yimaateen ka, Yeesso abattitoo lammee ergate.

Mattaayo 24:3

Geedda Yeesso Hali Geeyohi Oolif ka fiddiyo, abattitiis dagsi ka itimiyye wihi iche itidah “Waha maantoh yateehiin? Toro la mehe yateehe emeettaah ichoow ibeenki ꞌdaꞌddaboot tusa?”

Marko 10:35

Chirraakka yeele Sebedaayoti Yaakoobo ichoow Yoohana layadeeh, Yeesso itimiyye, “Eti ween! Atihi walahbaaw nah kidaahne ka nah iyeesso ꞌdoonna,” itidah.

Marko 13:4

“Nah isoocheek wahanyeyyoha maantoh yateehiin? Toro mehe yateehe ꞌdee saggi dowwanoha ka waha tuumman liisoobuuhicho tusa?”

Marko 14:33

Beetero ichoow Yaakoobo ichoow Yoohana khaatte. Sohtaayi, uur goya iooye, mali uskul gele.

Marko 4:34

Enenyet mammah on menye, wohoo addan walah ma kaabin. Iꞌdaasenyi maanti icho keley yahiin, abattitiis mammahohaas wihi icho yahiin a icheeke.

Marko 5:37

Beetero ichoow Yaakoobo ichoow walaal Yaakoobohi Yoohana layadeehe us khaatte on menye, ꞌdooꞌdi addan tuumman et us khaatte mele.

Marko 9:2

Inkoo ibeen lihe kutte ka, Yeesso Beetero ichoow Yaakoobo ichoow Yoohana khaatte, woye, haloo deer koreen, ichohaas on. ꞌDeyꞌdoossaayi Yeesso luurgiyiche.