Marko 12:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Maanti gurnaan lagurti ka, eti gos leh ilbooyiiskoo ꞌdooꞌdi gos kireeste iergate, gisi gurnaankiiski sabiib yowte.

Marko 12:2 Iomraidhean Croise

Mattaayo 21:34

Maanti ibeenki gurnaan lagurti yitah ka, eti gos leh falfayyohiis ꞌdooꞌdi gos kireeste iergate, gisi gurnaankiis yowte.

Marko 12:1

Yeesso ꞌdeerka makhaaballetaas mammah ka wihi us iyidah, “Etoo geeyohi sabiibe gosiis goyaka il gesse. Gos ootti dagaheet kamarche, lunki gurnaanki sabiib lakayabti khute. Koondihi deere eti gos yaakhicho fiddiyo, laka dise. ꞌDeerka gosiis lakireeste, ulla iloo deer sulhaal kiirte.

Marko 12:3

Iꞌdaasenyi ꞌdooꞌdi gos kireeste, ilbooy a khabte one, jahe, dahano marah sooꞌdiiche.

Luuka 12:48

Iꞌdaasenyi ilbooyi wihi kamuriis usuhi yeelo ꞌdoono igaranne khufe, kolassoo rucchule lajaha. Eti tuummane wihi buure lasiiche la, wihi buurenye lakasuga, eti wihi weyti buure dahan lagesse la wihi weyti buurenye lakasuga.

Luuka 20:10

Maanti gurnaan lagurti ka, eti gos leh ilbooyiiskoo ꞌdooꞌdi gos kireeste iergate, ꞌdee gisi gurnaankiiski sabiib wohoo a siicheen. Iꞌdaasenyi ꞌdooꞌdi gos kireeste ilbooy jahe dahano marah sooꞌdiiche.

Ibiraaniya 1:1

Goorat archiiy, Waakh aacchinyeteen geeddi buure ichoow jitassi ittaawe ka a leeyyeede. Ulla ꞌdooꞌdi Waákh íyeyyeedo kaleeyyeede.