Marko 12:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² ꞌDeerka weynaanti Yaꞌhuud jiti iche Yeesso kakhabatti yowatte, a mehe saggi us mammahtaas ka woricho ikaayyeede iche garteen. Iꞌdaasenyi urure karooraane, ꞌdeerka katabte iratte.

Marko 12:12 Iomraidhean Croise

Mattaayo 21:26

Iꞌdaasenyi chiꞌinno, ‘Enenyete kayimaateen,’ nadeeh, ꞌdooꞌde karoorra, a mehe icho tuumman Yoohana eti Waákh íyeyyeedo ikhaataan.”

Mattaayo 22:22

Chirri iche waha daagte ka, weyti girmeysatte, ꞌdeerka usu katabte iratte.

Marko 11:18

Kuhaaniyyohi wewween, ichoow tagaammeti amurre ba, yeedaas daagte. Jiti iche Yeesso katagiis yowatte. Jeenteti urur tuumman wihi us enenyet abcho ka weyti igirmeestuu, usu weyti karoorte.

Marko 11:32

Iꞌdaasenyi chiꞌinno, ‘Enenyete kayimaateen,’ nadeeh mehe soobaha?” A mehe ꞌdooꞌde karooraan jeenteti enenyet tuumman saggi Yoohana rumanka eti Waákh íyeyyeedo iekkaachuu.

Luuka 20:19

Tagaammeti amurre ichoow kuhaaniyyohi wewween la jiti iche Yeesso chirraas on kakhabatti yowteen. A mehe saggi us mammahtaas ka woricho ikaayyeedo iche garteen. Iꞌdaasenyi ꞌdooꞌde karooraan.

Luuka 20:6

Iꞌdaasenyi chiꞌinno, ‘Enenyete kayimaateen,’ nadeeh, ꞌdooꞌd tuumman dagahe inno kachiba, iꞌdi tahe icho tuumman Yoohana eti Waákh íyeyyeedo iche ikhaataan.”

Yoohana 7:25

ꞌDooꞌdoo ilkerengeetti weene Yeerusaleem wihi us yidah, “Us eta, eti weynaane ogoos maranto menya?

Yoohana 7:30

Waha ka ꞌdooꞌd Yeesso khaban leheete, iꞌdaasenyi et usu khabte mele. Iꞌdi tahe ibeenki liichiire lakhabti, uliba a ankhanyahe.

Yoohana 7:44

Gaasoo ichehi khabatti ꞌdoonta, iꞌdaasenyi et khabti mele.