Marko 10:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Yeesso ꞌdeerka intaas kakahe, anki boroofenhi Yaꞌhuudiya ichoow hawti Yoordane ꞌdusso berihiche irte. Urur toro isootabe, ulla iꞌdiiski orrankateet u wahanyeyyohi Waakh abche.

Marko 10:1 Iomraidhean Croise

Mattaayo 26:55

Yeesso chirraakka wihi us urur iyidah, “Chaꞌatin khokkhoomme ichoow birlabbe leetimaateene ikhabattaan, an a etoo enenyet walah saro? Maan tuumman ani uranti minki Waakhe buure a fiddiye Yeedi Waakh atin abche, atin la ma ikhaban.

Mattaayo 4:23

Yeesso boroofenhi Gaalilaaya tuumman goya tabe, minassichoki weysiite Yaꞌhuud ka Wori Haaggane dakhi Waakh miinsan cheeke, ꞌdooꞌdi khakkhannane khannaattetiis fil dakkhan tahe laka samaache.

Marko 1:21

Yeesso ichoow abattitiis ilkerengeetti Kafarnaaꞌhum irteen. Saahka Seeri Lanaso ka, Yeesso minki weysiite Yaꞌhuud gele, enenyet wori Waakh abin sookhabte.

Marko 10:2

Farissaayotoo la timiy, usu angey gelin ꞌdoonta, wihi iche worsatte, “Eti makhaabassiis tuum riho ichoow amurreteen a israahaan?”

Marko 12:35

Geedda Yeesso uranti minki Waakhe buure ka Yeedi Waakh enenyet abcho, wihi us worsate, “A iꞌdoh tagaammeti amurre, Ki Lasubhe a hiiy Dawuud ielatta?

Marko 14:49

Maan tuumman ani a atin leejire one, uranti minki Waakhe buure ka Yeedi Waakh atin abche, ma ikhaban la. Iꞌdaasenyi wahanyeyyoha a yitaaheene ꞌdee wihi Chiirnaanneti Waakh kachiiran labuuhicha.”

Marko 2:13

Yeesso toro beyti Gaalilaaya afiche irte, ururoo buure la intaas ka iyimiyye, ulla wori Waakh abche.

Marko 4:2

Enenyet mammaho ka wihi buure abche, wihi us yidah,

Marko 6:2

Seeri Lanaso ka, minki weysiite Yaꞌhuud ka enenyet Yeedi Waakh abin sookhabte, enenyeti buurenye usu daage weyti girmeeste. Wihi icho worsateen, “Us eta waha tuumman inta us kaabte a intoh? Kharata deeddeenye lasiiche a toh? Saggoh waha weeli enenyet yeelin iubaaꞌdan iyabuuꞌd?

Marko 6:34

Chirri beyti Gaalilaaya afiche ka Yeesso kooban kasooyage ka, urura buure arge. Weyti uur inugleeste, a mehe ꞌdooꞌdaas a iꞌdi iiyti ersim laa. ꞌDeerka wihi ittaawenye Waakh miinsan abinnaan sookhabte.

Marko 6:6

Ulla girmeeste icho ikakhuufinee. Yeesso ꞌdeerka goobassi intaas kamarsan marche, Yeedi Waakh abche.

Yoohana 10:40

Yeesso ꞌdeerka toro nokhte, hawti Yoordan aficheki ꞌdiri goorat Yoohana ꞌdooꞌd kabaattissiyo imaahe, intaas fiddiye.

Yoohana 11:7

ꞌDeerka wihi us abattitiis iyidah, “Kaha, boroofenhi Yaꞌhuudiya a inokhanni.”

Yoohana 18:20

Yeesso wihi us ilaabe, “An ꞌdooꞌd tuumman ꞌdowe kaleeyyeede. Kol tuumman minassi weysiite Yaꞌhuud ichoow minki Waakhe buurenye ꞌdooꞌdi Yaꞌhuud iskaꞌhelo ka laka ꞌdooꞌd wori Waakh a abche. Walah an dagsi ka idah mele.