Marko 1:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Ani toolla bicche atin kabaattissiya, iꞌdaasenyi us berri Rubeyti Munyee ka a atin baattissiya.”

Marko 1:8 Iomraidhean Croise

Mattaayo 3:11

Yoohana toro wihi us yidah, “Ani atinhi tuummane uskeeliin kasoonokhatteen, bicche atin kabaattissiya. Iꞌdaasenyi etoo ꞌdubeey ka yamiit weyti ikaweenyahe, ortiis ka walah an ahe mele, kobtiis laka sinnaan ma muꞌdan. Us Rubeyti Munyee ka ichoow ꞌdab ka a atin baattissiya.

Marko 1:7

Wori us orey on cheeke a kan, “Etoo ani weyti ikaween ꞌdubeey ka a yamiit. An walah an ahe mele, gulguubsanaanki an gulguubsadi an falfihi kobtiis laka jalkhicho ma muꞌdan.

Marko 1:9

Saahka Yeesso ilkerengeetti Naasaret layadeehe, boroofenhi Gaalilaaya kijirto kayimiyye, Yoohana la hawti Yoordane ꞌdusso ka usu baattissiye.

Luuka 3:16

Yoohana la wihi us icho dakkhan ilaabe “An toolla bicche atin kabaattissiya, iꞌdaasenyi etoo ani ikaween a yamiit. Anna falfihi kobtiissa an jalkhicho ma muꞌdan. Ulla Rubeyti Munyee ka ichoow ꞌdab ka a atin baattissiya.

Yoohana 1:26

Yoohana wihi us ilaabe, “An bicche enenyet kabaattissiya, iꞌdaasenyi etoo goytiin kijiro atin igaran, a jira.

Yoohana 1:33

Sag an eti us yahe igardi mele sammata Waakkhi isooergate, ꞌdee ꞌdooꞌd bicche kabaattis iyidah waha ani ikiidaahan, ‘Eti at agarto Rubeyti Munyee goobi Waakh ka isooyagte kafiddiite, usu Rubeyti Munyee ka ꞌdooꞌd baattissiya.’

Hilassi Ergaano 1:5

A mehe Yoohana enenyet bicche kabaattissiye, iꞌdaasenyi maanassa, Rubeyti Munyee ka a atin labaattissiya.”

Hilassi Ergaano 10:45

ꞌDooꞌdi Yaꞌhuude Kiriisto rummeeste Beetero sooraahe la, Rubeyti Munyeenye yaafohi Yaꞌhuud ieheynan laka isooyagte weyti kagirmeeste.

Hilassi Ergaano 2:17

“ ‘Ibeenneti ꞌdaꞌddaboot, iche Waakh essa, Rubeyteey weeli enenyet tuumman a kakhuba. Yeeletiin ichoow albehiin wori Waakh a kaayyeedaan. Mejeliinki nunnugul fooltabcho a arga. Mejeliinki araarrinyee issilloyyo issilloota.

Hilassi Ergaano 2:4

Icho tuumman Rubeyti Munyee buuhisse, saggi Rubeyti Munyee igargaartuu la afi icho idaagin kaayyeedin sookhabteen.

1 Koriinto 12:13

Iꞌdi tahe Rubeyta kaldaye Waakh on inno tuumman sartoo kalday goya inno kabaattissite, yaafohi Yaꞌhuud ommos yaafohi Yaꞌhuud ieheynan eheetteey ka ba, bowꞌda ommos ꞌdooꞌdi lafure eheetteey ka ba. Inno tuumman la Rubeyta kalday on inno lasiiche, inno lakasookhube.