Hilassi Ergaano 9:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² ulla khaadaabbeti us ꞌdooꞌdi minassi weysiite ilkerengeetti Damaasko iwewween ileeirti ꞌdee eti us yahe cheekto daahe. ꞌDeerka chirri us ꞌdooꞌdi jit Yeesso raaho ꞌhele, mejel ommos deyyeho eheetteey ka ba, a sookhabta ilkerengeetti weene Yeerusaleem keena.

Hilassi Ergaano 9:2 Iomraidhean Croise

Mattaayo 10:17

ꞌDooꞌda yuubsada, jaldaabohi Yaꞌhuude atin igeechaane, minassichoki weysiit ka atin jahaan.

Yoohana 14:6

Yeesso wihi us ilaabe, “An a jit, an a rum, an a jiro. Eti ani ileeyimiy on menye, et Aabbaheey iyamiit mele.

Hilassi Ergaano 18:25

Usu jiti Kamur ka a lawaaniche, uuriis tuumman ka yeyyeede, wori Yeesso miinsan mujjum ꞌdooꞌd abche. Iꞌdaasenyi baattissiyoti us garti tuumman a baattissiyo Yoohana on.

Hilassi Ergaano 19:23

Chirraase ilkerengeetti Efeesso ka jeenteti yeedi Jiti Kamur miinsan u, sinati buure isoobahte.

Hilassi Ergaano 19:9

Iꞌdaasenyi ꞌdooꞌd gaasiiskoo a ki matah miigenye, yeed rummeysan ꞌdiiꞌde, toro enenyet tuumman ortiis ka, jiti Kamur wihi noole sussuuje kacheekeen. Baawulo ꞌdeerka icho katabe. Abatti khaatte, maan tuumman min Turannoki buure ka ꞌdooꞌd Yeedi Waakh kaleehawwooche.

Hilassi Ergaano 24:14

Wahane kisoocheeka, Jita toolla icho a ki rabitti suuje kidowaan, iche an Waakh aacchinyeteenyo kawahda. Iꞌdaasenyi wihi tuummane Chiirnaanneti Amurre ichoow ti ꞌdooꞌdi Waákh íyeyyeedo kachiiran a israahaane a rummeesda.

Hilassi Ergaano 24:22

Feelig wihi ꞌdooꞌdi Jiti Kamur raaho rummeesti a garta, tol hide. Wihi us yidah, “Maanti eti iskar tuumman itoollo Luusiyas layadeeh inta yimiy, iche yeediin goocha.”

Hilassi Ergaano 26:10

An antohi kuhaaniyyohi wewween ka ꞌdooꞌdi Waakhe ittaawe jeela a gesse, maanti layagiis la ani laka a ayyiche.

Hilassi Ergaano 26:12

“Sulhaassoo iꞌdee ka khadaabi antoote kuhaaniyyohi wewween isiicheen khabaayi anki ilkerengeetti Damaasko miinsade.

Hilassi Ergaano 6:9

Iꞌdaasenyi ꞌdooꞌdoo Isiteefano iriir leegele. ꞌDooꞌda a ayyo ya, a ꞌdooꞌdoo minkichoki weysiit, “ꞌDooꞌdi Lasoofure,” layadeeh ichoow ꞌdooꞌdi Yaꞌhuude ili Kureene kayimiy ichoow ki Alekisaandariya ichoow ki Kiliikiya ichoow ki Aassiya. ꞌDooꞌda Isiteefano iriir leegele,

Hilassi Ergaano 7:19

Ulla aacchinyeteen weyti sina kawaariche, toro ekkeeste, nyaakhutichoki ladele icho khar isoorogaane ꞌdee tuumo ihosse.

Hilassi Ergaano 9:14

Ulla antohi kuhaaniyyohi wewween siicheene us ebbaaw ati kiwahti us kakhabti leeyimiy.”

Hilassi Ergaano 9:21

ꞌDooꞌdi usu daage tuumman la weyti girmeeste, “Eta ki goorat ilkerengeetti weene Yeerusaleem ka ꞌdooꞌdi magaha waho ꞌdabbaacho menya? Ulla intane yimiyye ꞌdee icho hida, khaata kuhaaniyyohi wewween igeecha menya?” worsateen.

2 Koriinto 11:32

Maanti an ilkerengeetti weene Damaasko kijire, gaafanahi karnati Areeta layadeeh soobahsate ilkerengeete yaakhiche, ꞌdee ani ikhabtaa.

Galaatiya 1:17

Toro la, an ergaanoti ilkerengeetti weene Yeerusaleem kijirto, orteey ergaano titah laka ma iiran. Iꞌdaasenyi chirraas on ili Araabo irde, yomboka ilkerengeetti weene Damaasko isoonokhde.