Hilassi Ergaano 4:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Beetero ichoow Yoohana orcho a lakeeno yidaaheene, ꞌdeerka waha wowworsateen, “Miig eyya ommos antohi magah eyya waha kayeesseen?”

Hilassi Ergaano 4:7 Iomraidhean Croise

Mattaayo 21:23

Yeesso uranti minki Waakhe buure gele, geedda us ayti Waakh enenyet abcho, kuhaaniyyohi wewween ichoow ewweenki Yaꞌhuud ba Yeesso iyimaateen. Wihi icho worsateen, “Antohi at wahanyeyyoha kahaaggisso a weheeyya? Antoha la ayyo kisiiche?”

Marko 11:28

Wihi icho worsateen, “Antohi at wahanyeyyoha kahaaggisso, a weheeyya? Antohi at wahanyeyyoha kahaaggisso ayyo kisiiche?”

Yoohana 2:18

ꞌDeerka ewweenki yaafohi Yaꞌhuud wihi us Yeesso worsate, “Wahanyeyyohi miigti Waakh tuso at nah tusso ꞌdee saggi rumanka Waakh antohi at waha kayeesse kisiiche iagarro a mehe?”

Yoohana 8:3

Tagaammeti amurre ichoow Farissaayo ba makhaabassoo ichehi makhaabaloo kiche ieheynan leeuꞌdurto lakhabte sookhaateene, enenyet ortiis keeneen.

Yoohana 8:9

Chirri icho waha daageen ka, icho tuumman seley tabeene, tattakkay ka irteen. Kolooraat la araarrinye iratte, ichoowka Yeesso ichoow makhaabál kalday sooꞌhadeen.

Hilassi Ergaano 4:10

Toollaka atin ichoow ꞌdooꞌdi Issiraayel tuumman waha abda giꞌde! Eta toolla feyyate, miigowe, ortiin toollo, antohi magah Yeesso Kiriistohi Naasarete goorat atin massalaaba kakaahteene atin tigaaseene iꞌdaasenyi Waakh omoot kasookahche iche kasamaate.

Hilassi Ergaano 4:6

Kuhaanihi weyti weene Aanas layadeeh ichoow Kayaafa ichoow Yoohana ichoow Alekisaanda ichoow minki kuhaaniyyohi weyti wewween dakkhamba leh makhaaballetaas khabaani isꞌheleen.

Hilassi Ergaano 4:8

ꞌDeerka Beeterohi Rubeyti Munyee buuhisse yeed laabe mehe yidah ya, “Makhaaballeti Yaꞌhuude wewweenoow ichoow ewweenki Yaꞌhuudoow,

Hilassi Ergaano 5:40

Yeed Gamaliyeel malicho urgiyiche. Ergaano min goya iwaheene, lajahe. ꞌDeerka amur ibahcheen, uus icho yombuu toro magah Yeesso kaayyeedin. ꞌDeerka laꞌdiiche.