Hilassi Ergaano 3:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Beetero ꞌdeerka et iiyeyye, “Walah chilimenye an khabo mele, iꞌdaasenyi wihi an khabo kisiicha. Antohi magah Yeesso Kiriistohi Naasaret ka, kahe soho!”

Hilassi Ergaano 3:6 Iomraidhean Croise

Mattaayo 10:9

Wihi chilimenye ꞌdahabe ommos lahaageete ommos birtoo addane akhaatanna,

Mattaayo 7:22

Maanti Waakh enenyet hukkumo, ꞌdooꞌdi buure mehe ani iyadeeh ya, ‘Kamur, Kamur, magahaah ka a kiyeyyeene, toro magahaah ka ginnayyo ꞌdooꞌd a kabihinne, wihi ittaawenye weeli enenyet yeelin iubaaꞌdan laka yeelle.’

Marko 14:8

Makhaabassa wihi iche tabuuꞌd tuummane yeesse. Sarteey miricchi ka subahte, orey on geeddi liihawwaalin tannabisse.

Marko 16:17

ꞌDooꞌdi rummeesti wahanyeyyoha miigti Waakh tuso a yeela. Antohi magaheey ka ginna enenyet a kabahcha, afi us idaagin laka kayeyyeeda.

Yoohana 19:19

Bilaato la amuri baawatoo lachiiro, massalaaba Yeesso sarche lakalooꞌdicho bahche. Wihi lakachiire la a mehe ya, Yeessohi Ilkerengeetti Naasaret, Karnati Yaꞌhuud.

Hilassi Ergaano 10:38

Saggi Waakh Yeessohi Naasaret Rubeyti Munyee ichoow miig isiiche a garattaan. Jeenteti Waakh ileejiruu us meel tuummane irte, wihi haaggan yeele, ꞌdooꞌdi Seytaan sina kawaaricho samaache.

Hilassi Ergaano 16:18

Iche la ibeenneti ittaawe iꞌdaas yeesse ichoowka Baawulo weyti hollowe, iurgiye, ginna leeyeede wihi us iyidah, “Antohi magah Yeesso Kiriisto ka, amure kibahcha, inanta kasoobah!” Chirraas on ginna inám kabahte.

Hilassi Ergaano 2:22

Beetero toro wihi us yidah, “ꞌDooꞌdi Issiraayeloow, bal yeeda nabah isuda! Waakh Yeessohi Naasaret ka wihi weeli enenyet yeelin iubaaꞌdan ichoow girmo ichoow wahanyeyyohi miigti Waakh tuso a atin tuse. Iꞌdaakka Yeesso rumanka antohi Waakh khabo a atin tuse. Atin la wahaas a garattaan.

Hilassi Ergaano 2:36

“Maantaka ꞌdooꞌdi Issiraayel tuumman, waha a abti giꞌde! Waakh rumanka Yeessoha atin massalaaba kakaahteen, a soobahsate, Kamur ichoow Ki Lasubhe kayeele!”

Hilassi Ergaano 3:16

Kakhuufnaanki nah antohi magah Yeesso kakhuufno ka, eta orran dakkhan atin wihiis garattaane, toolla la agartaan, a lasamaache. Magah Yeesso ichoow kakhuufnaanki usu kayamiit, iche eta tuum samaache, saggi atin tuumman iagartaan u.

Hilassi Ergaano 3:5

Et la, chiꞌ wohoo lasiicho koogyahe, ꞌdooꞌd yeye.

Hilassi Ergaano 3:7

Ét dahanti miigeet sookhabte, samacchaar sootololiche, chirraas on et luhlo haagsateene, miigoween.

Hilassi Ergaano 4:10

Toollaka atin ichoow ꞌdooꞌdi Issiraayel tuumman waha abda giꞌde! Eta toolla feyyate, miigowe, ortiin toollo, antohi magah Yeesso Kiriistohi Naasarete goorat atin massalaaba kakaahteene atin tigaaseene iꞌdaasenyi Waakh omoot kasookahche iche kasamaate.

Hilassi Ergaano 4:7

Beetero ichoow Yoohana orcho a lakeeno yidaaheene, ꞌdeerka waha wowworsateen, “Miig eyya ommos antohi magah eyya waha kayeesseen?”

Hilassi Ergaano 9:34

Beetero la wihi us Ayyenneya iyidah, “Ayyenneya, Yeesso Kiriisto a kisamaacha, kahe ilaalaah khaat!” Ulla chirraas on sookahe.

1 Koriinto 4:11

Ichoowka uliba laka, nah raarah on khabna, sugub laka khabna toro la gaaddi raagte sar kakhabna. A nah lajahe, minki nah igello laka ma khabno.

2 Koriinto 6:10

Rubeyoheenyo a bolkhaane iꞌdaasenyi kol dakkhan a hamaana, a miskiino iꞌdaasenyi ꞌdooꞌdi buurenye kamurroonna. Walah weheenyee mele toro la walah tuumman a khabna.

2 Koriinto 8:12

Iꞌdi tahe chiꞌ etoo wohoo bihin ꞌdoono, khaatannaanki Waakh siintaas khaatti, wihi liikhabin menye, geeddi lakhabo iche raaha.

2 Koriinto 8:9

Iꞌdi tahe haaggi buurenye koo Yeesso Kiriistohi Kamureene a garattaan. Chiꞌ kamurroon tuumman kiis yahe laka, jeentetiin u miskiine yitahye, ꞌdee miskiinkiis ka kamurrowtaan.

Yaakoobo 2:5

ꞌDooꞌd Kiriistokaaw, waha daaga bal, Waakh ꞌdooꞌdi harrata ka miskiin liiekkaacho ma soobahsanne, ꞌdee kakhuufnaanki icho Yeesso kakhuufaan ka Waakh icho kamurre ma iekkaanna? Toro la Waakh ꞌdooꞌda ma soobahsanne ꞌdee dakhi Waakhe Waakh ꞌdooꞌdi usu ꞌdoono iayyiche ma muꞌdan a?

1 Beetero 4:10

Ebba siimbaaw us ꞌhele ka ꞌdooꞌdi addan a ihilo. Iꞌda ka ebba haaggi Waakhe buurenye fil ittaawe mujjume dakhta.