Hilassi Ergaano 3:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Beetero chirri us waha arge ka wihi us ꞌdooꞌd iyidah, “Mejeli Issiraayeloow a iꞌdoh waha ikagirmeysattaan? A iꞌdoh iꞌduu nah iyeytaan? Kol nah miigteenyo on ka ommos nah weyti Waakh kahamaadinno eta samaanne akoogeynana.

Hilassi Ergaano 3:12 Iomraidhean Croise

Yoohana 7:18

Eti wihi awtiissa on ꞌdooꞌd abcho, magahe isiyowta. Iꞌdaasenyi eti magahi eti sooergate koolo iꞌdoono, a eti rummaate, walah khollokkhane usu miinsan mele.

Hilassi Ergaano 13:26

“Yaafeey, atinhi hiiy Aburaahame ichoow atinhi yaafohi addanenye Waakh karoortaan inno wori saggi Waakh inno iribo a inno liisooerge.

Hilassi Ergaano 2:22

Beetero toro wihi us yidah, “ꞌDooꞌdi Issiraayeloow, bal yeeda nabah isuda! Waakh Yeessohi Naasaret ka wihi weeli enenyet yeelin iubaaꞌdan ichoow girmo ichoow wahanyeyyohi miigti Waakh tuso a atin tuse. Iꞌdaakka Yeesso rumanka antohi Waakh khabo a atin tuse. Atin la wahaas a garattaan.

Hilassi Ergaano 3:11

Et Beetero ichoow Yoohana kadage. Enenyet tuumman la girmeeste ankaas isooryeene, inti icho toollaane, Oosim Soolomon layadeeh isooryeen.

Hilassi Ergaano 3:13

Waakh Aburaaham ichoow Isakh ichoow Yaakoobo ichoow Waakh aacchinyeteenna Yeessohi falfatiise weynaache. Atin la Yeesso dahanohi chiiyeet gelisseene layigis. Chirri Bilaato soofurin gooche laka, atin Bilaato ortiis ka us keenyo menye tidaaheen.

Rooma 11:1

ꞌDeerka wihi an worsadi, Waakh ꞌdooꞌdiis a ꞌdiiꞌde? Mele, iꞌdaaru laka ma ꞌdiiꞌdin! Ani rubeyteey a ꞌdooꞌdi Issiraayele, hiiy Aburaahame kiimiyye, a yaaf Beenjameen.

Rooma 9:4

Icho a ꞌdooꞌdi ili Issiraayele, Waakh icho a khaatte, nyaakhutiiski iꞌdi teyyanohiise kayeesse. Toro la weynaantiis goycho ka tuse, ayyinti ittaawenye us igooche ichoow amurre Muusa ba ꞌheleene, jiti Waakh minki Waakhe buure ka lakawahti ꞌheleene, wihi ittaawenye ꞌdee yateehe Waakh gooche laka ꞌheleen.

2 Koriinto 3:5

Nah awteenyuu walah nah nabuuꞌd mele, iꞌdaasenyi wihi nah yeelin nabuuꞌd Waakh on kayamiitiin.

Bakkaahit 7:13

ꞌDeerka ewweenkaas kichokoo wihi us iworsate, “ꞌDooꞌda kabuuꞌddeta khabo a ayyo illeh? Toro la intoh kayimaateen?”