Hilassi Ergaano 3:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Maantoo, geeddi sahaꞌd saagaassi maalimeete lakaweesti ka, Beetero ichoow Yoohana minki Waakhe buurenye iꞌdulaan.

Hilassi Ergaano 3:1 Iomraidhean Croise

Mattaayo 17:1

Inkoo ibeen lihe kutte ka, Yeesso Beetero ichoow Yaakoobo ichoow Yoohanahi walaal Yaakoobee khaatte, woye, haloo deer koreen ichohaas on.

Mattaayo 26:37

Beetero ichoow yeele Sebedaayoti lammee khaatte. Yeesso weyti bolkhe toro mali uskul gele.

Mattaayo 27:45

Uus sahaꞌd lihti maalimeet ka il tuumman mugꞌdi yitahye, ichoowka sahaꞌd saagaale eleesse.

Luuka 1:10

Chirri sahaꞌddi uyuugge lagubo titah ka, ꞌdooꞌdi Waakh wahti tuumman khar ka kulme Waakhe wahtaa.

Luuka 18:10

“ꞌDooꞌdoo lammee minki Waakhe buurenye weysi kiirte. Koo a Farissaayo, ki addan la a etoo kooddi goocho.

Luuka 22:8

Yeesso Beetero ichoow Yoohana ergate wihi us iyidah, “Nyaama inti inno gololi daawti Baasakka kanaham inno ihaaggicha.”

Luuka 24:53

Kol dakkhan minki Waakhe buure fiddiyeene, Waakh saaꞌdeen.

Yoohana 21:7

Eti abatti goyaka Yeesso weyti ꞌdoono la wihi us Beetero iyidah, “Waha a Kamureenna alah.” Chirri Siimonhi Beetero layadeeh saggi wahaas Kamur iyahe daage ka, dafartiisti oroot dabar kahiite. Iꞌdi tahe kootte a bahchee. ꞌDeerka bicche goya kadihe.

Hilassi Ergaano 10:3

Maantooka geeddi sahaꞌd saagaassi maalimeet ka, fooltabchotoo arge. Fooltabcho ka wihi us mujjum arge, a herti Waakhe itimiyye, “Korneeliyo,” itidah.

Hilassi Ergaano 10:30

Korneeliyo wihi us ilaabe, “Maan affar kutte, anihi sahaꞌd saagaassi maalimeete chirree minkeey goyaka Waakh wahdi iche dog laan on etoo gaaddi dakhane torrogoot khabo orteey sootolossate.

Hilassi Ergaano 2:46

Orrahti sookorto tuumman, uranti minki Waakhe buurenye isikayamiitiine Waakh wahtaan. Toro goobassicho ka, uuri haaggan ka isleegolossataane, hamaadaane,

Hilassi Ergaano 3:3

Et chirri us Beetero ichoow Yoohanahi minki Waakhe buure gelin leheet arge ka, chilimme daahe.

Hilassi Ergaano 3:4

Beetero ichoow Yoohana et indo kakhabteen. Beetero la wihi us et iyidah, “Bal nah sooyey!”

Hilassi Ergaano 4:13

Chirri icho Yoohana ichoow Beeterohi roorro laan yeyyeedo argeene toro saggi icho ꞌdooꞌdi walah garti iyahiin kaseen ka weyti girmeesteen. Saggi goorat icho Yeesso ileejireen kaseen.

Hilassi Ergaano 5:25

Chirraas on etoo la yimiyye iiyeyye, “Reeri chele atin jeela gelisseen minki Waakhe buurenye goya kijira, enenyet walah abcha.”

Hilassi Ergaano 8:14

Ergaanoti ilkerengeetti weene Yeerusaleem kajirto maanti iche saggi ꞌdooꞌdi Saamariya kajiro Yeedi Waakh iraaho daagte ka, Beetero ichoow Yoohana Saamariya ieregte.

Galaatiya 2:9

Yaakoobo ichoow Beetero ichoow Yoohana, iche tirrinki urur Kiriisto liiekkaacha. Icho la saggi an haaggi Waakhe buure ka hila liisiiche a abteen. Toro ani ichoow Barnaba kulanki urur Kiriisto ka nah khaatteen. Wihi nah iskadaagne a mehe ya, icho yaafohi Yaꞌhuude iirtaane, nah la yaafohi Yaꞌhuud ieheynane iiranna.