Hilassi Ergaano 27:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Ibeenki kaas sookhuccho ka ilkerengeetti Siidon gelle. Yuuliyas la weyti Baawulo ihaagganeete, ꞌdiiche irte, aalassiis iirte icho la wihi us ꞌdoono siicheen.

Hilassi Ergaano 27:3 Iomraidhean Croise

Mattaayo 11:21

“Atinhi ilkerengeetti Choorasin taalliin sinati atin sugto eenna a buure! Atinhi ilkerengeetti Bessaayda taalliin sinati atin sugto eenna a buure! Iꞌdi tahe chirri wihi ittaawenye weeli enenyet yeelin iubaaꞌdane goytiin ka layeele goorat ilkerengeetti Tiiro ichoow ti Siidon ka layeele, ꞌdooꞌdaas arraagane uskeelicho kasoonokhte, ꞌdeerka ingaꞌdaaꞌdiyyo gessate, bombey kadowte.

Hilassi Ergaano 12:20

Karnati ꞌHerood Agiribbahi oraate ꞌdooꞌdi ilkerengeetti Tiiro ichoow ꞌdooꞌdi ilkerengeetti Siidon ba weyti kahollowe. Icho la saamo ka irteene sooargeen. Kolooraat la eti uranti karnat iweene Bulaastas layadeeh iche ankicho leekeeneen. Irteene ꞌHeroodha nebey daaheen, iꞌdi tahe ilicho il ꞌHeroodhane golol kaꞌhela.

Hilassi Ergaano 24:23

Feelig eti koobbintoo iskareet itoollo amur ibahche, ꞌdee Baawulo latoorriba, iꞌdaasenyi ma lahido toro aalassiiski wohoo iyeelin ꞌdoono ma lajeycho.

Hilassi Ergaano 27:1

Chirri saggi nah ilkerengeetti Rooma ili ꞌDeylaan kajirto kooban ka iiranni lagooche ka, Baawulo ichoow ꞌdooꞌdoo addane hidan ba, Yuuliyashi koobbintoo iskareet itoollo, Koobbin Kaaysar layadeeh iween dahan lagesse.

Hilassi Ergaano 27:43

Iꞌdaasenyi eti koobbinti iskareet itoollo usuhi jiro Baawulo ribo ꞌdoona, mali iskare khabte hosse. Amur bahche ꞌdee eti bicche taagnaan garti koloo bicche goya a kidiho, harrati kafafsan a imaaho.

Hilassi Ergaano 28:16

Chirri nah ilkerengeetti Rooma gelle ka, Baawulo etoo iskareete yaakhicho laleeꞌdiiche, irte awtiis u keley fiddiye.