Hilassi Ergaano 27:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Chirri saggi nah ilkerengeetti Rooma ili ꞌDeylaan kajirto kooban ka iiranni lagooche ka, Baawulo ichoow ꞌdooꞌdoo addane hidan ba, Yuuliyashi koobbintoo iskareet itoollo, Koobbin Kaaysar layadeeh iween dahan lagesse.

Hilassi Ergaano 27:1 Iomraidhean Croise

Mattaayo 27:54

Chirri eti koobbintoo iskareet itoollo ichoow iskarti leejirte Yeesso yuubisso harrati sesseehto ichoow wihi tuummane yitah agarte ka, weyti nahte, “Rumanka usu Weeli Waakhe eheet,” tidah.

Luuka 23:47

Chirri eti koobbintoo iskareet itoollo wihi yitah arge ka, Waakh saaꞌde wihi us yidah, “Rumanka eta eti fissane eheet!”

Luuka 7:2

Etoo koobbintoo iskareet itoollo la ilbooyiiskoo us weyti ꞌdoono weyti khannanyahe, a omoottanyahe.

Hilassi Ergaano 10:1

Ilkerengeetti Kaaysareya ka, etoo Korneeliyo layadeehe koobbintoo iskareete, iskarti ꞌDeylaan layadeeh itoollo, a jire.

Hilassi Ergaano 10:22

Reer wihi us ilaabe, “Etoo Korneeliyo layadeehe koobbintoo iskareet itoollo kanimiy. Ulla a etoo fissane Waákh karooro, yaafti Yaꞌhuud tuumman la weyti inkaanyitto. Hertoo Waakhe munyeenye usu minkiis a kiwaho ꞌdee wora a daago itidah.”

Hilassi Ergaano 16:10

Inkoo Baawulo fooltabcho arge ka, chirraas on tannabanne, anki Makedooniya miinsanne. Wihi nah goonne Waakh a nah wahe, ꞌdee icho Wori Haaggan icheekna.

Hilassi Ergaano 18:2

Intaas ka etoo Yaꞌhuude Akiila layadeehe ili Boontus kadesse ꞌhele. Ulla makhaabassiisti Birisiila layadeeh khabaayi, ili ꞌDeylaane kayimiy, a mehe karnati ilaase Kilaawudiyo layadeeh, iche eti Yaꞌhuude tuumman ilkerengeetti weene Rooma a kabaho yidah. Baawulo icho sooyeyin irte,

Hilassi Ergaano 19:21

Inkoo waha tuumman yitaaheen, Baawulo Rubeyti Munyee woytaayi wihi us gooche, chirri us ilkerengeetti weene Yeerusaleem irti, ili Makedooniya ichoow ki Akhaaya dah kagoocha. Wihi us yidah, “Inkoo an intaas irde, ilkerengeetti weene Rooma laka a sooarga.”

Hilassi Ergaano 21:32

Ulla chirraas on nyaame iskartoo wewween ichoow iskartoo addan khaatte urur ikhubteen. Chirri ꞌdooꞌd eti iskar tuumman itoollo ichoow iskartiis arge ka, Baawulohi kootte icho jahaan ꞌdiicheen.

Hilassi Ergaano 22:26

Chirri eti koobbintoo iskareet itoollo yeedaas daage ka, nyaame, eti iskar tuumman itoollo wihi us worsate, “Waha a mehe at yeesso? Etaas a eti ili Rooma.”

Hilassi Ergaano 23:11

Saahka ibeen Kamur Baawulo hagga tolossate wihi us yidah, “Wohoo rucchul laka akaroorin! Saggi at ilkerengeetti weene Yeerusaleem ka garteey iyeedde saggaas on ilkerengeetti Rooma ka laka garteey iyeedda.”

Hilassi Ergaano 23:17

Baawulo la etoo koobbintoo iskareet itoollo wahe, “Eta nugul wohoo us eti iskar tuumman itoollo icheekti khaba, khaate igeey,” iyidah.

Hilassi Ergaano 24:23

Feelig eti koobbintoo iskareet itoollo amur ibahche, ꞌdee Baawulo latoorriba, iꞌdaasenyi ma lahido toro aalassiiski wohoo iyeelin ꞌdoono ma lajeycho.

Hilassi Ergaano 25:12

Inkoo Feestas ꞌdooꞌdi usú waanicho leehawwooche ka wihi us iyidah, “At Kaaysare iooyte gone, Kaaysare iiratta!”

Hilassi Ergaano 25:25

An walah omoot liikagoocho an kaarge mele. Iꞌdaasenyi jeenteti us Kaaysar ikooye u, anihi Rooma isooergo gooche.

Hilassi Ergaano 27:11

Iꞌdaasenyi eti koobbinti iskareet itoollo wihi Baawulo essi menye wihi kootte eti kooban iween ichoow wihi eti kooban leh yidaaheen on raahe.

Hilassi Ergaano 27:43

Iꞌdaasenyi eti koobbinti iskareet itoollo usuhi jiro Baawulo ribo ꞌdoona, mali iskare khabte hosse. Amur bahche ꞌdee eti bicche taagnaan garti koloo bicche goya a kidiho, harrati kafafsan a imaaho.

Hilassi Ergaano 27:6

Intaas ka eti koobbintoo iskareet itoollo, koobanhi ilkerengeetti Alekisaandariya kayimiyye ili ꞌDeylaan isohti ꞌhele, nah korche.

Hilassi Ergaano 28:1

Chirri nah nebey bicche maahne ka, saggi kurtaas bicche dahcho kajirto Malta liiyadeeh abanne.

Hilassi Ergaano 28:16

Chirri nah ilkerengeetti Rooma gelle ka, Baawulo etoo iskareete yaakhicho laleeꞌdiiche, irte awtiis u keley fiddiye.

Ibiraaniya 13:24

ꞌDooꞌdi atin iwewween tuumman ichoow ꞌdooꞌdi Waakh tuumman bariiticha. ꞌDooꞌdi koo Kiriisteenye ili ꞌDeylaan kijiro, a atin soobariitiche.