Hilassi Ergaano 26:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² “Agiribbahi karnate, an maalinka weyti hamaada chirri an ortaah toollo ꞌdee wihi ꞌdooꞌdi Yaꞌhuud ikacheekti ortaah ka isiyeyyeedo.

Hilassi Ergaano 26:2 Iomraidhean Croise

Mattaayo 10:19

Iꞌdaasenyi chirri icho atin khabteen, wihi atin tadeehiin ommos saggi atin itadeehiin akawaꞌdwaaꞌdina. Chirraas wihi atin tadeehiin a atin lasiicha.

Luuka 12:11

“Chirri minassi weysiite Yaꞌhuud ommos weynaan ichoow ꞌdooꞌdi anto leh ortiis atin lakeeno ꞌdee atin lahukkumo, saggi atin isikaayyeeddaan ommos wihi atin sootadeehiin akawaꞌdwaaꞌdina.

Luuka 21:12

“Iꞌdaasenyi geeddi waha tuumman iitaahan a atin khabtaane, sina atin omhichaan. Minassi weysiite Yaꞌhuud ka atin lahukkuma toro jeelayyo atin lageecha. Karnatte ichoow gaafanayyo atin liigeecha, waha tuumman la a jeenteti atin abattiteey itahiin.

Hilassi Ergaano 25:26

Iꞌdaasenyi walah buuho usu miinsane an Kaaysarhi kamure ichiiro an khabo mele. Jeentetaas gon ortiin ikeene, toro kach ka atihi karnate Agiribbaaw iche ortaah keena, ꞌdee chirri walah laawworsate ka, ani laka wihi an Kaaysar ichiiro khaba.

Hilassi Ergaano 26:1

Agiribba ꞌdeerka wihi us Baawulo iyidah, “Antohi at awtaah u isikaayyeeddo a khabta.” Baawulo la dahan ficche iꞌduu isiyeyyeede.

Hilassi Ergaano 26:19

“ꞌDeerka Agiribbahi karnate, an fooltabchoti an serey ka arge, ma raahiwwaayin.

Hilassi Ergaano 26:26

Agiribbahi karnate, an roorro laane kileeyyeeda. Wihi an tissibo, at wahanyeyyoha tuumman a garatta. A mehe inti dagsan ma lakayeelin.

Hilassi Ergaano 26:3

Kach ka la, a jeenteti ati hugummeti Yaꞌhuud ichoow wihi icho worsataan tuumman igaratti. Toollaka a kihawwaasde samacchaar on idaganso.”

Hilassi Ergaano 26:7

Khajjeela la a ki yaafohi Issiraayele tomon ichoow lammee ibeen ichoow maalim Waakh iwahtaane icho sugaan. Karnatoow jeenteti khajjeelane ꞌdooꞌdi Yaꞌhuud icheekta.