Hilassi Ergaano 2:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Icho tuumman Rubeyti Munyee buuhisse, saggi Rubeyti Munyee igargaartuu la afi icho idaagin kaayyeedin sookhabteen.

Hilassi Ergaano 2:4 Iomraidhean Croise

Mattaayo 10:19

Iꞌdaasenyi chirri icho atin khabteen, wihi atin tadeehiin ommos saggi atin itadeehiin akawaꞌdwaaꞌdina. Chirraas wihi atin tadeehiin a atin lasiicha.

Marko 16:17

ꞌDooꞌdi rummeesti wahanyeyyoha miigti Waakh tuso a yeela. Antohi magaheey ka ginna enenyet a kabahcha, afi us idaagin laka kayeyyeeda.

Luuka 1:15

Iꞌdi tahe us Waakh ortiis ka eti weene yateeh. Ulla uus farsotoo rucchule sabiib laka af kaꞌdaarin. Uꞌ dessi la Rubeyti Munyee usu a buuhissa.

Luuka 1:41

Chirri iche bariito Maariya daagte ka, weeli Eliissabeet uur kakhabto yuutte, Rubeyti Munyee Eliissabeet buuhisse.

Luuka 1:67

Sakkariiyahi aabba Yoohanee Rubeyti Munyee buuhisse wori Waakh kaayyeede wihi us yidah,

Luuka 12:12

A mehe Rubeyti Munyee chirraas wihi atin tadeehiin a atin abissa.”

Luuka 21:15

A mehe an yeedi atin tadeehiin ichoow khara a atin siicha, ꞌdee chiiytiin tuumman goyaka koo atin tirrimin yabuuꞌd mele ommos et runti atin cheekteen ꞌdiiꞌdo mele.

Luuka 4:1

Yeesso usuhi Rubeyti Munyee buuhisse hawti Yoordane ꞌdusso kasoonokhte, Rubeyti Munyee la woyte hidaad geesse.

Yoohana 14:26

Iꞌdaasenyi Rubeyti Munyeenye ꞌDooggargaarto layadeehe, Aabbaheey meesseey ka sooergo, walah tuummane atin abissa, toro la wihi tuummane an atin isoocheeke, atin kasooꞌhelissa.

Yoohana 20:22

Wahaas ka neebsi kaafuufe, wihi us yidah, “Rubeyti Munyee ꞌhela.

Hilassi Ergaano 1:5

A mehe Yoohana enenyet bicche kabaattissiye, iꞌdaasenyi maanassa, Rubeyti Munyee ka a atin labaattissiya.”

Hilassi Ergaano 1:8

Iꞌdaasenyi maanti Rubeyti Munyee atin isooyagte, miig a ꞌhessaane, atin la weheeyki atin garattaan cheektaan. Ilkerengeetti weene Yeerusaleem ka ichoow boroofenneti Yaꞌhuudiya ichoow ti Saamariya ka ichoow harra tuumman ka cheektaan.”

Hilassi Ergaano 10:46

Iꞌdi tahe ꞌdooꞌdi yaafohi addan ichohi afi icho idaagin kaayyeedo toro Waakh saaꞌdo, iche daageen. Beetero ꞌdeerka wihi us yidah,

Hilassi Ergaano 10:47

“ꞌDooꞌda iꞌdi goorat inno Rubeyti Munyee iꞌhelluu, icho laka Rubeyti Munyee a ꞌheleen. Etoo ichohi bicche ka labaattissiyo a tirta?”

Hilassi Ergaano 11:15

“Chirri an yeede on Rubeyti Munyee iꞌdi goorat iche inno orey inno ikasooyagtuu icho laka isooyagte.

Hilassi Ergaano 11:24

Barnaba la a etoo haaggane, Rubeyti Munyee buuhto toro la Yeesso kakhuufo. ꞌDooꞌdi ittaawe la kamur kakhuufe.

Hilassi Ergaano 13:52

Abatti la hamaad ichoow Rubeyti Munyee buuhicheen.

Hilassi Ergaano 13:9

Saawulohi magahoo ka Baawulo layadeehe Rubeyti Munyee buuhisse Eelimaas indo katoolliche wihi us iyidah,

Hilassi Ergaano 15:8

Waakkhi uurassi enenyet garti Rubeyti Munyeenye us icho siiche ka saggaas us inno laka inno isiichuu saggi us icho ikhaatte a tuse.

Hilassi Ergaano 19:6

Chirri Baawulo icho dahano korche ka, Rubeyti Munyee isooyagte, icho la afassi icho idaagin kaayyeedeene toro wori Waakh kayimiy cheekeen.

Hilassi Ergaano 2:11

a ꞌdooꞌdi Yaꞌhuud ichoow ki wihi Yaꞌhuud wahti iurgiye. Gaaseenyokoo laka Kireete ichoow ili Araabo kayimiy. Iꞌdaasenyi nah ichohi girmohi Waakh yeele afeenyo ka cheeko a daagna!”

Hilassi Ergaano 2:3

Wohoo iꞌdi ꞌdabi bolkhee argeen. Wahaas la seley goggoweene, yimaateene, eti intaas kijire tuumman koorronteen.

Hilassi Ergaano 4:31

Inkoo icho weesteen ka, meessi kootte icho kijiraan sesseehte. Rubeyti Munyee la icho tuumman buuhisse, Yeedi Waakh roorro laan cheekeen.

Hilassi Ergaano 4:8

ꞌDeerka Beeterohi Rubeyti Munyee buuhisse yeed laabe mehe yidah ya, “Makhaaballeti Yaꞌhuude wewweenoow ichoow ewweenki Yaꞌhuudoow,

Hilassi Ergaano 6:3

Walaalinyeey, et teeba goytiin ka magah khabto, Rubeyti Munyee laka rubeyohicho buuhto toro la kharee soobahcha, hila a gelinno.

Hilassi Ergaano 6:5

Urur tuumman wihi ergaano tidah jilhaate. Etoo Isiteefano layadeehe, Rubeyti Munyee buuhisse toro Waakh weyti kakhuufo soobahsateen. Fiilif ichoow Burookoras ichoow Nikaanor ichoow Tiimon ichoow Barmena ichoow eti ilkerengeetti Antiyookhiya Nikolaawus layadeehe wihi ꞌdooꞌdi Yaꞌhuud wahti iurgiye laka soobahsateen.

Hilassi Ergaano 6:8

Isiteefano weyti haaggi Waakhe buure ichoow miige buuhicheen. Ulla girmohi buure ichoow wahanyeyyohi miigti Waakh tuso ꞌdooꞌdi Yaꞌhuud goyaka haaggiche.

Hilassi Ergaano 7:55

Iꞌdaasenyi Isiteefanohi chirraas Rubeyti Munyee buuhto, goobi Waakh serey iyeye, Waakkhi ababo arge, Yeessohi Waakh anki dahantiisti miigeet toollo arge.

Hilassi Ergaano 8:17

ꞌDeerka Beetero ichoow Yoohana ba dahano korcheene, ꞌdooꞌd la Rubeyti Munyee ꞌhele.

Hilassi Ergaano 9:17

Anaaniya ꞌdeerka irte minki Saawulo kajiro gele. Anaaniya la dahano korche, “Saawulo, walaalaaw, Yeessohi Kamurenye jit ka atihi inta isoosohatti kisoobahe iche isooergate, ꞌdee il agarta toro Rubeyti Munyee kibuuhissa,” iyidah.

Rooma 15:13

Waakkhi khajjeel leh ba, kakhuufnaanki atin usu kakhuuftaan ka, hamaad tuumman ichoow nebey ba atin kahida, ꞌdee miigti Rubeyti Munyee atin siisso ka, khajjeeliin weyti buuraata.

1 Koriinto 12:10

Toro Rubeyta Waakhe etoo addan miigti wihi weeli enenyet iubaaꞌdan lakayeelo siissa, etoo addan la siinti Waakh liiyeyyeedo siissa, etoo addan laka siinti Rubeyti Waakh ichoow rubeyohoo addan seley lakaabti siissa. Etoo addan la siinti us afassi Rubeyti Munyee kayamiit kaayyeedo siissa, etoo addan la siinti us wihi afassaas ka leessi kalaabo siissa.

1 Koriinto 13:1

Chirri an afassi weeli enenyet ommos afassi herti Waakh kaayyeedo, iꞌdaasenyi an enenyet iꞌdoonin, an a iꞌdi gaꞌdaari ballaaddane hafane weyti riiro, ꞌdollo lajaho on. Ommos an a iꞌdi ꞌdaanki buurenye immarah yeedo on.

1 Koriinto 13:8

ꞌDoonine koloo kalday laka ma massatti. Iꞌdaasenyi farniinki ꞌdooꞌdi Waákh íyeyyeedo a massata, afassi Rubeyti Munyee kayamiit a gammadichaane, wihi lagarti tuumman la a kutaan.

1 Koriinto 14:18

An weyti Waakh kalaꞌd ilaaba jeenteti an ꞌdirihiin afassi Rubeyti Munyee ikaayyeeduu.

1 Koriinto 14:5

An atin tuumman atinhi afassi Rubeyti Munyee kaayyeeddaan a ꞌdoona, iꞌdaasenyi kootte incheenka atinhi wori Waakh kaayyeeddaane weyti ꞌdoona. Iꞌdi tahe eti wori Waakh kaayyeedo ichoow ki afi Rubeyti Munyee kaayyeedo, ki wori Waakh kaayyeedo weyti khumman. Eti afi Rubeyti Munyee kaayyeedo, walah us ꞌdooꞌdi Waakh ibaho mele, sammata us afaas ilaabine, urur Kiriisto tuumman idisin.

Efeesso 3:19

Toro la Waakhe daaha ꞌdee ꞌdoonin Kiriisto abattaan, chirri atin ꞌdooninta wihiche tuum aban iubaaꞌdan laka. Iꞌdaas ka buuhi Waakh tuum goytiinna buuhicha.

Efeesso 5:18

Taba, farsoti sabiib ka meleefu iitaahana, a mehe jiroti uskeeli buurenye iꞌdaanu layeelo keenaan. Iꞌdaasenyi Rubeyti Munyee a atin buuhisso.

Efeesso 6:18

Taba kol tuumman saggi Rubeyti Munyee atin iwoytuu weysi ichoow daahti fil tuummane ka Waakh wahda. Iꞌda yeessaani toorribda, toro kol dakkhan garrahsada ꞌdooꞌdi Waakh tuumman Waakh iwaha.

1 Beetero 1:12

Wihi liisoobabbakkaahiche a mehe ya icho ma isihiline, iꞌdaasenyi atine atin ihileen maanti icho wahanyeyyohi geeddi icho noolyahiin iitaahane guꞌhassi ittaawenye yombo sooraaho sooyateeh kaayyeedeen. Toolla la ꞌdooꞌdi Wori Haaggane miigti Rubeyti Munyeenye goobi Waakh lakasooergo cheeko ka, wahanyeyyoha a atin liisoocheeke. Herti Waakh laka ichehi wahanyeyyohaas agarto imoonta.

2 Beetero 1:21

A mehe ꞌdooꞌda Waákh íyeyyeedo yeedicho ꞌdooninti weeli enenyet ma kasoouummamin. Iꞌdaasenyi yeedi icho cheekeen, a ki Waakh kayimiyye Rubeyti Munyee aficho leekeente.