Hilassi Ergaano 19:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Baawulo ꞌdeerka wihi us worsate, “Maanti atin labaattissiye, soonnaankeyya raahteen?” Wihi icho ilaabeen, “Soonnaan Yoohana.”

Hilassi Ergaano 19:3 Iomraidhean Croise

Mattaayo 28:19

Maantaka nyaama ꞌdooꞌdi harra tuumman abattiteey kayeela. Magah Aabba ka ichoow ki Weel ka ichoow ki Rubeyti Munyee ka baattissiya.

Luuka 7:29

Enenyet tuumman, ꞌdooꞌdi kooddi goocho laka, chiꞌicho wihi Yeesso yidah daageen ka, saggi jiti Waakh ifissanyahe khaatteen, a mehe Yoohaná icho baattissiye.

Hilassi Ergaano 18:25

Usu jiti Kamur ka a lawaaniche, uuriis tuumman ka yeyyeede, wori Yeesso miinsan mujjum ꞌdooꞌd abche. Iꞌdaasenyi baattissiyoti us garti tuumman a baattissiyo Yoohana on.

Hilassi Ergaano 8:16

Iꞌdi tahe ꞌdooꞌdaas magah Yeessohi Kamure on lakabaattissiye menye, Rubeyti Munyee uliba ma isooyagin.

1 Koriinto 12:13

Iꞌdi tahe Rubeyta kaldaye Waakh on inno tuumman sartoo kalday goya inno kabaattissite, yaafohi Yaꞌhuud ommos yaafohi Yaꞌhuud ieheynan eheetteey ka ba, bowꞌda ommos ꞌdooꞌdi lafure eheetteey ka ba. Inno tuumman la Rubeyta kalday on inno lasiiche, inno lakasookhube.

Ibiraaniya 6:2

Soonnaanneta addan la a iꞌdi maanta baattissiyo ichoow ꞌdooꞌdi dahano lakorcho ichoow ꞌdooꞌdi tuume berri omoot kasookaho ichoow saggi Waakh berri enenyet ihukkumo wihi us goocho jirtuu tuumman iyateehiin illeh kakunno giꞌde.