Hilassi Ergaano 19:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Aboollo ilkerengeetti Koriinto kajiraayi, Baawulo kahe il dah kagooche ilkerengeetti Efeesso gele, intaas ka abattitoo ꞌhele.

Hilassi Ergaano 19:1 Iomraidhean Croise

1 Koriinto 16:12

Wori eteenki Aboollo layadeeh miinsan la, an weyti usu a hawwaasde ꞌdooꞌdoo addane koo Kiriistee khabaayi atin iirda iidah. Usuhi toolla irti ma ꞌdoono, iꞌdaasenyi ibeenki us ꞌhelo on irta.

1 Koriinto 1:12

Wihi an eldi a mehe ya, gaasiinkoo mehe essa ya, “Ani Baawulo raaha,” gaasoo la, “An Aboollo raaha,” essaane, gaasoo la “An Keefase raaha,” gaasoo la “Ani Kiriisto raaha,” essaan.

Hilassi Ergaano 18:1

Inkoo waha kuteen ka Baawulo ilkerengeetti Aaꞌden kabahe ilkerengeetti Koriinto irte.

Hilassi Ergaano 18:8

Eti Kiriisbo layadeehe minki weysiite Yaꞌhuud itoollo la, usu ichoow minkiis ba Kamur a rummeesteen. ꞌDooꞌdoo ittaawenye ilkerengeetti Koriinto kajiro Baawulo daage la, Kiriisto rummeeste, labaattissiye.

Hilassi Ergaano 19:17

Chirri ꞌdooꞌdi Yaꞌhuud ichoow ki Yaꞌhuud ieheynane ilkerengeetti Efeesso kajiro tuumman wahaas daage ka, weyti burꞌdowe. Magah Yeessohi Kamure la weyti liinkaanyite.

Hilassi Ergaano 19:26

Atin la wihi eta Baawulo layadeeh yeelo a agartaane, toro la a isidaagtaan. Us wihi us essi a mehe ya, waakkhassi dahanti enenyet haaggicheen koloo kalday laka Waakh mee. Ilkerengeetti Efeesso ichoow boroofenhi Aassiya buurtiis ka, ꞌdooꞌdi ittaawe a baabiiche.

Hilassi Ergaano 20:16

Baawulo la usuhi kooban ka ilkerengeetti Efeesso ikuto iche gooche. Usuhi ibeennetoo boroofenhi Aassiya fiddiyo ma ꞌdoonin. A mehe usuhi dowwa ilkerengeetti weene Yeerusaleem chirri iche tateeh ibeenki daawti Beentekos ka eleelo ꞌdoona.

Hilassi Ergaano 20:18

Chirri icho sooeleeleen ka wihi us iyidah, “Atin rubeytiin saggi an uus maanti kolooraat an boroofenhi Aassiya soogele an atin ileejire a garattaan.

Hilassi Ergaano 21:29

Wihi icho iꞌdaas kayidaaheen la a jeenteti icho Turofiimohi Yaꞌhuud ieheynane ilkerengeetti Efeesso kayimiyye ilkerengeet goyaka Baawulo rarraaho iargeen. Kol Baawulo usu sookhaate uranti minki Waakhe buure keene koogyahiin.

1 Koriinto 4:6

ꞌDooꞌd Kiriistokaaw jeenteti iroonotiinna wahanyeyyoha ka iyookkoteey ichoow too Aboollo ikhaate. Iꞌdane yeele ꞌdee wihi yeeda essi nah kaabattaan, “Wihi Chiirnaanneti Waakh goya kachiiran akutin.” Iꞌda ka la weynaantoo ma keeylajjaane, too la ma ꞌdarraawtaan gon.

1 Koriinto 15:32

Chirri an saggi weeli enenyet on ꞌdooꞌdi ilkerengeetti Efeesso ka iꞌdi binaat u isjahne an iꞌdaakka mehe yeela? Chirri Waakh enenyet omoot ikasookahin, a geeddi an iꞌdi enenyet essuu, “Golossanni, farso laka danno, iꞌdi tahe saahta a tuunna,” an adeeh on gon.

1 Koriinto 16:8

Iꞌdaasenyi ilkerengeetti Efeesso fiddiya, ichoowka daawti Beentekos tateeh.

Efeesso 1:1

Khadaaba eti atin isoochiiro a ani, Baawulohi saggi Waakh igoochuu, ergaano Yeesso Kiriistee. ꞌDooꞌdi an isoochiiro a ꞌdooꞌdi Waakhe ilkerengeetti Efeesso yaal. Atin ichoow Kiriisto a wohoo kaldaye, toro la a ꞌdooꞌdi lakakhuufo.