Hilassi Ergaano 18:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Eti Kiriisbo layadeehe minki weysiite Yaꞌhuud itoollo la, usu ichoow minkiis ba Kamur a rummeesteen. ꞌDooꞌdoo ittaawenye ilkerengeetti Koriinto kajiro Baawulo daage la, Kiriisto rummeeste, labaattissiye.

Hilassi Ergaano 18:8 Iomraidhean Croise

Mattaayo 28:19

Maantaka nyaama ꞌdooꞌdi harra tuumman abattiteey kayeela. Magah Aabba ka ichoow ki Weel ka ichoow ki Rubeyti Munyee ka baattissiya.

Marko 5:22

ꞌDeerka etoo ꞌdooꞌdi minassi weysiite Yaꞌhuud itoollo kichokoowenye Yaayiro layadeeh intaas yimiy. Yeesso arge, luhlohiis kakufe,

Marko 5:35

Yeesso yeedaas af kakhabaayi, ꞌdooꞌdoo goob Yaayirohi minki weysiit itoollo kayimiyye wihi icho iyidaaheen, “Weel a massate. A iꞌdoh uliba eti ween immarah sina ikawaarissa?”

Hilassi Ergaano 10:2

Usu ichoow minkiis tuumman kol tuumman wihi Waakh kahamaadicho yeeleene, toro la Waakh a karooraan. Us ꞌdooꞌdi Yaꞌhuude miskiine weyti gargaare, toro kol tuumman Waakhe wahta.

Hilassi Ergaano 11:14

‘Ulla farniine kikeena, farniinkaas ka ati ichoow minkaah tuumman a atin lariba,’ itidah.

Hilassi Ergaano 13:15

Inkoo Chiirnaanneti Amurre ichoow ti ꞌDooꞌdi Waákh Íyeyyeedo lasoome ka, ꞌdooꞌdi minki weysiit itoollo icho waheene wihi icho iyidaaheen, “Yaafeey, chirri atin yeedoo enenyet uur miigoocho khabtaan, kaaleya cheeka.”

Hilassi Ergaano 16:34

Eti jeela iween icho minkiis geeche, gololoo icho yamhiin siiche. Usu ichoow minkiis jeenteti icho Waakh irummeesteen u weyti hamaadeen.

Hilassi Ergaano 18:1

Inkoo waha kuteen ka Baawulo ilkerengeetti Aaꞌden kabahe ilkerengeetti Koriinto irte.

Hilassi Ergaano 18:17

Geeddi icho isoobahin, icho tuumman eti minki weysiite Yaꞌhuud itoollo Soosteena layadeeh khabteene, kootiin ortiis ka jaheen. Iꞌdaasenyi Gaalliyo wahaas ma ibaalin ba.

Hilassi Ergaano 19:1

Aboollo ilkerengeetti Koriinto kajiraayi, Baawulo kahe il dah kagooche ilkerengeetti Efeesso gele, intaas ka abattitoo ꞌhele.

Hilassi Ergaano 8:12

Iꞌdaasenyi chirri icho Wori Haaggane dakhi Waakh ichoow Yeesso Kiriisto miinsane Fiilif cheeko rummeesteen ka, mejel ichoow deyyeho ba labaattissiye.

1 Koriinto 1:2

ꞌDooꞌdi nah khadaaba isoochiirro la, a ururi Waakhe ilkerengeetti weene Koriinto kijiro. Atin a ꞌdooꞌdi Waakh rubeytiis wahe munyaache, atin ichoow Yeesso Kiriisto ba wohoo kalday atin kayeele. Toro la eti tuummane harrata ka Yeesso Kiriistohi Kamureenenye toro la icho laka Kamurichee wahti iche ichiirra.

2 Koriinto 1:1

Khadaaba ꞌdooꞌdi atin isoochiiro a ani, Baawulohi jeenteti Waakh isoobahsatuu ergaano Yeesso Kiriistee ichoow eteenki ullaka koo Kiriisteenye Timooti layadeeh. ꞌDooꞌdi nah khadaaba ichiirro la, a ururi Waakhe ilkerengeetti weene Koriinto kijiro, ichoow ꞌdooꞌdi Waakhe boroofenhi Akhaaya kajiro tuumman.

2 Koriinto 1:23

Waakh a idaagaa, us garteey a laaba, anihi bolokh atin ikeeno an iꞌdoonine, jeentetaase ilkerengeetti Koriinto toro ikasoonokhawwaaye.

2 Koriinto 6:11

ꞌDooꞌdi Koriintooy! Nah wohoo rucchul laka ma atin kadagsanne, saggi nah weyti atin iꞌdoonno laka a atin tusne.

2 Timooti 4:20

Eraasta ilkerengeetti Koriinto kaꞌhade, Turofiimo la jeenteti us ikhannanyahuu ilkerengeetti Mileeto kasootabe.