Hilassi Ergaano 18:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Iꞌdaasenyi chirri ꞌdooꞌdi Yaꞌhuud Baawulo tirrime icho usu leeabaarrameen ka, ebeeri darfohiis ijillaanjilliche saggi icho ikhufeen tuse. Wihi us iyidah, “Chirri atin baabaateen, atin on awtiin u isooya. Ani walah liiworsati mele. Uus toolla kakhabatti, an yaafohi Yaꞌhuud ieheynane iirda.”

Hilassi Ergaano 18:6 Iomraidhean Croise

Mattaayo 10:14

Chirri etoo atin imartiisanne, ommos yeediin idagansan, chaꞌatin goobaas ommos ilkerengeettaas kabahtaan, ebeeri luhlo atin fuulo sahda, saggi Waakh icho ihukkumo tusa.

Mattaayo 21:41

Wihi icho ilaabeen, “ꞌDooꞌdaas sussuuje jiti suuje ka a bakkicha, ꞌdee ꞌdooꞌdoo addane mujjumenye maanti gurnaan lagurti gisi gurnaankiis siicho gos siicha kireesta.”

Mattaayo 21:43

“Maantaka wihi an atin icheeko, dakhi Waakh a atin lakakhaata yaafti gurnaanki Waakh ꞌdoono desso lasiicha.

Mattaayo 22:10

Ilbooyye ꞌdeerka ilkerengeet goya itabte, ꞌdooꞌdi icho argeen tuumman soowaheen. ꞌDooꞌdi hahhaaggan ichoow ki sussuuje ba wahte, minki daawti mindischo lakahaaggicho marti buuhisse.

Mattaayo 27:25

Enenyet tuumman wihi us ilaabe, “Diiggiis nah ichoow nyaakhuteenyo a nah fuulo!”

Mattaayo 8:11

Wihi an atin iadeeh, maanti harrata ꞌdubiche yitah, ꞌdooꞌdi ittaawe beri ichoow bahaye kayamiite, Aburaaham ichoow Isakh ichoow Yaakoobo khabaani meelassicho khaattaane, dakhi goobi Waakh ka sukuuku isleegelaan.

Luuka 22:65

Usu leeabaarrameene, wahanyeyyohoo addane ittaawenye sussuuje laka idoween.

Luuka 9:5

Chirri enenyet atin imartiisan, ebeeri luhlo atin fuulo sahda geedda atin ilkerengeetticho kabahtaan. Waha a garti icho cheekatti.”

Hilassi Ergaano 13:51

Ergaano ꞌdeerka ebeeri luhlohicho fuulo wihi iche ꞌdooꞌdaas kacheekatti tuso ijahte, ꞌdeerka ilkerengeetti Ikooniyo iratte.

Hilassi Ergaano 26:11

Geeddi buure an kolba minkoo weysiite Yaꞌhuude kabaha koo gela ꞌdee icho jaha toro Yeessohi icho igafaan iholin leheet. Jeenteti an icho weyti iꞌdiiꞌduu, ilkerengeetohi ili yeelan kijiro laka irde, ꞌdee icho sina omhicha.”

Hilassi Ergaano 26:20

Anna kolooraat ilkerengeetti Damaasko Yeedi Waakh kacheeke. Yomboka ilkerengeetti weene Yeerusaleem ichoow ili Yaꞌhuudiya tuumman ichoow ꞌdooꞌdi Waakh igaranne Yeedi Waakh icheeke. Wihi an cheeke la a saggi icho uskeelicho ikasoonokhtaane icho Waakh ikuurgiyaane, fiddihicho ka saggi icho rumanka uskeel ikasoonokhteen tusaan.

Hilassi Ergaano 28:28

“Maantaka waha abda, ribnaanki Waakh ꞌdooꞌd ribo, yaafohi Yaꞌhuud ieheynane liierge, icho la daagaan!”

Rooma 3:29

Waakh a Waakkhi yaafohi Yaꞌhuud kaldach on a? Us Waakkhi yaafohi Yaꞌhuud ieheynan laka menya? Aa, a iꞌdaas on,

1 Timooti 5:22

Etoo dowwa on dahan akorinne weynaanti urur Kiriisto woyto akayeelin. Iꞌdaas ka uskeelicho ma leegisanto. Ati rubeytaah la miꞌdab iskayeel.

2 Timooti 2:25

ꞌDooꞌdi usu tirrimo laka samacchaar on walah abcha, kolossoo Waakh ꞌdooꞌdaas rubeyohi uskeel kasoonokhti a siicha, runtaas rummeestaane ulla icho woya.

1 Beetero 4:14

Chirri jeenteti at koo Kiriisto itahe lakaabaaro, ati Waakh a kimaale. Iꞌdi tahe Rubeyti weynaan lehe toro Rubeyti Waakhe a kileejirta.

1 Beetero 4:4

Waha tuumman ka, aalassiinki oraat weyti atin kagirmeestaan chaꞌatin kola icho ikakhayine uskeeli buurenye icho iꞌdaanu yeelaan iyeelin. Icho la abaari noole atin korchaan.