Hilassi Ergaano 18:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Inkoo waha kuteen ka Baawulo ilkerengeetti Aaꞌden kabahe ilkerengeetti Koriinto irte.

Hilassi Ergaano 18:1 Iomraidhean Croise

Hilassi Ergaano 17:15

ꞌDooꞌdi kootte Baawulo khaate la, Baawulo raahe ichoowka ilkerengeetti Aaꞌden eleelicheene intaas ka nokhteen. Baawulo Siila ichoow Timooti amur ibahche ꞌdee dowwa ilkerengeetti Aaꞌden ka usu a isookhayeen.

Hilassi Ergaano 17:16

Baawulo la ilkerengeetti Aaꞌden ka Siila ichoow Timooti sugaayi, weyti uur suujowe jeenteti ilkerengeettaas iyookkoyyohi waakkhakh lakayeessi ibuuhaan u.

Hilassi Ergaano 18:8

Eti Kiriisbo layadeehe minki weysiite Yaꞌhuud itoollo la, usu ichoow minkiis ba Kamur a rummeesteen. ꞌDooꞌdoo ittaawenye ilkerengeetti Koriinto kajiro Baawulo daage la, Kiriisto rummeeste, labaattissiye.

Hilassi Ergaano 19:1

Aboollo ilkerengeetti Koriinto kajiraayi, Baawulo kahe il dah kagooche ilkerengeetti Efeesso gele, intaas ka abattitoo ꞌhele.

1 Koriinto 1:2

ꞌDooꞌdi nah khadaaba isoochiirro la, a ururi Waakhe ilkerengeetti weene Koriinto kijiro. Atin a ꞌdooꞌdi Waakh rubeytiis wahe munyaache, atin ichoow Yeesso Kiriisto ba wohoo kalday atin kayeele. Toro la eti tuummane harrata ka Yeesso Kiriistohi Kamureenenye toro la icho laka Kamurichee wahti iche ichiirra.

2 Koriinto 1:1

Khadaaba ꞌdooꞌdi atin isoochiiro a ani, Baawulohi jeenteti Waakh isoobahsatuu ergaano Yeesso Kiriistee ichoow eteenki ullaka koo Kiriisteenye Timooti layadeeh. ꞌDooꞌdi nah khadaaba ichiirro la, a ururi Waakhe ilkerengeetti weene Koriinto kijiro, ichoow ꞌdooꞌdi Waakhe boroofenhi Akhaaya kajiro tuumman.

2 Koriinto 1:23

Waakh a idaagaa, us garteey a laaba, anihi bolokh atin ikeeno an iꞌdoonine, jeentetaase ilkerengeetti Koriinto toro ikasoonokhawwaaye.

2 Koriinto 6:11

ꞌDooꞌdi Koriintooy! Nah wohoo rucchul laka ma atin kadagsanne, saggi nah weyti atin iꞌdoonno laka a atin tusne.

2 Timooti 4:20

Eraasta ilkerengeetti Koriinto kaꞌhade, Turofiimo la jeenteti us ikhannanyahuu ilkerengeetti Mileeto kasootabe.