Hilassi Ergaano 16:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Baawulo usuhi Timooti khaatti leeirti ꞌdoona, ꞌdeerka khandiye. Waha a jeenteti ꞌdooꞌdi Yaꞌhuude intaas kajiro saggi aabba Timooti yaaftoo Yaꞌhuud ieheynan iyahe toro us ikhandiineynan igarti.

Hilassi Ergaano 16:3 Iomraidhean Croise

Hilassi Ergaano 15:20

Iꞌdaasenyi khadaab ichiirro ꞌdee gololi iyookkoyyo ka labiꞌdirrooche uumhana, toro la ꞌdooꞌdi isidisan uus isleeurꞌdine, naffi laluulliche uumhana, diig adamina inidaahe.

Hilassi Ergaano 15:37

Barnaba ichohi Yoohanahi magahiiskoo Marko layadeeh khaatti, iche ꞌdoona.

Hilassi Ergaano 15:40

Iꞌdaasenyi Baawulo Siila soobahsate kahe. ꞌDooꞌdi Kiriisto rummeeste icho Waakh iwahe, dahanohi haaggi Kamure buure gesseen.

1 Koriinto 7:19

Anki Waakh ka, khandi ommos khandiwaayyo a walahba. Wihi khumman a atihi amurreti Waakh raahto.

1 Koriinto 9:20

ꞌDooꞌdi Yaꞌhuud ka iꞌdi Yaꞌhuude iskayeele ꞌdee ꞌdooꞌdi Yaꞌhuud Kiriisto ikeena. ꞌDooꞌdi amurre Muusa anatti ka la, an iꞌdi eti amurre Muusa anatti iskayeele, ꞌdee ꞌdooꞌdi amurre Muusa anatti laka Kiriisto ikeena. Iꞌdaasenyi amurre Muusa ma ianatti.

Galaatiya 2:3

Tiitohi wahalheeye, chuꞌus Giriig eheet laka, khandihi Yaꞌhuud khandiiti ma liiholin.

Galaatiya 2:8

A mehe Waakkhi hili Waakh liihilo ka Beetero ergaanoti ꞌdooꞌdi Yaꞌhuud kayeele, ani laka hili Waakh liihilo ka ergaanoti yaafohi Yaꞌhuud ieheynan a ikayeele.

Galaatiya 5:6

A mehe jeenteti wihi Yeesso Kiriisto inno iyeeluu, khandi ommos khandiwaayyo indigir icho khabaan mele. Wohoo kaldaye khummane jira, a kakhuufnaanki inno Kiriisto kakhuufno, ꞌdooninti inno Waakh ichoow ꞌdooꞌdi addan ꞌdoonno lakaargo.

Fiiliffi 2:22

Iꞌdaasenyi Timooti saggi us rumanka indigir ikhabe us enenyet tuumman ituse a garattaan. Ani ichoow Timooti iꞌdi ooyo ichoow inankiissa Wori Haaggan isileecheekne.