Hilassi Ergaano 15:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Chirri icho ilkerengeetti weene Yeerusaleem sooeleeleen ka, urur Kiriisto ichoow ergaano ichoow ewweenki urur Kiriisto woyo ba icho martiisteen. Baawulo ichoow Barnaba la wihi Waakh icho ka yeele tuumman icheekeen.

Hilassi Ergaano 15:4 Iomraidhean Croise

Mattaayo 10:40

“Eti tuummane atin khaatti, ani ikhaatta. Eti ani ikhaatti la, Waakkhi ani isooerge iche khaatta.

Hilassi Ergaano 11:30

Waha yeeleene, Barnaba ichoow Saawulo gargaari lasoobahche idiibeene, ewweenki urur Kiriisto woyo iergeen.

Hilassi Ergaano 14:27

Inkoo icho ilkerengeetti Antiyookhiya geleen ka, urur Kiriisto isiwaheene, wihi Waakh icho ka yeele ichoow saggi Waakh jitoo ifure ꞌdee yaafohi Yaꞌhuud ieheynan laka Waakh ikakhuufaan icheekeen.

Hilassi Ergaano 15:12

Chirra Baawulo ichoow Barnaba wahanyeyyohi miigti Waakh tuso ichoow girmohi Waakh icho ka yaafohi Yaꞌhuud ieheynan iyeele cheekaan ka nabah isudeene, urur tuumman ba rukkuy gooche.

Hilassi Ergaano 15:2

Baawulo ichoow Barnaba jeenteti yeedaas u ꞌdooꞌdaas leejaakheen. ꞌDeerka jeentetaas u Baawulo ichoow Barnaba ichoow ꞌdooꞌdoo addane Kiriisto rummeeste lasoobahche, ꞌdee ilkerengeetti weene Yeerusaleem irtaane wihi ayta miinsan ka ergaano ichoow ewweenki urur Kiriisto woyo argaan.

Hilassi Ergaano 15:22

ꞌDeerka ergaano ichoow ewweenki urur Kiriisto woyo ichoow urur Kiriisto tuumman wihi icho goocheen, ꞌdooꞌdichokoo soobahchaane, ꞌdee Baawulo ichoow Barnaba kaꞌdaraane ilkerengeetti Antiyookhiya leeirtaan. Et lamma ꞌdooꞌdi Kiriisto rummeeste goyaka weynaan leh soobahcheen. ꞌDooꞌdaas la a Yuudahi Barsabba layadeeh ichoow Siila.

Hilassi Ergaano 15:3

Urur Kiriisto icho ergate. Geedda icho ili Foniikiya ichoow ki Saamariya tabaan, saggi yaafohi Yaꞌhuud ieheynan Waakh ikakhuufeen cheekeen. Wora la ꞌdooꞌdi Kiriisto rummeeste tuumman weyti kahamaadiche.

Hilassi Ergaano 15:6

Ergaano ichoow ewweenki urur Kiriisto woyo ba jeenteti aytuu tossateen.

Hilassi Ergaano 16:4

Geedda icho kolba ilkerengeettoo irtaan la, ayti goorat ergaano ichoow ewweenki urur Kiriisto woyo ilkerengeetti weene Yeerusaleem ka goocheen iche ꞌdooꞌd Kiriisto icheekaane ꞌdee a raaheen.

Hilassi Ergaano 18:27

Maanti Aboollo ili Akhaaya ikahin ꞌdoone ka, ꞌdooꞌdi Kiriisto rummeeste ilkerengeetti Efeesso kijiro usu uur miigooche, abattiti intaas kijirto khadaab ichiireene, ꞌdee etaas a martiisteen. Maanti us intaas eleele ꞌdooꞌdi haaggi Waakhe buurenye inno imunneynan ka Kiriisto rummeeste weyti gargaare.

Hilassi Ergaano 21:17

Inkoo nah ilkerengeetti weene Yeerusaleem soogelle ka, ꞌdooꞌdi Kiriisto rummeeste hamaad ka nah martiiste.

Hilassi Ergaano 21:19

Baawulo la icho bariitiche toro wihi tuummane Waakh yaafohi Yaꞌhuud ieheynan hiliis ka iyeele ꞌdooꞌd tuum idowdowe.

Rooma 15:18

Wihi Kiriisto ikahaagsate on menye, walah addane an kaayyeedo mele. Iꞌda ka yeedeey ichoow jiroteey ka ꞌdooꞌdi yaafohi Yaꞌhuud ieheynan a woya ayti Waakh raahaan.

Rooma 15:7

Taba giꞌde, saggi Kiriisto atin ikhaattuu, saggaas isikhaadda, ꞌdee enenyet Waakh a saaꞌdo.

1 Koriinto 15:10

Iꞌdaasenyi haaggi Waakhe buure ka eti an ahe a ahe. Haaggiis la ki ilmarhaatteet mee. Iꞌdi tahe an ergaanoti addan tuumman ꞌdirihicheeda hol dowe. Waha la ani menye, iꞌdaasenyi Waakh on haaggiiskaas ka hil ikahaagsate.

2 Koriinto 5:19

Wihi an eldi a waha, Waakh Kiriisto ka ꞌdooꞌdi harrata ankiissa keene. Ulla uskeelicho ma ekkaacho. Toro la hili us nah korche a ki nah saggi usu weeli enenyet ankiis ikeeno nah cheekno.

2 Koriinto 6:1

Nah a ꞌdooꞌdi Waakh hil leehaaggicho gone, a atin hawwaassanne, taba haaggi Waakhe buure wihi ilmarhaatteet iikhaatina.

Kolossaay 4:10

Aristaarkohi jeela ikaleejiro laka a atin soobariitiche. Markohi Barnaba abaayyahiis yahe laka a atin soobariitiche. Amuri usu miinsan a ꞌhesseene, chiꞌ Marko atin iyimiy, mujjum martiisda.

2 Yoohana 1:10

Chiꞌ etoo atin iyimiyye ulla wori us keene, wori Kiriisto enenyet abche buusanyahe, etaas urantiin laka asoogelinna ommos bariito laka abariitinna.