Hilassi Ergaano 15:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Baawulo ichoow Barnaba jeenteti yeedaas u ꞌdooꞌdaas leejaakheen. ꞌDeerka jeentetaas u Baawulo ichoow Barnaba ichoow ꞌdooꞌdoo addane Kiriisto rummeeste lasoobahche, ꞌdee ilkerengeetti weene Yeerusaleem irtaane wihi ayta miinsan ka ergaano ichoow ewweenki urur Kiriisto woyo argaan.

Hilassi Ergaano 15:2 Iomraidhean Croise

Hilassi Ergaano 10:23

Beetero ꞌdeerka ꞌdooꞌd min goya iwahe martiiste. Ibeenki kaas sooraaho ka Beetero ꞌdooꞌd raahe. ꞌDooꞌdoo ilkerengeetti Yooba ka Kiriisto rummeeste laka Beetero raahe.

Hilassi Ergaano 11:12

Rubeyti Munyee wihi iche ani itidah, ‘ꞌDooꞌdaas a leejijjiitanne, raah.’ Reera lihenye koo Kiriistee laka ilkerengeetti Yooba ka iraahe ichoowka ilkerengeetti Kaaysareya isleeiranne, nah tuummamba min Korneeliyo isleegelle.

Hilassi Ergaano 11:30

Waha yeeleene, Barnaba ichoow Saawulo gargaari lasoobahche idiibeene, ewweenki urur Kiriisto woyo iergeen.

Hilassi Ergaano 15:25

Nah la a tossanne ꞌdeerka ꞌdooꞌdoo farniin keeno atin ieregno nidah. Icho la a aalasseenyoki nah weyti ꞌdoonno, Barnaba ichoow Baawulo issooraahaan.

Hilassi Ergaano 15:27

Maantaka Yuuda ichoow Siila iche atin isooeregna, icho la waha nah soochiirre atin isoocheekaan.

Hilassi Ergaano 15:4

Chirri icho ilkerengeetti weene Yeerusaleem sooeleeleen ka, urur Kiriisto ichoow ergaano ichoow ewweenki urur Kiriisto woyo ba icho martiisteen. Baawulo ichoow Barnaba la wihi Waakh icho ka yeele tuumman icheekeen.

Hilassi Ergaano 16:4

Geedda icho kolba ilkerengeettoo irtaan la, ayti goorat ergaano ichoow ewweenki urur Kiriisto woyo ilkerengeetti weene Yeerusaleem ka goocheen iche ꞌdooꞌd Kiriisto icheekaane ꞌdee a raaheen.

Hilassi Ergaano 21:18

Ibeenki kaas sooraaho ka, Baawulo ichoow nah tuumman iranne, Yaakoobo sooagarre, ewweenki urur Kiriisto woyo tuumman la intaas a kajire.

1 Koriinto 1:1

Khadaaba eti atin isoochiiro, a ani Baawulo ichoow eteenki koo Kiriisteenye Soosteena layadeeh. Anna Waakhe jeenteti us iꞌdoono on u, iwahe ergaano Yeesso Kiriisto ikayeele.

2 Koriinto 11:5

A mehe maleey ka reera, “ergaanoti weyti khukkhumman,” layadeeh an iꞌdaaru laka ma karucchul.

Galaatiya 2:5

Nah la yeedicho nabah ma isudin iꞌdaaru laka. A mehe runti Wori Haaggane atin ikaaynaa.

Yuuda 1:3

Aalasseeyki an weyti ꞌdoono, geeddi an wori ribnaanki inno isleegisanno miinsan atin isoochiiro kamaldi, wihi an arge a mehe ya, wohoo addane uur ikasoodihe atin isoochiira. A atin hawwaasda, kakhuufnaanki atin Kiriisto kakhuuftaane ꞌdooꞌdi Waakh maantoo kalday on dahan lagesse, jirtuu la liikanokhan hol kadowa.