Hilassi Ergaano 13:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Geedda icho Kamur wahtaane icho af hiitaan, Rubeyti Munyee wihi iche itidah, “Barnaba ichoow Saawulo ba hili an icho iwahe isoobahcha.”

Hilassi Ergaano 13:2 Iomraidhean Croise

Mattaayo 6:16

“Kolbaaw at af hidatti, iꞌdi ꞌdooꞌdi iskaayyeeluu fool ariboon. A mehe icho fool a dakhnaata, ꞌdee saggi icho af ihiiteen tusaan. Rume atin icheeka, icho kalaꞌddicho tuum a ꞌheleen.

Mattaayo 9:38

Maantaka Kamuri gurnaan leh daaha, ꞌdee ꞌdooꞌdi ittaawenye gurnaan soogoocho a sooergo.”

Luuka 10:1

Saahka toro Kamur reeroo addane tomon teeba ichoow lammee soobahche, et lallamma ka iskaꞌdare, ilkerengeeto ichoow meessi tuummane us dowwanoha ka sooirti iergate.

Luuka 2:37

makhaabaliche buje. ꞌDeerka muunkho eheete ichoowka guꞌh tomon siyyeet ichoow guꞌh affar eleesse. Iche la injire minki Waakhe buure ma kabahine, iꞌdaasenyi ibeen ichoow maalim ba Waakh on wahatta, af hidatta toro weysatta.

Hilassi Ergaano 10:19

Beetero wihi fooltabcho tahe kamiyyaantaayi, Rubeyti Munyee wihi iche itidah, “Siimon, reeroo seyyahenye kisooyowte kalla.

Hilassi Ergaano 10:30

Korneeliyo wihi us ilaabe, “Maan affar kutte, anihi sahaꞌd saagaassi maalimeete chirree minkeey goyaka Waakh wahdi iche dog laan on etoo gaaddi dakhane torrogoot khabo orteey sootolossate.

Hilassi Ergaano 13:3

ꞌDeerka inkoo icho af hiiteene Waakh wahteen ka, dahano korcheene iweesteene ergeen.

Hilassi Ergaano 13:4

Lammache ichehi Rubeyti Munyee ergatte, irteene ilkerengeetti Seluukiya ikhubteene, intaas ka kooban geleene kurti bicche dahcho kajirto Kuuburo layadeeh irteen.

Hilassi Ergaano 14:26

Ilkerengeetti Attaaliya ka kooban geleene ilkerengeetti Antiyookhiya ili Siiriya kajirto inokhteen. Intaase hili icho toolla massicheen ka, goorat dahanohi haaggi Waakhe buure lakagesse.

Hilassi Ergaano 20:28

Rubeyti Munyee iꞌdi ersimohi hoolaate atin kayeesse. Hoolaha la a ꞌdooꞌdi Waakh. Maantaka isyaakhicha toro la hoolahi Rubeyti Munyee dahantiin gelisse tuumman yaakhicha. Ururi Waakhe goorat Yeesso diiggiis ka Waakh igate, yaakhicha toro toorriba giꞌde.

Hilassi Ergaano 22:21

“Kamur la wihi us ani iyidah, ‘Nyaam, ani yaafohi Yaꞌhuud ieheynane fogaate kiergada.’ ”

Hilassi Ergaano 4:36

ꞌDooꞌd goytiis ka etoo Yuussuf layadeehe, goob Laaweenye ullaka ili Kuuburo layadeeh kadesse, a jire. Magahi ergaano usu ibihisse la a Barnaba. Iꞌdaas ka la mehe leessa ya, eti enenyet uur miigoocho.

Hilassi Ergaano 6:4

Nah la ꞌdee awteenyuu, weysi ichoow hili Waakhe Yeedi Waakh lacheeko a gello.”

Hilassi Ergaano 8:29

Rubeyti Munyee la wihi iche Fiilif itidah, “Nyaame, garruhaas faraꞌde jiitto haggahiis fiddi.”

Hilassi Ergaano 9:15

Iꞌdaasenyi Kamur wihi us Anaaniya iyidah, “Nyaam iiro, iꞌdi tahe an usu a soobahsade, ꞌdee ulla yaafohi Yaꞌhuud ieheynan ichoow karnatteticho ichoow ꞌdooꞌdi Issiraayele woreey igeechaa.

Rooma 1:1

Khadaaba eti atin isoochiiro a ani, Baawulohi ilbooy Yeesso Kiriisteenye, toro la ergaanoti Waakh soobahsate, ꞌdee Woriiski Haaggan cheekto.

Rooma 10:15

ꞌDooꞌdi wora cheeko la saggoh woraas ꞌdooꞌd ieleelicha chirri liiergin? Iꞌdi liichiiruu, “Luhti Wori Haaggan keento, weyti lagantahe!”

Rooma 15:16

Iꞌdi tahe an a falfa Yeesso Kiriisto, ꞌdooꞌdi yaafohi Yaꞌhuud ieheynane liisooerge. An hili kuhaani haaggicha, Wori Haaggane Waakh iche cheeka, ꞌdee ꞌdooꞌda iꞌdi soorriyoti Waakh kahamaado Rubeyti Munyee munyaasse yateeh.

1 Koriinto 12:11

Waha tuumman la a hili Rubeytoo one, a Rubeyti Waakh. Iche la saggi iche iꞌdoonto u, ebba siintoo siissa.

1 Koriinto 7:5

Maantaka sammata atin koloo isikadaagin on menye, lammatiin isleeurꞌdin iistiranna. Chaꞌatin istirattaan la, geeddoo on istirda ꞌdee weysi kalday gela. Yomboka ꞌdeerka isisoonokhda, uus Seytaan jeenteti atin isjeyin iubaaꞌdan u kajmeti uskeel atin kaluguꞌddo atin ikeenine.

2 Koriinto 11:27

An weyti hol dowe, sinayyo laka iyumheene, ibeenneti ittaawe urꞌdumme laka waaye, raarahde, subgaade, kolassi ittaawe golol laan fiddiye. A roffoode toro gaaddi iyaakhto laka waaye.

2 Koriinto 6:5

A nah lajahe, jeela nah lagesse, ururi il baabiicho nah jahe, hili weyti buure haagginne, urꞌdumme waayne, ankaane.

Galaatiya 1:15

Iꞌdaasenyi, Waakh geeddi an idelan on isoobahsate, toro haaggiiski buure on ka iwahe, wihi us gooche,

Efeesso 3:7

Ani siinti haaggi Waakhe buurenye miigtiis ka liisiiche, falfati Wora Haaggan itah.

Kolossaay 4:17

Arkiiba la wihi atin itadeehiin, “Tabe hili Kamur dahantaah soogesse, rumanka massi.”

1 Timooti 2:7

Jeentetane Waakh ani eti Yeedi Waakh cheeko ichoow ergaano ikayeele. Toolla la wihi an cheeko been menye, a yeedi rummaat on. Toro la ani eti wori rummaate Kiriisto miinsan yaafohi Yaꞌhuud ieheynan abcho ikayeele.

2 Timooti 1:11

Waakh la Wora Haaggan ka hili Yeedi Waakh lacheeko ichoow ki ergaano ichoow ki enenyet Yeedi Waakh laabcho a ikorche.

2 Timooti 2:2

Wahanyeyyohi at ikadaagte an ꞌdooꞌdi ittaawenye garteey laabo ortiis ka idah la, ꞌdooꞌdi lakakhuufo ꞌdee ꞌdooꞌdi addan abin yabuuꞌd kori.

2 Timooti 4:11

Luuka kaldaye toolla ileejira. Maanti at tamiit Marko sookhaate issooraaha, a mehe us hili Waakh ka gargaari buurenye ikhaba.

2 Timooti 4:5

Iꞌdaasenyi at tabe walah tuumman ka isjeyiche, sinabaaw kisoobahte ka la garrahso. Hili eti Wori Haaggan taaꞌhicho haaggiche, hili Waakh kikorche tuumman buuhi.

Ibiraaniya 5:4

Et keley on isweynaacho, kuhaanihi weyti ween iskayeelo mele. Eti tuummane kuhaanihi weyti ween yateeh, Waakh kalday on waha, iꞌdi goorat Haruun Waakh iwahuu.