Hilassi Ergaano 13:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Etaas ween chirri us wihi yitah arge ka Kamur rummeeste, a mehe wori Kamur miinsane laabche a kagirmeeste.

Hilassi Ergaano 13:12 Iomraidhean Croise

Mattaayo 27:54

Chirri eti koobbintoo iskareet itoollo ichoow iskarti leejirte Yeesso yuubisso harrati sesseehto ichoow wihi tuummane yitah agarte ka, weyti nahte, “Rumanka usu Weeli Waakhe eheet,” tidah.

Luuka 4:22

ꞌDooꞌd tuumman haaggiis kaayyeede toro yeeda haaggane afiis kasoobahe kagirmeeste, wihi icho isworsateen, “Waha inam Yuussuf menya?”

Luuka 7:16

Icho tuumman roorro gesse, Waakh saaꞌdeene, “Etoo weene Waákh íyeyyeedo goyteen a yimiy. Waakh a yimiyye ꞌdooꞌdiis gargaara,” yidaaheen.

Yoohana 7:46

Iskare la wihi iche tidah, “Et injire saggi eta iyeyyeedo nah daagne mele.”

Hilassi Ergaano 13:48

ꞌDooꞌdi yaafohi Yaꞌhuud ieheynan chirri icho yeedaas daageen ka weyti hamaadeene, Yeedi Kamur inkaanyiteen. Eti tuummane Waakh soobahsate ꞌdee jiroti jirtuu imassan ꞌhelo la Yeesso rummeeste.

Hilassi Ergaano 13:49

Yeedi Kamur la ilaas tuumman kataaꞌhe.

Hilassi Ergaano 13:7

Ulla eti kurtetaas iweene Sergiyo Baawulo layadeehe kharee iche aaliis yahe. Etaas ween Barnaba ichoow Saawulo wahe Yeedi Waakhe kadaagin ꞌdoonaa.

Hilassi Ergaano 13:8

Iꞌdaasenyi Eelimaashi moree icho tirrime. Eta magahiis moro miinsanyahe. Usu etaas ween kakhuufnaanki us Yeesso kakhuufo kalaabine ꞌdoone.

Hilassi Ergaano 15:35

Iꞌdaasenyi Baawulo ichoow Barnaba geeddoo ilkerengeetti Antiyookhiya fiddiyeen. ꞌDooꞌdoo addane ittaawe khabaani Yeedi Kamur cheekeen.

Hilassi Ergaano 15:36

Inkoo geeddoo lafiddiye ka Baawulo wihi us Barnaba iyidah, “Kaale a nokhanni ꞌdooꞌdi Kiriisto rummeeste ilkerengeetohi goorat inno Yeedi Kamur kacheekne kijiro tuumman a tabno, saggi icho ijiraan a sooagarro.”

Hilassi Ergaano 18:12

Maanti Gaalliyo ili Akhaaya iweynaate ka, ꞌdooꞌdi Yaꞌhuud tuumman yimiyye Baawulo khabte, kootiin ortiis geecheen.

Hilassi Ergaano 19:10

Guꞌh lamma tuumman ba saggaas on isohte ichoowka ꞌdooꞌdi boroofenhi Aassiya kajiro tuumman ki Yaꞌhuud ichoow ki Yaꞌhuud ieheynan ba Yeedi Kamur daage.

Hilassi Ergaano 19:20

Iꞌdaas ka la, ꞌdooꞌdi buurenye Yeedi Kamur daage, toro raahe.

Hilassi Ergaano 19:38

Chirri Demmediroos ichoow tumaassi addan etoo wohoo kakhabto la, kootiin a jira. Weynaanti sirgaal laka a jirta, a irteene eti icho wohoo iskakhabaan a cheekti.

Hilassi Ergaano 19:7

Ichohi labaattissiye la isgoya a geeddi et tomon ichoow lamma.

Hilassi Ergaano 28:7

Chiifi kurtaase Baabiliyos layadeeh la gosashiis intaas ma kadeer. Ulla mujjume nah martiiste orrah seyyah tuummamba nah martitiissa on eheet.

Hilassi Ergaano 6:10

iꞌdaasenyi Isiteefano kharati Rubeyti Munyee siisse ka yeyyeede, eticho yeed ilaabin yabuuꞌd mele.

Hilassi Ergaano 8:25

Inkoo icho walah tuumman ꞌdooꞌd tuseene icho Yeedi Kamur cheekeen ka, ilkerengeetti weene Yeerusaleem inokhteene, goobassi ittaawenye ilkerengeetti Saamariya kijiro ka Wori Haaggan ꞌdooꞌd abcheen.