Hilassi Ergaano 13:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Toolla la dahanti Kamur a kiguꞌdubta, indo waayta, geeddoo banayhi orraheet argiwwaayta.” Chirraas on ꞌduubat ichoow mugꞌdi ba usu indo ankubeene, dahano ka il ꞌdaꞌddaarre eti angaamicho yowte.

Hilassi Ergaano 13:11 Iomraidhean Croise

Yoohana 9:39

Yeesso la wihi us iyidah, “An harrata a imiyye enenyet hukkuma, ꞌdee ꞌdooꞌdi indo laa il arga, ki kol us il argo iskoog la indo waaya.”

Hilassi Ergaano 9:17

Anaaniya ꞌdeerka irte minki Saawulo kajiro gele. Anaaniya la dahano korche, “Saawulo, walaalaaw, Yeessohi Kamurenye jit ka atihi inta isoosohatti kisoobahe iche isooergate, ꞌdee il agarta toro Rubeyti Munyee kibuuhissa,” iyidah.

Rooma 11:25

ꞌDooꞌd Kiriistokaaw, runtoo dagsane an atinhi abattaan ꞌdoono iche jirta, uus ꞌdee atin wihi atin tahiin ka weyti serey isgeenne. Waha la iꞌdicho a iꞌda, ꞌdooꞌdoo Issiraayel matahenyeticho a lamiigooche, iꞌdaasenyi ꞌdee maanti ꞌdooꞌdi yaafohi Yaꞌhuud ieheynan tiricho buuhsame, matahmiigtichotaas a massatta on.

Ibiraaniya 10:31

A roorroti weyti buure chirri Waakkhi rumanka jiro inno khabte.

2 Beetero 2:17

ꞌDooꞌda a iꞌdi indohi bicche laa ichoow ꞌduubathi rug woyo. Inti ꞌdooꞌda liiabbire a inti mugꞌdihi reebe.