Hilassi Ergaano 12:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ ꞌHerood la chirri us saggi ꞌdooꞌdi Yaꞌhuud waha ikahamaado arge ka, Beetero laka sookhabte jeela gesse. Wahaas la maanti Daawti Makaateti Liikhasin iche yitaaheen.

Hilassi Ergaano 12:3 Iomraidhean Croise

Mattaayo 26:17

Ibeenki oraate Daawti Makaateti Liikhasin, abatti Yeesso itimiyye wihi iche worsatte, “Intoh ꞌdoonta iranna katannabanna, ꞌdee gololi daawti Baasakka kataham?”

Yoohana 12:43

Iꞌdi tahe koolohi Waakh icho koolicho menye, koolohi weeli enenyet icho koolicho iche ꞌdoonaan.

Yoohana 19:11

Yeesso wihi us ilaabe, “Waakh on anto kisiiche menye, at anto at ikakhabto mele. Maantaka eti dahanohaah igesse, uskeeli us khabo kaah laka a kuta.”

Yoohana 21:18

Yeesso toro wihi us iyidah, “Rume kisoocheeka, maanti goorat at nugussahe, a sookahta, darfo gessatta, meessi at iran ꞌdoonto tuumman iratta. Iꞌdaasenyi maanti at araarrowte, dahanohaah a oogta, etoo addan la gaad kigessa, inti at iran iꞌdoonin kigeecha.”

Hilassi Ergaano 12:4

Inkoo Beetero jeela lagesse, Beetero a lakhaate iskarti toorribto rabit affarenye rabite ba la et affar tahe liigeeche ꞌdee toorribta. ꞌHerood la mehe ꞌdoona ya, usuhi Beetero inkoo daawti Baasakka kutte ꞌdooꞌd tuumman ortiis ka hukkumo.

Hilassi Ergaano 2:14

ꞌDeerka Beetero ergaanoti addane tomon ichoow koowe khabaayi tolossate riire, wihi us urur iyidah, “Yaafteeyti Yaꞌhuud, ichoow atinhi ilkerengeetti weene Yeerusaleem taalliin tuumman, alleya waha a atin idowdowo. Wihi an eldi mujjum nabah isuda.

Hilassi Ergaano 20:6

Nah la inkoo Daawti Makaateti Liikhasin kutte ka kooban ka ilkerengeetti Fiiliffi kakahne. Ibeen chan sohanne ꞌdooꞌd ilkerengeetti Tuurowa ka toro ikhayne. Teebatoo intaas fiddiine.

Hilassi Ergaano 24:27

Inkoo guꞌh lamma kutte ka, eti Boorkiyo Feestas layadeeh meel Feelig gele. Iꞌdaasenyi Feelig usuhi ꞌdooꞌdi Yaꞌhuud jilhaati ꞌdoona, Baawuló jeela goya katabe.

Hilassi Ergaano 25:9

Feestas laka usuhi ꞌdooꞌdi Yaꞌhuud wohoo siicho ꞌdoona, wihi us Baawulo iyidah, “A geeddi at ilkerengeetti weene Yeerusaleem iratti intaas ka orteey ka lakihukkumo?”

Hilassi Ergaano 4:13

Chirri icho Yoohana ichoow Beeterohi roorro laan yeyyeedo argeene toro saggi icho ꞌdooꞌdi walah garti iyahiin kaseen ka weyti girmeesteen. Saggi goorat icho Yeesso ileejireen kaseen.

Galaatiya 1:10

An weeli enenyete kahamaadin ꞌdoona? Mele! An Waakhe kahamaadin ꞌdoona. Chaꞌan uliba enenyet kahamaadin ꞌdoono, an toolla bowꞌda Kiriisto mee.

1 'Dessaloonika 2:4

Iꞌdaasenyi nah saggi ꞌdooꞌdi Waakh khaatte, hili Wori Haaggan lakorche iche iyeyyeena. Nah hol ma downo weeli enenyet ma kahamaadinno, Waakkhi uurasseen kajo kahamaadinna.